Peningamál - 01.05.2010, Síða 80

P
E
N
I
N
G
A
M
Á
L

2
0
1
0
•
2
80
ANNÁLL
Hinn 27. janúar ákvað peningastefnunefnd Seðlabanka Íslands að
lækka vexti bankans um 0,5 prósentur. Vextir á viðskiptareikningum
innlánsstofnana lækkuðu í 8,0%, hámarksvextir á 28 daga innstæðu-
bréfum í 9,25%, vextir á lánum gegn veði til sjö daga í 9,5% og dag-
lánavextir í 11,0%.
Hinn 29. janúar heimilaði sjávarútvegsráðherra veiðar á 130.000 tonn-
um af loðnu á vetrarvertíð. Koma 97.100 tonn í hlut íslenskra skipa.
Febrúar 2010
Hinn 1. febrúar tilkynnti matsfyrirtækið Standard and Poor's óbreytta
lánshæfiseinkunn ríkissjóðs, en að matið yrði áfram á athugunarlista
vegna óvissu um erlenda lánsfjármögnun, afnám gjaldeyrishafta og
stöðuna í Icesave-málinu.
Hinn 8. febrúar skipaði ráðherra samgöngu- og sveitarstjórnarmála
fjár haldsstjórn fyrir Álftanes að tillögu eftirlitsnefndar með fjármálum
sveitarfélaga.
Hinn 17. febrúar var tilkynnt að fjármálaeftirlitið hefði sett á stofn
þriggja manna ráðgjafarnefnd um mat á hæfi stjórnarmanna í eftirlits-
skyldum fjármálafyrirtækjum.
Hinn 24. febrúar gaf framkvæmdastjórn Evrópusambandsins út álit um
aðildarumsókn Íslands að ESB. Niðurstaða hennar var að Ísland full-
nægði öllum skilyrðum sem umsóknarríki og var lagt til að hafnar yrðu
aðildarviðræður við Ísland.
Hinn 25. febrúar samþykkti Alþingi breytingu (389. mál á 138. þingi) á
lögum um nauðungarsölu þannig að fram til 1. ágúst 2010 geti skuld-
ari samkvæmt umsókn fengið frestun á sölu eigin íbúðarhúsnæðis um
allt að þrjá mánuði. Breytingin gekk í gildi samdægurs. Áður var í
lögum ákvæði um frestun á nauðungarsölu íbúðarhúsnæðis fram yfir
28. febrúar.
Hinn 26. febrúar lýsti matsfyrirtækið Moody's áhyggjum af þeim þrýst-
ingi sem þráteflið í Icesave-málinu setti til lækkunar á Baa3 lánshæfis-
einkunn Íslands. Engar breytingar voru tilkynntar á lánshæfismati.
Mars 2010
Hinn 4. mars samþykkti Alþingi breytingar á hlutafélagalögum (71.
mál á 138. þingi). Með breytingunni er hlutverk stjórnarformanna
takmarkað þannig að staða starfandi stjórnarformanna má heita úr
sögunni. Þá eru fest í lög afdráttarlaus ákvæði um kynjajöfnuð í félags-
stjórnum.
Hinn 4. mars staðfesti Fjármálaeftirlitið sameiginlegar reglur fjármála-
fyrirtækja um fjárhagslega endurskipulagningu fyrirtækja, eins og því
var falið með lögum nr. 107/2009, um aðgerðir í þágu einstaklinga,
heimila og fyrirtækja vegna banka- og gjaldeyrishrunsins.