Glóðafeykir - 01.04.1979, Síða 67

GLÓÐAFEYKIR
67
Árið 1919 settist hann í II bekk Verzlunarskóla ísl. og stundaði nám í
tveim efri bekkjum skólans, en varð þó að hverfa frá námi síðari
veturinn sakir veikinda, og gat því eigi lokið prófi. Var á Vífilsstaða-
hæli 1923-1926, fékk þar að vísu góðan bata,
en heimti þó aldrei fulla hreysti.
,.Kristján starfaði á unglingsárum við
verzlun C. Höephners á Sauðárkróki frá
1915-1918, árið 1922-1923 stundaði hann
verzlunarstörf hjá Kristjáni Gíslasyni og eftir
hælisvist á Vífilsstöðum vann hann um skeið
við verzlun Sigurgeirs Daníelssonar á Sauð-
árkróki. Arið 1934 réðst hann til Kaupfélags
Skagfirðinga og vann því fyrirtæki upp frá
því meðan stætt var heilsu vegna. Framan af
var hann bókari, en síðan í 26 ár yfirmaður
við verðlagningu“. (Kristm. Bjarnas.). Hann
var ágætur starfsmaður, samvizkusamur og vandvirkur, svo að á betra
varð naumast kosið. „Hjá honum fór saman í óvenju ríkum mæli
hollusta og hæfni“. (Sveinn Guðm.).
Kristján C. Magnússon var mikill félagshyggjumaður, enda fékk
hann ekki vikizt undan að gegna margvíslegum trúnaðarstörfum og
félagsmála. Hann gegndi ýmsum störfum í umboði hreppsnefndar, sat
í vatnsveitunefnd, veganefnd, skólanefnd, var í stjórn Sjúkrasaml.
Sauðárkr., í stjórn Rauðakrossdeildar Sauðárkr. svo og Hjartaverndar
í Skagaf. \’ann um skeið að bindindismálum og var um hríð form.
Ungmennasamb. Skagafj. Áratug sat hann í stjórn Leikfélags Sauð-
árkr. og félaginu löngum haukur í horni. Hann beitti sér fyrir stofnun
Sauðárkróks-bíós h/f, sat áratugi í stjórn þess og lengi sýningarstjóri.
Hann sótti námskeið í útvarpsvirkjun og fékkst um stund við upp-
setningu og viðgerð útvarpstækja.
Kristján sat í stjórn Sögufélags Skagfirðinga og útgáfunefnd þess
um langt skeið, í stjórn Bóka- og héraðsskjalasafns Skagfirðinga og
formaður safnstjórnar frá og með 1960 til æviloka. Á formennskuárum
hans var reist hið mikla og glæsilega Safnahús á Sauðárkróki, er hýsir
Bóka- og Héraðsskjalasafn Skagfirðinga svo og vísi að listasafni, og átti
hann ríkan hlut að þeirri veglegu framkvæmd. Ungur að árum hóf
Kristján ljósmyndagerð, varð mjög leikinn í þeirri list og kom sér upp
geysimiklu og verðmætu myndasafni, bæði mannamynda svo og
menningarsögulegs eðlis. Þá átti hann einnig stórt og verðmætt
hljómplötusafn, 320 úrvalsplötur. Bæði þessi söfn svo og stórt og gott