Glóðafeykir - 01.04.1979, Síða 12

12
GLÓÐAFEYKIR
hreyfingarinnar. Það þarf að rifja upp hugsjónagrundvöllinn og efla
samhug og samtök.
Ég álít afar æskilegt, að samvinnuhreyfingunni takist, í samvinnu
við verkalýðshreyfinguna, að eiga hlut að nýrri kjaramálastefnu í þá
átt að breyta framleiðsluháttum, vinnutilhögun og tilhögun kaup-
gjalds þannig, að vinnutíminn gæti orðið skaplegur og kaupgjald samt
lífvænlegt. Það mundi margan þjóðfélagsvanda leysa. I þessa stefnu
ályktaði Sambandsstjórn 1977 og fól Vinnumálasambandi sam-
vinnumanna að vinna í þessa átt.
Ég tel brýnt, að samvinnuhreyfingin láti meira til sín taka í þétt-
býlinu við Faxaflóa en ennþá hefur komist í framkvæmd.
— Telurðu að náðst hafi þau markmið, sem frumherjar sam-
vinnuhreyfingarinnar stefndu að í upphafi?
— Satt að segja er ég helst á því að frumherjarnir mundu verða
fremur ánægðir ef þeir gætu kynnt sér það, sem samvinnuhrevfingin
hefur áorkað í þágu almennings á íslandi, og teldu sig hafa unnið gott
verk með því að ýta henni á flot.
Ég óska Kaupfélagi Skagfirðinga til hamingju með afmælið, fagna
glæsilegum árangri félagsins og læt þá von í ljósi, að gæfa fylgi störfum
þess framvegis.