Jón á Bægisá - 01.09.2003, Síða 87

Þýðingar d islenskum markaði 2001
stéttarfélagið yrði stækkað og tæki inn fleiri en þá sem hafa löggildingu.
Félaginu mætti hins vegar deildaskipta eftir menntun og reynslu. Meðal
þess sem stéttarfélag þyrfti að hvetja til væri að þýðendur leituðu fyrir sér
varðandi tryggingar. Jón Skaptason hefur lagt til að skjalaþýðendur væru
skyldaðir til að tryggja sig gagnvart mistökum. Sem stendur er þetta elcki
skylda þótt einhverjir séu tryggðir. Þýðendur geta fengið veirur í tölvur
sínar eða hellt úr kaffibollanum yfir mikilvæg gögn. Trygging skiptir líka
verulegu máli þegar um rangþýðingar er að ræða. Rangþýðing á samningi
getur þýtt milljóna tjón fyrir fyrirtæki og það er ekki auðvelt fyrir þýðanda
að bera ábyrgð á slíku.
Það er greinilega víða pottur brotinn í þessum flokki þýðinga. Ekki svo
mjög í faglegri vinnu þýðendanna sjálfra, því upp til hópa er um að ræða
vel menntað metnaðarfullt fólk og eru viðskiptavinir yfirleitt ánægðir með
störf þeirra. Að vísu gaf viðmælandi í dómsmálaráðuneyti þýðingamiðstöð
utanríkisráðuneytisins fremur lága einkunn og kvað oft þurfa að „laga“
þýðingar sem þaðan koma. Það er hins vegar í stéttarfélags- og menntun-
armálum sem þyrfti að taka til hendinni svo málum verði komið á réttan
kjöl.
Tölvuþýöingar
Með tilkomu internetsins fer heimurinn stöðugt minnkandi. Heimilistölv-
an er tiltölulega ný af nálinni og internetið er enn ungt að árum en stækk-
ar með ógnarhraða. Tölur frá Hagstofu íslands sanna þetta svo ekki verð-
ur um villst. I könnun má sjá að árið 1994 höfðu 47,6% Islendinga aðgang
að tölvu og tölvubúnaði á heimili sínu. Árið 1998 var þessi tala komin upp
í 61,1% og hefur hún eflaust hækkað enn frekar.19 Ef litið er á tölur um
fjölda netléna á landinu sést að í janúar árið 1995 voru þau aðeins 82 en í
sama mánuði árið 1999 eru þau orðin 1369.“ Árið 1999 var fjöldi netteng-
inga 21.894 en Þær voru aðeins 20 árið 1990. Reyndar er tekið fram í skýrsl-
unni að tölur um fjölda léna og nettenginga eru ekki fyllilega sambærileg-
ar á milli ára vegna mismunandi aðferða við talningu.21
Sífellt fleiri fyrirtæki sjá sér hag í því að hafa vefsíðu á netinu, enda
nær enginn annar miðill til jafn margra viðskiptavina og kostnaðurinn
við að halda úti vefsíðu er tiltölulega lítill. Algengasta tungumálið á net-
inu er enska og mörg fyrirtæki hafa þýtt vefsíður sínar á ensku og jafn-
vel önnur tungumál. Þýðingar á vefsíðum eru þó frekar nýjar af nálinni
og vinnubrögð við þær afar misjöfn. Þróunin á þessu sviði er mjög ör
19 Hagstofa íslands 1999: 197.
20 Sama rit: 199.
21 Sama rit: 198.
d . yi/'fiy/'já - Þegar stríð að stríðinu verður
85