Glóðafeykir - 01.04.1979, Síða 49

GLOÐAFEYKIR
49
kaffi, sykur, steinolía, kol, sápa, tóbak, ljáblöð og ýmsar smærri vörur.
Verðmunur var mikill. Matvara var 15-40% ódýrari en hjá kaup-
mönnum, munaðarvara, svo sem sykur, 25-50% ódýrari. Auk þess
fengu flestir talsvert af peningum fyrir hross og fé.
Pöntun í Hofshreppi.
Eins og má sjá á reikningunum, minnkaði verzlun allmikið 1886 frá
árinu áður. Ein deild, Hofshreppur, jók þó verzlun sína verulega. Það
ár og hið næsta var pöntunin þessi:
Pöntun 1886 1887
Bankabygg hálfsekkir 50 81
Hveiti do (87 overhead no 1) 108 104
Hrísgrjón heil do 23 29
Kaffi pund 1710 1180
do export do 260
Kandís pund 1450 1125
Melís höggvinn do 500 500
do óhöggvinn do 200 155
Púðursykur do 70 6
Blaut sápa do 26
Tvistur, tvinnaður, hvítur pund 22
Ljáblöð tals 144 132
Steinolía dunkar (20 potta) 8 7
do föt 3 4
Línuhespur 60 faðma V/2 pund, tals 24
Smíðakol tunnur 3
Á móti pöntun fyrra árið ætlaði deildin að leggja 300 sauði tveggja
vetra og eldri. Þetta haust borgaði Coghill ekki nema 14 kr. fyrir beztu
sauði, svo að hætt er við, að meira hafi þurft að koma á móti, ef ekki
átti að halla á deildina. Árið eftir 1887 gaf Coghill svipað eða lægra
verð fyrir sauðina. Deildin var ekki tilbúin að leggja fram sauða- eða
hrossafjölda, þegar pöntunin var gerð, enda munu loforð fyrra árs ekki
hafa dugað, vegna verðlækkunarinnar. Allmikið hafði dregið úr
pöntun. En þrátt fyrir það er vafasamt, að deildin hefði getað staðið
við sauðaloforðin.
Veturinn hafði verið þungur og hey vond frá sumrinu áður. Bú-
peningur var því illa framgenginn og sleppt snemma. Um miðjan maí
skall á stórhríð, er stóð í fimm daga. Misstu bændur þá fjölda fjár og
talsvert af hrossum. Um veturinn og í þessu vorhreti misstu bændur í
Hofshreppi 1098 kindur og 15 hross. Nautgripum hafði fækkað um 12