Gerðir kirkjuþings - 2009, Blaðsíða 56

56
G. Eyjafjarðarprófastsdæmi: Hríseyjarprestakall og Möðruvallaprestakall
sameinist. Heiti hins sameinaða prestakalls verði Möðruvallaprestakall.
Prestssetur: Möðruvellir.

Ákvæði til bráðabirgða.
Suðurprófastsdæmi: Biskupi Íslands er heimilt að ráða héraðsprest í allt að 50% starf
er hafi sérstakar skyldur við Bjarnanesprestakall.

Við sameiningu prófastsdæma samkvæmt starfsreglum þessum fellur skipun við-
komandi prófasta niður 30. nóvember 2009. Biskup Íslands setur prófast í sameinuðu
prófastsdæmi til 1. febrúar 2010 og kallar eftir tilnefningum. Biskup Íslands skipar
prófast í sameinuðu prófastsdæmi frá 1. febrúar 2010. Halda skal héraðsfund í sam-
einuðu prófastsdæmi eigi síðar en 1. mars 2010.

Þá samþykkti kirkjuþing 2009 jafnframt eftirfarandi tvær þingsályktanir:

Tillaga
til þingsályktunar um breytingu
á starfsreglum um skipulag kirkjunnar í héraði nr. 1026/2007
og á starfsreglum um prófasta nr. 966/2006

Kirkjuþing samþykkir að fela kirkjuráði að kynna eftirfarandi tillögur að breytingu á
ákvæðum 12. gr. í starfsreglum um skipulag kirkjunnar í héraði nr. 1026/2007 og
ákvæðum 1. gr. í starfsreglum um prófasta nr. 966/2006 á héraðsfundum viðkomandi
prófastsdæma. Tillögurnar verði lagðar fyrir kirkjuþing 2010 til afgreiðslu með
umsögnum héraðsfundanna.

1. gr.
Snæfellsness- og Dalaprófastsdæmi
Staðastaðarprestakall sameinist Ólafsvíkur- og Ingjaldshólsprestakalli. Breytingin taki
gildi við starfslok þess sóknarprests er fyrr lætur af embætti.

2. gr.
Borgarfjarðarprófastsdæmi og Snæfellsness- og Dalaprófastsdæmi sameinist. Heiti
hins sameinaða prófastsdæmis verði Vesturlandsprófastsdæmi.

3. gr.
Eyjafjarðarpófastsdæmi og Þingeyjarprófastsdæmi sameinist. Heiti hins sameinaða
prófastsdæmis verði Eyjarfjarðar- og Þingeyjarprófastsdæmi.

4. gr.
Múlaprófastsdæmi og Austfjarðarprófastsdæmi sameinist. Heiti hins sameinaða
prófastsdæmis verði Múlaprófastsdæmi.

5. gr.
Breytingarnar taki gildi 30. nóvember 2010.