Tímarit hjúkrunarfræðinga - 01.10.2011, Qupperneq 40

Tímarit hjúkrunarfræ›inga – 5. tbl. 87. árg. 201136
Christer Magnusson, christer@hjukrun.is
NEYÐARHJÁLP
HJÚKRUNARFRÆÐINGA
Í JAPAN
Hjúkrunarfélagið í Japan tók virkan þátt í að veita þeim aðstoð sem urðu fyrir
jarðskjálftanum og flóðbylgjunni í norðausturhluta Japan í mars sl.
Eins og allir vita varð jarðskjálfti og
í kjölfarið flóðbylgja í norðausturhluta
Japan 11. mars sl. Hjúkrunarfélagið í
Japan ákvað þrem dögum seinna að taka
virkan þátt í hjálparstarfinu og gat 22.
mars sent fyrstu sjálfboðaliðana af stað.
Samtals fóru um 915 hjúkrunarfræðingar á
hamfarasvæðið og veittu þeir neyðarhjálp
í borgunum Iwate, Miyagi og Fukushima.
Japanska hjúkrunarfélagið útbjó fyrir
mörgum árum eigin almannavarna­ og
hópslysaáætlun en það gerðist eftir stóra
jarðskjálftann í Kobe 1995. Félagið var
því mjög vel undir það búið að senda fólk
á svæðið. Í Japan eru samtals 47 héruð
en 3 voru skilgreind sem hamfarasvæði.
Svæðisdeildir hjúkrunarfélagsins eru í
öllum héruðum.
Hjúkrunarfræðingar komu frá flestum
héruðum, söfnuðust saman í Tókýó og voru
svo sendir með rútum á hamfarasvæðið.
Þeir vou allir sjálfboðaliðar en fengu
margir laun áfram frá vinnuveitendum
sínum. Höfuðstöðvar hjúkrunarfélagsins
sáu um flutning á staðinn og tryggingar
á leiðinni og við störf en hlutverk svæðis­
deilda var að sjá sjálfboðaliðum fyrir
útbúnaði. Þeir höfðu með sér hjúkrunar­
vörur og hreinlætisvörur, sér stak lega
sótthreinsunarefni.
Rútur voru eina leiðin til að komast á
hamfarasvæðin þar sem lestarsamgöngur
voru í molum eftir flóðbylgjuna. Samtals
keypti japanska hjúkrunarfélagið
rútuflutninga fyrir um 1,5 milljónir
bandaríkjadala. Erfitt var að fá eldsneyti
á rúturnar en með því að skrá þær sem
björgunartæki fékkst leyfi til kaupa og
aðstoð frá yfirvöldum við að hafa upp á
eldsneyti.
Stórir jarðskjálftar í Japan
Eyjarnar, sem tilheyra Japan, eru á virku skjálftasvæði. Jarðskjálftinn í Kobe 1995
er talinn einn öflugasti skjálfti á tuttugustu öld en hann var 6,8 að styrkleika. Hann
er oft kallaður stóri Hanshin-skjálftinn eftir Hanshin-hraðbrautinni sem eyðilagðist
að hluta til í jarðskjálftanum. Um 6400 manns létust. Versti skjálftinn átti sér hins
vegar stað á Kanto-svæðinu 1923 en þá létust 140.00 manns.
Hjúkrunarfræðingar skoða konu á söfnunarsvæði
fyrir brottflutta.