Gerðir kirkjuþings - 2009, Blaðsíða 118

118
25. mál kirkjuþings 2009
Flutt af kirkjuráði

Þingsályktun um viðaukasamning við Samkomulag íslenska ríkisins
og þjóðkirkjunnar um kirkjujarðir og launagreiðslur presta og
starfsmanna þjóðkirkjunnar frá 10. janúar 1997.

Viðaukasamningur
um tímabundna breytingu á fjárframlögum frá ríkinu samkvæmt samkomulagi
íslenska ríkisins og þjóðkirkjunnar um kirkjujarðir og launagreiðslur presta og
starfsmanna þjóðkirkjunnar frá 10. janúar 1997, sbr. 60. gr. laga nr. 78/1997.

1. gr. Við hrun fjármálakerfisins í október 2008 komust fjármál ríkisins í uppnám.
Tekjur ríkisins hafa síðan dregist verulega saman og útgjöld aukist og ríkissjóður er
rekinn með meiri halla en nokkur dæmi eru um. Til þess að ná árangri í
ríkisfjármálum er nauðsynlegt að grípa til margþættra aðgerða til lækkunar á
útgjöldum ríkisins.

Í þessu skyni fellst þjóðkirkjan á að leggja sitt að mörkum og hreyfir ekki andmælum
við að framlög ríkisins samkvæmt samningi frá 10. janúar 1997 verði lækkuð á árinu
2010 til samræmis við almennan niðurskurð á flestum sviðum ríkisins.

Að frátöldum launa- og verðlagshækkunum sem nema 37 millj. kr. er um
hagræðingarkröfu að ræða til þjóðkirkjunnar um 160 millj. kr.

2. gr. Þrátt fyrir að aðilar samkomulagsins líti á framangreint samkomulag um
eignaafhendingu og skuldbindingu sem fullnaðaruppgjör þeirra, vegna þeirra
verðmæta sem ríkissjóður tók við árið 1907, eru aðilar sammála um að ofangreind
skerðing á framlagi ríkisins vegna launagreiðslna samkvæmt 3. gr. samkomulagsins,
leiði ekki til riftunar kirkjujarðasamkomulagsins.

3. gr. Samkomulag þetta leiðir einnig til þess að hagræðingarkrafa er gerð gagnvart
Kristnisjóði á árinu 2010 um 9 milljónir umfram þá lækkun sem lágmarkslaun 15
prestsembætta hefur tekið.

4. gr. Samkomulagi þessu sem gert er með fyrirvara um samþykki kirkjuþings og
Alþingis er ætlað að gilda fyrir árið 2010.