Fréttablaðið - 26.11.2016, Blaðsíða 104

Í lok september komum við Ahmed Nur samstarfsmaður
minn til Íslands til þess að hitta börn í fermingar­
fræðslu víðs vegar um landið. Í október heimsóttum við
37 sóknir og tvo framhaldsskóla til að fræða íslenska
unglinga um lífið í Eþíópíu og um mikilvægi vatnsverk­
efnis Hjálparstarfs kirkjunnar á Íslandi þar. Við hittum
fjölda presta, kennara og líka fjölskyldur, sums staðar
hittum við jafnvel öll sóknarbörnin á svæðinu. Þessi
heimsókn okkar til Íslands líður okkur seint úr minni.
Það var stórkostlegt að verða vitni að því hvað krakkar
á Íslandi eru áhugasamir um að hjálpa fólki sem þeir
þekkja ekki neitt og sem býr í 8.000 km fjarlægð. Við
komum til að fræða börnin en þau kenndu okkur eigin­
lega miklu frekar því þau sýndu okkur fram á gildi sam­
kenndar. Þátttaka þeirra í fjáröflun fyrir verkefnið
verður til þess að líf fátækra sjálfsþurftarbænda í
Sómalífylki í Eþíópíu og ekki síst barna þeirra breytist
verulega til batnaðar. Mig langar til að þakka tilvonandi
fermingar börnum um allt land og öllu því góða fólki sem
við Ahmed Nur hittum og kynntumst meðan á dvöl okkar
stóð hér á Íslandi kærlega fyrir okkur og fyrir að hugsa
til og hjálpa fólki sem býr í órafjarlægð. Það er mikil
manngæska. Að lokum langar mig að nefna að um leið
og ég kom til Íslands fékk ég þá skrýtnu en notalegu
tilfinningu að vera komin heim. Hér eftir verður Ísland
því í huga mínum sem mitt annað heimili og ég bið fyrir
kærar kveðjur til ykkar allra sem heima eruð.

Bless í bili eða Dena húnú eins og við segjum á
amharísku,
Million Shiferaw,
verkefnisstjóri hjá hjálparstarfi Lútherska
heimssambandsins í Eþíópíu
Bráðum koma
blessuð jólin
Hjálparstarf kirkjunnar nýtur góðs stuðnings frá jólasveinunum en síðustu sautján
árin hefur Jólasveinaþjónusta Skyrgáms látið 20% af veltu þjónustunnar renna til
verkefna Hjálparstarfsins, samtals um tíu milljónir króna. Í lok síðustu jóla af­
hentu Grýla, Skyrgámur og bræður hans Hjálparstarfinu 961.500 krónur áður en
þau yfirgáfu byggð.
Skyrgámur og bræður hans heimsækja leik­ og grunnskóla, fyrirtæki, félagasam­
tök, stofnanir og stórfjölskyldur á suðvesturhorni landsins í desember ár hvert.
Nánari upplýsingar um Skyrgám Leppalúðason og bræður hans er að finna á
skyrgamur.is en svo er víst líka hægt að senda honum tölvupóst á skyrgamur@
skyrgamur.is eða hringja í hann í síma 660 2430.
Million Shiferaw og Ahmed Nur Abib með börnum í fermingarfræðslu í Grafarvogi ásamt sr. Sigurði Grétari Helgasyni sóknar-
presti í október síðastliðnum.
Kveðja frá Million
Málstofa á félagsvísindatorgi
Háskólans á Akureyri miðvikudaginn
30. nóvember 2016:
Ímyndarsköpun fátæktar –
fátækt, fjölmiðlar og valdefling
Á málstofu á félagsvísindatorgi Háskólans á Akureyri
miðvikudaginn 30. nóvember næstkomandi munu Ásta
Dís Guðjónsdóttir og Laufey Líndal Ólafsdóttir sam­
hæfingarstjórar Pepp Ísland fjalla um mikilvægi vald­
eflingar sem leiðar út úr fátækt og hlutverk fjölmiðla
í að stýra valdeflandi umræðu í stað neikvæðrar og
niðrandi umfjöllunar sem elur á fordómum í garð
einstaklinga sem búa við fátækt.
EAPN (European Anti­Poverty Network) eru samtök
sem vinna að því að útrýma fátækt í Evrópu og EAPN á
Íslandi er samband frjálsra félagasamtaka sem vinna
að sama málstað á Íslandi. PEP (People Experiencing
Poverty) eru grasrótarsamtök EAPN og er Pepp Ís­
land íslensk útgáfa þess starfs.
Pepp Ísland vinnur með samheldni og valdeflingu
fólks sem býr við fátækt og skapar samtal milli þess
hóps, stofnananna sem þjónustar hann og ráðamanna
sem setja reglur þeirra stofnana. Hópurinn skipu­
leggur fundi, ráðstefnur og málþing sem byggja á
þátttöku allra sem koma að málunum.
Fjölmiðlaverðlaun götunnar er verkefni á vegum Pepp
Ísland unnið eftir austurískri fyrirmynd. Markmiðið
með verðlaununum er að hvetja til málefnalegrar um­
fjöllunar um fátækt með því að verðlauna fjölmiðlafólk
sem skilar góðu verki og skapa samræður milli þessara
hópa um hvernig á að standa að slíkri umfjöllun.
Ásta Dís er formaður Sjálfsbjargar á höfuðborgar­
svæðinu og situr í stjórn EAPN á Íslandi fyrir hönd
þess félags. Laufey er varaformaður EAPN á Íslandi
og situr í stjórn þess fyrir hönd Félags einstæðra for­
eldra. Laufey er jafnframt BA nemi í stjórnmálafræði
með fjölmiðlafræði sem aukagrein í Háskóla Íslands
og vinnur nú að lokaverkefni sínu.
Peppið er öllum opið sem vilja láta rödd sína heyrast í
umræðunni um fátækt á Íslandi og eru tilbúnir til þess
að berjast í sameiningu fyrir alla sem líða skort í okkar
ríka samfélagi.
10 – Margt smátt ...
2
6
-1
1
-2
0
1
6
0
4
:2
9
F
B
1
4
4
s
_
P
1
0
4
K
.p
1
.p
d
f
F
B
1
4
4
s
_
P
0
8
9
K
.p
1
.p
d
f
F
B
1
4
4
s
_
P
0
4
1
K
.p
1
.p
d
f
F
B
1
4
4
s
_
P
0
5
6
K
.p
1
.p
d
f
A
u
to
m
a
tio
n
P
la
te
re
m
a
k
e
: 1
B
7
2
-0
B
1
0
1
B
7
2
-0
9
D
4
1
B
7
2
-0
8
9
8
1
B
7
2
-0
7
5
C
2
7
5
X
4
0
0
.0
0
1
1
A

F
B
1
4
4
s
_
2
5
_
1
1
_
2
0
1
C
M
Y
K