Ritröð Guðfræðistofnunar - 01.01.1998, Síða 83

Arnfríður Guðmundsdóttir
Af hverju leggjum við
stund á guðfræði?
Á tímamótum er við hæfi að líta um öxl og skoða það sem vel hefur verið gert
ásamt því sem betur hefði mátt fara. Þá er einnig mikilvægt að huga að ástandinu
eins og það er í ljósi þess sem er framundan. Hátíðahöld í tilefni stofnunar
Prestaskólans gefa okkur ástæðu til þess að staldra við og huga að stöðu
guðfræðimenntunar og guðfræðinnar nú þegar dregur að aldamótum og senn
líður að stærri og meiri hátíðahöldum vegna þúsund ára kristni á íslandi.
Erfitt er að meta gildi þess að guðfræðimenntun hefur staðið fólki til boða hér
á landi í eina og hálfa öld. Aðsókn að guðfræðideild Háskóla íslands, sem tók við
af Prestaskólanum, hefur farið vaxandi á síðustu árum og er nú meiri en nokkru
sinni fyrr. Á sama tíma hefur aldrei verið eins erfitt að fá starf við hæfi að námi
loknu. Atvinnuleysi guðfræðinga er staðreynd og kvíða gætir hjá þeim sem eru
að ljúka námi. Því er ekki úr vegi að spyrja: Af hverju heldur fólk áfram að inn-
rita sig í guðfræðinám þegar atvinnuhorfur eru svo bágar? Hvað er það sem dreg-
ur fólk að náminu? Umræðan um launakjör presta gefur til kynna að ekki séu það
peningamir sem laði nemendur að guðfræðinni. En hvað er það þá sem veldur
því að guðfræðideildin er þétt setin af áhugasömum nemendum, þar sem konur
hafa í fyrsta skipti í sögu guðfræðimenntunar hér á landi verið í talsverðum
meirihluta síðustu árin?
Sennilega má nefna ýmislegt sem laðar fólk að guðfræðinni. Hér er ætlunin
að huga að eðli og hlutverki guðfræðinnar í þeim tilgangi að varpa Ijósi á ástæður
þess að fólk leggur stund á guðfræði nú í lok 20. aldarinnar. Hjá þeim guðfræði-
stefnum sem eiga það sameiginlegt að leggja áherslu á mikilvægi eigin reynslu
sem og þjóðfélagslega ábyrgð er á okkar tímum að finna vaxtarbroddinn í guð-
fræðinni úti í hinum stóra heimi. í þessum guðfræðistefnum er sett á oddinn kraf-
an um að guðfræðin taki mið af mannlegri reynslu og tali til hennar. Umfjöllun
um pólitísk og siðferðileg álitamál er í þessu samhengi tvímælalaust talin falla
undir svið guðfræðinnar, sem og opinská barátta fyrir framgangi réttlætisins.
Ekkert mannlegt er með öðrum orðum talið guðfræðinni óviðkomandi. Fram að
81