Ritið : tímarit Hugvísindastofnunar - 01.10.2013, Qupperneq 171

170
ég mun fjalla um þessi atriði eitt í einu.
Í fyrsta lagi er tillagan enn sem komið er tvíræð með tilliti til staðhæf-
ingarinnar „F eru kúguð“ því óljóst er hvort átt sé við (í viðkomandi sam-
hengi) að öll F séu kúguð eða aðeins að sum F séu kúguð. Er því haldið fram
í seinna dæminu að allar konur seint á tuttugustu öld í Bandaríkjunum hafi
verið kúgaðar af menningarlegri framsetningu kvenna sem kynferðislegra
viðfanga eða aðeins að sumar konur hafi verið það?
ég tel að þær hefðir sem um ræðir séu kúgandi fyrir alla meðlimi hóps-
ins en að sjálfsögðu í mismiklum mæli og á mismunandi vegu eftir þjóð-
félagsstöðu. Til dæmis er auðug kona, sem hefur efni á að taka leigubíl
hvenær sem hún óttast um öryggi sitt á götunni, ekki kúguð af tíðu ofbeldi
gagnvart konum í sama mæli og fátæk kona, sem þarf að nota almenn-
ingssamgöngur og ganga langa leið heim frá stoppistöðinni eftir að vakt-
inni hennar lýkur um miðnætti. En það að konur eigi frekar á hættu en
karlar að verða fyrir nauðgun, heimilisofbeldi eða kynferðislegri áreitni er
ranglæti sem hefur áhrif á allar konur, hvort sem þær verða nokkurn tím-
ann fyrir slíku og hvort sem þær eru yfirleitt í aðstöðu til að verja sig vegna
sterkrar efnahagsstöðu eða góðrar staðsetningar. Fyrir vikið vil ég setja
fram þessa almennu staðhæfingu fyrir sérhvern einstakling x:
x er kúgaður sem F af stofnun I í samhengi C ef og aðeins ef x er F í C
og í C (∃R) ((að vera F hefur fylgni sem ekki er tilfallandi við það að vera
verr settur með því að standa í ranglátum tengslum R við aðra og I skapar,
viðheldur og styrkir R).
Meðal frekari dæma má telja:
Tyrone er kúgaður sem Svartur karl af kynþátta- og kynjastöðl-•
un í glæparannsóknum í Bandaríkjunum snemma á tuttugustu og
fyrstu öld ef og aðeins ef Tyrone er Svartur karl í Bandaríkjunum á
tuttugustu og fyrstu öld og í því samhengi hafi það að vera Svartur
karl fylgni sem ekki er tilfallandi við það að verða fyrir áreitni lög-
reglu og valdbeitingu og kynþátta- og kynjastöðlun skapi, viðhaldi
eða styrki áreitni og valdbeitingu lögreglu.
William er kúgaður sem samkynhneigður karl af heilsutrygginga-•
reglum Stórfyrirtækisins árið 1990 ef og aðeins ef William er sam-
kynhneigður karl sem starfar fyrir Stórfyrirtækið árið 1990 og í því
samhengi hafi það að vera samkynhneigður karl fylgni sem ekki er
tilfallandi við ójöfnuð eftir kynhneigð í úthlutun bóta og heilsu-
tryggingareglurnar skapa, viðhalda eða styrkja ójöfnuðinn.
SALLy HASLANGER