Glóðafeykir - 01.04.1979, Side 51

GLÓÐAFEYKIR
51
eru miklar birgðir af kornvöru hjá kaupmönnum á Sauðárkrók, svo að búist er
við að korn verði sótt bæði vestan úr Húnavatnssýslu og ef til vill norðan að
líka, því að á báðum stöðum er matvöruskortur í kaupstöðum.
Um vorið birtist þessi frétt í ísafold:
Matvöruskortur orðinn mikill í kaupstöðum Norðanlands, vegna siglingaleys-
isins nema á Sauðárkrók, vörubirgðir C. Knudsens frá Newcastle, er hann
skildi þar eptir óseldar í haust, og nokkuð hjá fasta kaupmönnum þar. Lesta-
ferðir miklar þangað norðan úr Eyjafirði.
Enn birtist bréf í Þjóðólfi, dags. 7. júní:
Ekkert hafskip hefur enn komið á Skagafjörð í vor, en kaupstaðir á Sauðárkrók
hafa verið vel birgir af mat til þessa, en eru nú að þrotum komnir. Eru byrgðir
þessar mest því að þakka, að Coghill og Knudsen fluttu hingað miklar vörur í
fyrra sumar, svo að kaupmenn hjer þurftu lítinn mat að selja fyr en í vetur, móti
því sem annars hefði verið.
Ekki mun það ofmælt, að Knudsen hafi verið bjargvættur Norð-
lendinga þennan vetur og vorið eftir. Sigling til Sauðárkróks kom ekki
fyrr en seint í júní sökum hafíss. Voru margir þá orðnir aðþrengdir.
Þetta sumar voru sauðakaup með mesta móti. Samkvæmt blöðum
mun hafa verið keypt alls um 30.000 fjár, þar af þriðjungur á Austur-
landi. Coghill og Knudsen kepptu í Skagafirði. Gaf hinn fyrrnefndi
13-15 kr. fyrir sauði, en sá síðarnefndi 14 kr. fyrir 110 punda sauð og 20
aura fyrir hvert pund þar yfir. Kusu Skagfirðingar fremur að verzla
við hann, en þó keypti Coghill þar a.m.k. 1400 kindur.
Knudsen keypti alls um 5000 fjár í Húnavatns- og Skagafjarðar-
sýslum. Ennfremur keypti hann nálega 400 hross á 40-50 kr. Var féð
rekið til Sauðárkróks til vörzlu þar, meðan beðið var skips.
En hér fór á aðra leið en vænzt var. Annað skipa hans, Lady Bertha,
rak á land i ofviðri sem gerði um veturnæturnar og laskaðist, svo að
ekki varð unnt að flytja fé með því. Hitt skipið hélt á brott fermt 2000
sauðum og um 100 hrossum. Knudsen reyndi að fá skip hingað til að
sækja það, sem eftir var. Svo var um samið, að kæmi ekkert skip fyrir
26. nóvember, yrði féð selt á uppboði og hrossin sömuleiðis. Knudsen
fékk ekki annað skip, og var uppboð þá haldið. Voru seldir 680 sauðir,
að meðaltali á 9.37 kr. hver, og 183 hross á 23 kr. Tjón Knudsens var
afar mikið. Hann hafði verið vellauðugur, en misstu nú nálega aleigu
sína. Hann hafði aflað sér mikilla vinsælda, enda áreiðanlegur í við-
skiptum og örlátur á fé. Er sagt, að hann hafi greitt 3000 kr. fyrir
vörzlu sauða og hrossa í Borgarmýrum, á meðan beðið var skips.