Glóðafeykir - 01.04.1979, Side 63

GLÓÐAFEYKIR
63
meðallagi há, íturvaxin, dökkhærð, fölleit ásýndum, augun blá og
glettnisleg. Hún var vel greind og las mikið, einkum á efri árum. Hún
var félagslynd, glaðsinna og hafði til að bera einstakt skopskyn, enda
búin miklum leikrænum hæfileikum. Geðrík var hún nokkuð og
blóðheit, en fljót til sátta, viðkvæm í lund, drenglynd og hjartahlý.
Baldvin Jónsson, Hóli á Skaga, drukknaði við umvitjun á grásleppu-
netum á Skagafirði, skammt inn af Selvík, þ. 8. maí 1973, aðeins 28 ára
gamall.
Hann var fæddur á Akri á Skaga 27. ágúst
1945, sonur Jóns bónda á Hóli í sömu sveit
Jakobssonar, bónda í Kleifargerði í sömu
sveit, Björnssonar, og konu hans Kristínar
Baldvinsdóttur.
Baldvin ólst upp hjá foreldrum sínum og
var með þeim til æviloka, vann að búi þeirra
og var þeim á allan hátt stoð og stytta. Hann
var dugnaðarmaður og mesta snyrtimenni
um alla búsýslu, var og síðustu árin kominn
með vænan bústofn. Hann átti sæti í
hreppsnefnd Skefilsstaðahrepps, er hann féll
frá.
Baldvin var meðalmaður á vöxt, frekar fríður sýnum. Hann var hlýr
í viðmóti og drengur góður. Er ekki aðeins öldruðum foreldrum og
öðrum vandamönnum mikill missir sem og fámennu sveitarfélagi að
svo ungum og efnilegum manni.
Hann dó ókvæntur og barnlaus. (Að mestu eftir Gunnst. Steinss.)
Gunnar Guðvarðarson, bóndi á Skefilsstöðum á Skaga, drukknaði um
leið og Baldvin Jónsson, hinn 8. maí 1973, sjá hér að framan.
Hann var fæddur á Sauðárkróki 29. apríl 1934, sonur Guðvarðar
Steinssonar bílstjóra þar og síðast bónda á Kleif á Skaga og konu hans
Bentínar Þorkelsdóttur. (Sjá þátt um Guðvarð í Glóðaf. 1973, 14. h.
bls. 57).
Gunnar ólst upp með foreldrum sínum og fluttist með þeim suður á
land. Þar stundaði hann um skeið sjómennsku, einkum á togurum.
Þegar foreldrar hans fluttu að Kleif árið 1954, fór hann þangað með
þeim. Arið 1955 gekk hann að eiga Margréti Viggósdóttur bónda á
Skefilsstöðum, Sigurjónssonar, og konu hans Sigríðar Sigtryggsdóttur
bónda á Hóli á Skaga, en kona Sigtrvggs og móðir Sigríðar var Ingi-
Baldvin Jónsson.