Glóðafeykir - 01.04.1979, Blaðsíða 16

16
GLÓÐAFEYKIR
Aðalfundir Mjólkursamlags Skagfirðinga og
Kaupfélags Skagfirðinga fyrir árið 1977
MJÓLKURSAMLAG SKAGFIRÐINGA
Aðalfundurinn var að þessu sinni haldinn í félagsheimilinu Melsgili
þ. 21. apríl s.l.
Gísli Magnússon, Eyhildarholti, setti fundinn, en fundarstjóri var
kjörinn Halldór Hafstað, Útvík.
I ræðu samlagsstjóra, Sólbergs Þorsteinssonar, kom m.a. fram, að
heildar mjólkurinnlegg varð á árinu 9,2 millj. lítra, og hafði aukist um
5% frá fyrra ári, eða um 440 þús. lítra. Meðalfita mjólkurinnar varð
3,765% og hafði fitan aukist um 0,016% á milli áranna.
Sala á neyslumjólk, að meðtalinni sýrðri nýmjólk, varð alls 952 þús.
lítrar, og hafði þessi sala minnkað um 56 þús. lítra. Nýmjólkursalan
varð því 10,32% af allri innveginni mjólk.
Rjómasala í héraðinu varð 17.891 lítri, og til Reykjavíkur var selt
44.526 lítrar, eða samtals 62.417 litrar. Rjómasalan hafði minnkað um
20.665 lítra frá fyrra ári, og varð sá samdráttur eingöngu á sölunni til
Reykjavíkur.
Skyrsala varð 41,4 tonn eða sama magn og undanfarin tvö ár. Sala á
undanrennu varð um 274 þús. lítrar, og hafði aukist um 69 þús. lítra.
Á síðasta ári framleiddi Samlagið 139,8 tn. af smjöri, og var þar um
að ræða 87,9 tn. samdrátt frá fyrra ári. Kaseinframleiðsla varð 6,5 tn
eða samdráttur um 59 tonn. 526 tonn voru framleidd af 45% ostum, og
óx sú framleiðsla um 423,4 tn, en framleiðsla á 30% osti varð 120,75 tn.
eða 150,7 tn. minna en 1976.
Um síðustu áramót var heildarverðmæti vörubirgða Samlagsins
447,2 millj. króna og höfðu hækkað um 185,1 millj. kr. á árinu.
Lægsti innvigtunarmánuður varð febrúar með 443.678 lítra en
hæsti júlí með 1.156.925 lítra.
Á síðasta ári flutti Mjólkursamlagið út um 410 tonn af ostum eða
314 tn. meira en sl. ár. Hlutdeild Samlagsins í heildarútflutningi
landsmanna á ostum er um 33%. Osturinn var mest fluttur til Sví-