Ritröð Guðfræðistofnunar - 01.01.1998, Qupperneq 162

Jón Sveinbjörnsson
þýddar en þýðingarnar frá 1859 og 1981 sleppa þeim víða. Setningar án tenginga
á grísku eru miklu óvanalegri og óeðlilegri en á íslensku en íslenskan hefur aðrar
leiðir til að tjá framvindu og rökfærslu í texta. í fljótu bragði virðist ekki þörf á
að greina kaflann í kjamasetningar, atburðalýsingin virðist nokkuð ljós eins og
hún stendur.
Fyrsti þáttur
(Textinn)
I versunum 46-52 í tíunda kafla Markúsarguðspjalls er greint frá ferð Jesú, læri-
sveina hans og mikils mannfjölda um Jeríkó á leið til Jerúsalem. Þar er sagt frá
viðbrögðum blinds beiningamanns, Bartímeusar að nafni, þegar hann heyrir að
Jesús fari þar um. Greint er frá því hvemig hann ávarpar Jesú sem son Davíðs og
hvernig hann heldur áfram að hrópa og biðja Jesú um að miskunna sér þótt menn
hasti á hann og skipi honum að þegja. Greint er frá viðbrögðum Jesú og orða-
skiptum hans við blinda manninn, hvernig Jesús lætur kalla á hann og hvernig
blindi maðurinn kastar frá sér yfirhöfn sinni, sprettur upp og kemur til Jesú. Frá-
sögninni lýkur með því að Jesús segir við hann: „Far þú, trú þín hefur bjargað
þér“ og jafnskjótt fékk blindi maðurinn sjónina og fylgdi honum á ferðinni.
Kaflinn er vel afmarkaður. í frásögninni á undan er greint frá beiðni bræðr-
anna Jakobs og Jóhannesar um að fá að sitja við hlið Jesú í dýrð hans, gremju
hinna lærisveinanna við bón bræðranna og greint frá svari Jesú um höfðingja og
þjóna og um að Mannssonurinn sé ekki kominn til að láta þjóna sér heldur til
þess að þjóna og gefa líf sitt til lausnargjalds fyrir marga. í kaflanum á eftir hefst
frásögnin af síðustu dögum Jesú í Jerúsalem.
Frásögnin um Bartímeus er í lok þess þáttar guðspjallsins sem greinir frá ferð
Jesú og lærisveinanna til Jerúsalem. Sá þáttur er í beinu framhaldi af frásögn af
því er Jesús læknar blindan mann í Betsaídu. Milli þessara frásagna af lækningu
blindra manna er Jesús að kenna lærisveinum sínum og mannfjöldanum. Þrisvar
sinnum boðar hann lærisveinum sínum þjáningu og dauða Mannssonarins og að
hann muni rísa upp eftir þrjá daga (8.31; 9.31 og 10.33n) en þeir skilja ekki.
Menn skipta Markúsarguðspjalli oft í fimm þætti: í fyrsta þætti er greint frá
prédikun Jóhannesar skírara og frá upphafi á starfi Jesú (1.1 - 3.6). I næsta þætti
er sagt frá starfi Jesú meðal fólksins í Galíleu, kennslu hans og kraftaverkum og
lýkur þeim þætti með frásögninni af prédikun hans í Nasaret þar sem sveitungar
hans hafna honum (3.7 - 6.6). Því næst er greint frá ferðum Jesú og lærisveina
hans um Galíleu og næstu byggðir, hvemig hann sendi þá út tvo og tvo og gaf
þeim vald yfir óhreinum öndum. Þar er einnig sagt frá Heródesi og dauða Jó-
hannesar skírara og auk þess eru þar tvær frásagnir af því er Jesús mettar fólk á
undursamlegan hátt (6.7 - 8.21). Næst á eftir kaflanum um vegferðina til Jerúsa-
160