Glóðafeykir - 01.04.1979, Qupperneq 33

GLÓÐAFEYKIR
33
velgengni þess, vaka yfir því að það sé vel rekið og beina viðskiptum
okkar þangað eftir því sem við verður komið.
Verið getur að mér hafi mistekizt að færa rök fyrir því með þessum
fáu orðum, hvers vegna ég fylgi samvinnustefnunni, en eftir því sem ég
lifi lengur í heimi hér, finnst mér það eðlilegra. Nú orðið feta ég
vitandi vits í fótspor föður míns, sem verzlaði helzt ekki annars staðar
en í sínu kaupfélagi.
Hjörleifur Sturlaugsson, Kimbastöðum,
deildarstjóri Skarðsdeildar:
Hvers vegna ert þú samvinnumaður?
Þegar ég á mínum unglingsárum fór að
lesa um samvinnustefnuna, fann ég að
hún er mannbætandi. Síðan hef ég verið
henni samferða, að þeim hluta er nær til
mannlegra samskipta.
Þess vegna er ég samvinnumaður.
Eggert Jóhannsson, Felli, deildarstjóri Fells-
deildar:
Eg er samvinnumaður vegna þess að ég
tel mér betur borgið á þann hátt, ekki
aðeins í kaupfélaginu heldur og meðal
okkar sjálfra heima í sveitinni og í hinu
daglega lífi.
Eg óska Kaupfélagi Skagfirðinga til
hamingju með afmælið og árna því gæfu
og gengis á komandi dögum. Við, sem
búum austan fjarðar, höfum horft á tvö
kaupfélög falla (Kaupfélag Aust-
ur-Skagfirðinga, Hofsósi og Samvinnu-
félag Fljótamanna. Haganesvík. G. M.).
Margir harma þessi endalok ágætra félaga, og er það að vonum. Nú er
Kaupfélag Skagfirðinga eina kaupfélagið í Skagafirði og nær yfir alla
Skagafjarðarsýslu (og Sauðárkrókskaupstað. Innskot). Við vonum að
það beri gæfu til að starfa um ókomna framtíð.
Eggert Jóhannsson.
Hjörleifur Sturlaugsson.