Glóðafeykir - 01.04.1979, Side 25

GLÓÐAFEYKIR
25
Hvers vegna ert þú samvinnumaður?
Á 90 ára afmæli Kaupfélags Skagfirðinga þótti ritstj. Glóðafeykis
við hæfi að skrifa deildarstjórum félagsins og beina til þeirra ofan-
greindri spurningu. Brugðust þeir allir vel við og kann ég þeim þakkir
fyrir. Þá var og Halldóri bónda Benediktssyni á Fjalli skrifað sömu
erinda. Hann hefur gegnt störfum deildarstjóra í K.S. lengst allra,
þeirra er nú eru lífs, en gaf eigi kost á sér til endurkjörs við síðustu
deildarstjórakosningar.
Tekið var fram, að svörin mættu vera stutt eða löng, eftir því sem
hver og einn teldi bezt henta.
Engin kona gegnir deildarstjórn á vegum K.S. Konur hafa hins
vegar verið kjörnar fulltrúar á aðalfund — og þó stórum færri en vera
bæri. Undirritaður leitaði á vit tveggja húsmæðra, er nokkuð hafa
gefið sig að samvinnumálum, og fékk frá báðum góð og greið svör, sem
vænta mátti.
Til þess að koma i veg fyrir hugsanlegan misskilning skal þetta að
lokum tekið fram:
Samvinnufélag Fljótamanna hefur lagt niður starfsemi sína í
Haganesvík, en Kaupfélag Skagfirðinga hins vegar komið sér upp
ágætri verzlunaraðstöðu á Ketilási í Fljótum og rekur þar útibú. En
enda þótt legið hafi í loftinu nokkur ár, að Samvinnufél. Fljótamanna
sameinaðist K.S. og undirbúningi sé að mestu lokið, þá hefur formleg
sameining félaganna eigi enn farið fram og deildarstjórar Fljóta-
deildanna, Holts- og Haganes, því eigi enn tekið sæti á aðalfundi K.S.
Fyrir því var þeim og eigi send fyrirspurnin, sú sem hér er höfð að
yfirskrift.
Svörin birtast hér í þeirri röð, sem þau bárust undirrituðum í
hendur.
G. K.
Jón Guðmundsson, Óslandi, deildarstjóri Hofsdeildar:
Þegar mér barst í hendur spurningin: „Hvers vegna ert þú sam-
vinnumaður?11, kom í hugann fyrsta endurminning mín frá barnsár-
um. Eg fæddist á Siglufirði í aprílmánuði 1931 og foreldrar mínir