Ritröð Guðfræðistofnunar - 01.09.2011, Síða 10

Gunnlaugs fjallar síðan að stórum hluta um trúarjátningar innan Gamla
testamentisins og hvaða lærdóm megi draga af þeim.
Grein Hjalta Hugasonar Þróun sjálfstœðrar þjóðkirkju á öndverðri 20. öld
er þriðja í röðinni í greinaflokki hans um þróun og framvindu hugmyndar-
innar um sjálfstæða þjóðkirkju. I ítarlegri og áhugaverðri grein sinni fjallar
Hjalti um tvær mikilvægar prestastefnur sem Þórhallur Bjarnarson biskup
kallaði til á fyrstu árum sínum í biskupsembætti, á Þingvöllum 1909 og á
Hólum 1910 sem báðar voru merkir viðburðir.
Jón Ma. Asgeirsson skrifar greinina Postulinn Páll í Efesus: Mótun borgar-
samfélags í Efesus í fornöld. I greininni er vakin athygli á þeim möguleikum
sem borgin og borgarmynd hennar hefur upp á að bjóða fyrir rannsóknir á
fornum textum og samfélögum. Sérstaklega er augum beint að komu Páls
til borgarinnar með tilliti til rýmis. I þessu samhengi er rými skoðað jafnt á
grundvelli hins eiginlega umhverfis og hins vegar hvernig ólíkir sérfræðingar
um Pál postula hafa nálgast persónu hans sjálfs í þessu samhengi.
I grein sinni Er guðfræðileggagnrýni gagnleg? Setur Magnús Bernharðsson
fram guðfræðilega gagnrýni á hugmyndafræði íslamista og gerir grein fyrir að
hann er þar undir miklum áhrifum frá verkum Sigurbjarnar Einarssonar (afa
síns), ekki síst bók hans Kirkja Krists í ríki Hitlers þar sem Sigurbjörn fjallaði
á mjög gagnrýninn hátt um samband þriðja ríkisins við kristindóminn og
þá hættu sem stafaði af fasismanum. Magnús hvetur til ábyrgrar umræðu
um trúmál og notfærir sér orðalag úr bók Sigurbjarnar er hann segir að
hugmyndafræði íslamista sé ógæfa múslima en ekki sök.
Loks er í samræmi við stefnu ritsins að frnna þrjá ritdóma um nýjar
bækur á fræðasviði guðfræðinnar. í tveimur tilfellanna er um að ræða
ævisögur íslenskra guðfræðinga sem einmitt létu hvað mest til sín taka
fyrir réttri öld. Er þar um að ræða ævisögu Haralds Níelssonar eftir Pétur
Pétursson og ævisögu Þórhalls Bjarnarsonar eftir Oskar Guðmundssonar. Er
fróðlegt er að bera þær bækur saman og veita þær mjög áhugaverða innsýn
í hina guðfræðilegu umræðu hér á landi fyrir einni öld. Þriðji ritdómurinn
er svo um bók norska nýjatestamentisfræðingins, Halvor Moxnes, Hvað
er kristindómur? sem kom út á íslensku seint á árinu í þýðingu sr. Hreins
Hákonarsonar. Ritdómana skrifa þrír af kennurum guðfræði- og trúar-
bragðafræðideildar: Gunnlaugur A. Jónsson, Pétur Pétursson og Sólveig
Anna Bóasdóttir.
Gunnlaugur A. Jónsson
8