Glóðafeykir - 01.04.1979, Síða 50

50
GLOÐAFEYKIR
þennan vetur. Um haustið var Skagfirðingum veitt hallærislán úr
landssjóði, sem nam 10.000 kr. Fengu allir hreppar lán, misjafnlega
mikið, eftir því hve þeir höfðu orðið hart úti. Holts-, Akra- og Skefils-
staðahreppar fengu mest, 1100 kr. Hofshreppi var úthlutað 900 kr.
Vafalaust hefur dregið úr pöntunum við hina gífurlegu fjárskaða. Það
er ennfremur sennilegt, að þetta áfall hafi valdið einhverri gremju út í
Coghill, þótt fleira kæmi til. Mönnum var orðið fullkunnugt um, að
pöntunarfélög þau, er verzluðu við Zöllner & Co., höfðu náð beztum
kjörum haustið 1886. Annar keppinautur reyndist Coghill þó skæðari
í fyrstu lotu.
Hinn 28. desember 1887 var haldinn stjórnarfundur á Gunnsteins-
stöðum. Voru allir sammála um að halda vörupöntun áfram „hjá
Coghill eða Slimon næsta sumar, þó í smáum stíl verði, þar eð slik
pöntun bæði miði til þess að lækka vöruverð hjá kaupmönnum, enda
óvíst, að hjá þeim verði nægar vörubirgðir handa almenningi,“ eins og
segir í gjörðabók félagsins. Skyldu vörurnar koma á Sauðárkrók á
tímabilinu 20.-30. júní næsta sumar, og var lögð áherzla á það. Borgun
átti að vera í sauðum eða peningum. En til þess að þetta gæti orðið,
þurftu pantanir að vera komnar til Péturs Kristóferssonar á Stóruborg
fyrir lok febrúar, „svo að þær geti orðið sendar áleiðis til herra kaup-
manns Slimons í Leith með póstferðinni í marzmánuði.“ Þar með var
tilboði Zöllners hafnað í bráð. Coghill hafði enn traust stjórnarinnar,
en það dugði skammt. I Þjóðólfi birtist eftirfarandi bréfakafli, dags. 4.
desember:
Mikil hafa verið sauðakaupin hjer fyrir norðan í haust, og hefur Knudsen gefið
bezt fyrir fjeð og selt matinn með beztu verði, enda býst jeg við, að hjer verzli
fjöldi manna við hann að sumri, ef hann kemur aptur. Pöntun verður víst mjög
lítil hjá Coghill, því að menn eru farnir að sjá, að það dregur illan dilk eptir sjer
að binda sig strax að vorinu til að selja vissum fjárkaupmanni sauði sina að
haustinu, því að þótt maturinn sje lánaður til litils tíma (GJ: vfir sumarið) þá
er samt verzlunin með því móti hrein og bein skuldaverzlun.
Jóhann C. Knudsen kom fyrst hingað til fjárkaupa 1884 og verzlaði
þá við Kaupfélag Þingeyinga. Árið 1887 hóf hann fjárkaup í Skaga-
firði. Munu Skagfirðingar hafa verzlað töluvert við hann það ár, eins
og lýst er í bréfinu hér að framan.
í ársbyrjun 1888 birtist í Þjóðólfi fréttabréf úr Skagafirði, dags. 8.
janúar:
Ekki er enn farið að bera á bjargarvandræðum manna á milli. því að flestir
hreppar keyptu allmikið af kornmat hjá Knudsen fyrir hallærispeninga, og svo