Ritið : tímarit Hugvísindastofnunar - 01.10.2013, Qupperneq 170

169
að vera kúgandi en aðrar stofnanir, sem virðast aðeins í ógáti byggja á
ranglátum valdatengslum, eiga ekki aðeins rætur að rekja til slíks ranglætis
heldur viðhalda þær því.
Á grundvelli þess sem fram hefur komið er hér fyrsta tilraun til skiln-
ings á kerfislægri kúgun hópa:
(So1) F eru kúguð (sem F) af stofnun I í samhengi C ef og aðeins ef í
C (∃R)((að vera F hefur fylgni sem ekki er tilfallandi við það að vera verr
settur með því að standa í ranglátum tengslum R við aðra) og i skapar, við-
heldur eða styrkir R).
Lítum á tvö dæmi:
Þeir sem ekki tala reiprennandi ensku eru kúgaðir (sem slíkir) •
með kjörseðlum á ensku í Kaliforníu árið 2002 ef og aðeins ef í
Kaliforníu árið 2002 hafi það að tala ekki reiprennandi ensku fylgni
sem ekki er tilfallandi við að vera verr settur með því að geta ekki
nýtt sér kosningarétt sinn og kjörseðlar á ensku skapa, viðhalda og
styrkja þennan skort á nýtingu kosningaréttar.
Konur eru kúgaðar sem konur með menningarlegri framsetningu •
kvenna sem kynferðislegra viðfanga í Bandaríkjunum seint á tutt-
ugustu öld ef og aðeins ef það að vera kona í Bandaríkjunum seint
á tuttugustu öld hefur fylgni sem ekki er tilfallandi við að þurfa að
þola kerfisbundið ofbeldi og menningarleg framsetning á konum
sem kynferðislegum viðföngum skapar, viðheldur og styrkir þetta
kerfisbundna ofbeldi.
Eins og minnst hefur verið á læt ég í bili vera að svara þeirri stóru og
mikil vægu spurningu hvernig beri að skilja hin sértæku skilyrði réttlætis.
Þó eru ákveðin atriði hér sem þarf að ræða frekar:
Hvernig á þessi greining á 1. hópkúgun við um einstaklinga: við hvaða
skilyrði er einstaklingur kúgaður af kerfi?
Hvers vegna geri ég ráð fyrir að ranglæti snúist um að vera verr 2.
settur vegna ranglátra tengsla?
Hvað er átt við með 3. fylgni sem ekki er tilfallandi milli þess að til-
heyra hópnum og ranglætisins?
Hvers konar tengsl milli stofnunarinnar og ranglætisins teljast 4.
skapa, viðhalda og styrkja?
KÚGUN: RASÍSK oG öNNUR