Gerðir kirkjuþings - 2009, Blaðsíða 47

47
skerðing. Þess er farið á leit við Alþingi að fyrirhugaðri skerðingu á
sóknargjaldi verði dreift á árin 2010 og 2011 t.d. með því að sóknargjaldið
verði 820 kr. á mánuði bæði árin, sbr. 28. mál kirkjuþings 2009.

• Fjárhagsnefnd hvetur til þess að verkefnið um þinglýsingu kirkjulegra eigna
verði kynnt rækilega fyrir sóknum og á héraðsfundum. Jafnframt væri ástæða
til þess að mynda starfshóp um framgang málsins.

• Fjárhagsnefnd beinir því til kirkjuráðs að auglýst verði sérstaklega eftir
umsóknum um styrki til lista- og menningarmála á vegum kirkjunnar, sbr. 18.
mál kirkjuþings 2009.

Nefndin fékk á sinn fund fulltrúa stjórnar Prestafélags Íslands, Ólaf Jóhannsson,
Magnús Magnússon, Sigrúnu Óskarsdóttur, Ingileif Malmberg og Þorvald Víðisson til
að ræða rekstrarkostnað presta og húsaleigu á prestssetrum. Jóhannes Pálmason for-
maður sóknarnefndar Hallgrímssóknar kom einnig á fundinn og upplýsti nefndina um
framkvæmdir við Hallgrímskirkju. Þá kom Ragnhildur Benediktsdóttir skrifstofustjóri
á biskupsstofu og svaraði spurningum um starfsmannamál.
Varðandi frekari sparnaðaraðgerðir þjóðkirkjunnar bendir fjárhagsnefnd á að ná megi
fram sparnaði með eftirtöldum aðgerðum sem lauslega áætlað geta numið um 60 m.kr.
kr. á árinu 2010 Því beinir fjárhagsnefnd eftirfarandi til kirkjuráðs og biskups Íslands:

a) að prestastefna og leikmannastefna verði haldnar annað hvert ár og næst haldin
árið 2011
b) að námsleyfi verði ekki veitt árin 2010 og 2011
c) að gerð verði gangskör að því að selja prestsbústaði á þeim stöðum þar sem
viðkomandi prestar eru reiðubúnir að kaupa húsnæðið og búa áfram á
staðnum. Í þessu sambandi minnir fjárhagsnefnd á fjárfestingastefnu þjóð-
kirkjunnar þar sem lögð er áhersla á samræmi innan svæða og sölu prests-
bústaða í þéttbýli
d) að þóknanir vegna setu í stjórnum, ráðum og nefndum lækki í ljósi aðstæðna
frá og með 1. janúar 2010 og taki mið af reglum sem gilda um sambærileg
nefndarstörf um þessar mundir
e) að embætti presta í Kaupmannahöfn, London og Gautaborg verði lögð niður
um óákveðinn tíma
f) að farið verði yfir héraðs- og sérþjónustuprestsembætti þjóðkirkjunnar og þau
metin með tilliti til sparnaðar, sameiningar eða fækkunar
g) að starfsmannahald á biskupsstofu verði endurmetið með tilliti til sparnaðar,
sameiningar eða fækkunar.
h) að leitast verði við að fækka fjárveitingum og lækka styrki til verkefna utan
þjóðkirkjunnar
i) að útgáfustarfsemi verði endurskoðuð og færð í meira mæli í rafræna útgáfu
m.a. Víðförli, og útgáfa á umhverfisstefnu þjóðkirkjunnar
j) að verkefna- og þjónustusamningar verði endurskoðaðir.