Ritröð Guðfræðistofnunar - 01.09.2011, Qupperneq 24

þar sem postulinn játar ást sína á sinni eigin þjóð og tjáir sig reiðubúinn til
að fórna sjálfum sér fyrir hana (Róm 9.1-5). Jón sagði hann að hefði verið
líkur Páli í ástinni á þjóð sinni og Island taldi hann hafa verðskuldað ást
Jóns Sigurðssonar og annarra því að öll Norðurlönd eigi Islandi mikið að
þakka því að þar varðveittist tunga og menjar forfeðra vorra.15 Séra Eiríkur
prófastur Briem flutti síðan aðra ræðu þar sem hann rakti æviatriði Jóns.16
í lokin kastaði Schepelern rekunum og sunginn var á dönsku sálmurinn
„Jeg er en fattig fange“ sem þá var talinn ortur af sænska konunginum
Eiríki 14. (1533-1577) þegar hann sat í fangelsi.17 Síðan báru íslenskir
stúdentar kistuna í kapellu kirkjunnar þar sem hún skyldi bíða flutnings
til Reykjavíkur.
f virðingarskyni við Jón Sigurðsson var gert hlé á fundum ríkisþingsins
danska á útfarardaginn og sóttu athöfnina margir þingmenn. Konungur
sendi sinn fulltrúa svo og ríkisstjórnin. Þá voru margir fræðimenn danskir
viðstaddir athöfnina auk Hafnar-Islendinga.18
Þrem dögum eftir minningarathöfnina andaðist frú Ingibjörg Einarsdóttir
og hélt séra Eiríkur Briem húskveðju 20. desember en minningarathöfn um
hana fór fram í Garnisons kirke 23. desember með sama sniði og athöfnin
um mann hennar.19
III
Síðari hluti útfarar Jóns Sigurðssonar og Ingibjargar Einarsdóttur og
greftrun fór fram 4. maí 1880 í Reykjavík. Landshöfðingi Hilmar Finsen
annaðist útförina og hafði skipað nefnd sér til aðstoðar sem í sátu Björn
M. Olsen, kennari, Helgi. E. Helgesen, skólastjóri barnaskólans, og skáldin
Matthías Jochumsson, Steingrím Thorsteinsson og Benedikt Gröndal sem
yrkja skyldu „kvæði þau er þurfa þætti.“20
Póstskipið Phönix kom til landsins með kisturnar föstudaginn 30. apríl
og næstu dagar fóru í að leggja lokahönd á undirbúninginn og bíða þess að
menn sem talið var að yrðu viðstaddir kæmust úr sveitum. Þegar dagurinn
rann upp var siglt með kisturnar af póstskipinu til lands og bátnum fylgdi
15 Útfór 1880, s. 9-14.
16 Útfór 1880, s. 14-19.
17 Útfór 1880, s. 19-20. Um sálminn, uppruna hans og höfund sjá Malling 1962:11, s. 414-416.
18 Útför 1880, s. 8; Guðjón Friðriksson 2003, s. 558-561.
19 Útfór 1880, s. 20-24.
20 Útför 1880, s. 25. Aftan við bæklingin eru prentaðar Reglur við jarðarför Jóns Sigurðssonar og
Ingibjargar Einarsdóttur þriðjudaginn 4. maí 1880.