Glóðafeykir - 01.04.1979, Side 3

GLÓÐAFEYKIR
Félagstíðindi Kaupfélags Skagfirðinga
19. HEFTI • APRÍL 1979
Ritstjón og ábyrgðarmaður: Gísli Magnússort í Eyhildarholti.
Ljósmyndun Stefán Pedersen.
Kaupfélag Skagfirðinga 90 ára
Kveðja frá stjórnarformanni Sambands ísl. samvinnufélaga.
Senn getum við samvinnumenn fagnað aldarafmæli þess, er frjóangi
sá skaut rótum hér á landi, sem svo ríkulegan ávöxt hefur borið og við
í dag þekkjum sem hina íslenzku samvinnuhreyfingu. Árið 1882 riðu
frumkvöðlarnir í Þingeyjarsýslu á vaðið
með stofnun hins fyrsta íslenzka kaupfé-
lags og byggðu þá á grunni hugsjóna og
reynslu, sem Islendingar höfðu aflað sér
með rekstri verzlunarfélaga, er starfað
höfðu um nokkurt árabil hér á landi,
einkum á Norðurlandi. íslendingar höfðu
um þessar mundir rumskað af aldalöng-
um dvala erlendrar áþjánar og harðinda
og tóku að krefjast réttar síns í anda upp-
lýsingarstefnunnar og rómantísku stefn-
unnar. Ahugi vaknaði fyrir endurheimt
sjálfstæðis og þjóðtungu og fyrir því að
þjóðin almennt rétti úr kútnum og bætti
kjör sín og hag á öllum sviðum. Eðlilegur
þáttur hinnar þjóðlegu endurreisnar var að taka verzlunarmálin sem
mest í eigin hendur, en þjóðin hafði langa hríð búið við hin verstu
verzlunarkjör. Stofnun samvinnufélaganna kom því sem eðlileg af-
leiðing þeirrar miklu frelsis- og framfarasóknar, sem hófst með þjóð-
inni á 19. öld og alla tíð síðan hefur framþróun og efling samvinnu-
hreyfingarinnar haldist í hendur við allsherjar framfarasókn þjóðar-
Valur A mþórsson.