Morgunblaðið - 31.12.2015, Side 42

42 FRÉTTIRInnlent
MORGUNBLAÐIÐ FIMMTUDAGUR 31. DESEMBER 2015
SVIÐSLJÓS
Stefán Gunnar Sveinsson
sgs@mbl.is
Hið íslenska biblíufélag fagnaði í ár
200 ára afmæli sínu, en það mun
vera elsta félag landsins sem enn
starfar. Félagið hefur minnst þess-
ara tímamóta á
veglegan hátt og
staðið fyrir mörg-
um viðburðum á
árinu. Ragnhild-
ur Ásgeirsdóttir,
framkvæmda-
stjóri Biblíu-
félagsins, segist
vera hæstánægð
með það hvernig
árið hafi gengið.
Það hafi verið
krefjandi, en jafnframt gefandi að fá
að taka þátt í þessu merka afmæl-
isári.
Afmælisárið hófst formlega í
fyrstu viku janúar, þegar Karl Sig-
urbjörnsson, biskup og fyrrverandi
forseti félagsins, flutti fyrstu hug-
leiðingu sína af þrettán í tilefni
afmælisársins á útvarpsstöðinni
Lindinni. Kirkjur landsins tóku
einnig fullan þátt í afmæli félagsins
og stóðu fyrir ýmsum viðburðum á
árinu. Má þar til dæmis nefna
Biblíukvikmyndaviku í Bústaða-
kirkju og fræðsluerindi um Biblíuna
í Glerárkirkju og í Laugarneskirkju.
Fræðasamfélagið lét einnig til sín
taka á afmælisárinu, en tvær mál-
stofur á Hugvísindaþingi 2015 voru
tileinkaðar áhrifasögu Biblíunnar á
ýmsum sviða bókmennta og lista.
Afhjúpaður skjöldur
Á afmælisdegi félagsins, föstu-
daginn 10. júlí, var haldin hátíðar-
guðsþjónusta í Dómkirkjunni í
Reykjavík og var reynt að hafa hana
með svipuðu sniði og guðsþjónustu
árið 1815. Biskup Íslands, Agnes M.
Sigurðardóttir, prédikaði og sr.
Sveinn Valgeirsson dómkirkjuprest-
ur þjónaði fyrir altari.
Að guðsþjónustunni lokinni var
gengið í fylkingu að minnisvarða í
Fógetagarðinum, þar sem lagður
var blómsveigur til heiðurs Geir Ví-
dalín, fyrsta forseta félagsins og
biskupi árið 1815. Að því loknu var
haldið að Aðalstræti 10, þar sem fé-
lagið var stofnað, og afhjúpaður þar
minningarskjöldur.
Hinn 29. ágúst var svo haldin sér-
stök afmælishátíð félagsins í Hall-
grímskirkju, en Jóhanna Vigdís
Hjaltadóttir stýrði þar fjölbreyttri
dagskrá, þar sem tónlist var ekki
síst í fyrirrúmi, en að auki flutti for-
seti Íslands, Ólafur Ragnar Gríms-
son, ávarp um þátt Biblíufélagsins í
sögu þjóðarinnar.
Hundrað ára afmæli kosninga-
réttar kvenna voru einnig gerð góð
skil á afmælisári félagsins og stóð
félagið fyrir myndlistarsýningu í
byrjun september, sem hét Konur
og Kristur, en þar sýndu myndlist-
arkonurnar Elva Hreiðarsdóttir,
Hanna Pálsdóttir, Hildur Ásgeirs-
dóttir, Ragnheiður Guðmundsdóttir,
Rúna Gísladóttir, Steinunn Einars-
dóttir og Þórey Magnúsdóttir, einn-
ig þekkt sem Æja, verk sín. Dr. Auð-
ur Eir Vilhjálmsdóttir, fyrsti
kvenprestur Íslands, opnaði sýn-
inguna.
Afmælisárinu lauk svo hinn 11.
desember síðastliðinn með tón-
leikum í Dómkirkjunni, en þar fluttu
frænkurnar Margrét Hannesdóttir
sópran og Hólmfríður Sigurðar-
dóttir píanóleikari tónlist sem samin
hefur verið við texta Biblíunnar, eft-
ir innlenda og erlenda höfunda eins
og Pál Ísólfsson, Dvorak og Händel.
Ærið verk að þýða Biblíuna
Spurð um framtíð félagsins segir
Ragnhildur að ýmis spennandi verk-
efni séu framundan. „Hið íslenska
biblíufélag vinnur enn að sömu
markmiðum og sett voru í upphafi,
þegar félagið var stofnað fyrir 200
árum, árið 1815, að efla útbreiðslu
Biblíunnar hérlendis og erlendis og
stuðla að notkun hennar,“ segir
Ragnhildur. Hún bendir á að Biblían
hafi komið út á tæplega 3.000 tungu-
málum, en talið er að í heiminum séu
til um 7.000 tungumál. „Það er því
ærið verkefni að taka þátt í þýð-
ingar- og útbreiðsluverkefnum Sam-
einuðu biblíufélaganna, United Bible
Societies, sem eru regnhlífarsamtök
fyrir öll biblíufélög í heiminum.“
Þá sé það spennandi verkefni í
samfélagi nútímans að kynna Biblí-
una og boðskap hennar eftir nýjum
leiðum. „Nýja testamentið hefur um
hríð verið til á hljóðbók og nýlega
kom Biblían í heild sinni út sem raf-
bók hjá Forlaginu, þannig að nú get-
ur fólk lesið Biblíuna á spjaldtölvum
sínum,“ segir Ragnhildur. Þannig sé
verið að mæta þörfum nútímafólks
og gera Biblíuna aðgengilegri. „Það
þarf að hugsa út fyrir rammann,
vera opin fyrir nýjum leiðum, eiga
samtal við fólk á öllum aldri og bjóða
fólki að taka þátt í starfsemi félags-
ins,“ segir Ragnhildur.
Mikil mótunaráhrif Biblíunnar
Hún bætir við að Biblían og ein-
staka rit hennar hafi fylgt mannkyn-
inu í meira en 2000 ár og mótað við-
horf og menningu Vesturlanda og
reyndar langt út fyrir þau. „Vitn-
eskjuna um þau menningarlegu
mótunaráhrif þarf kannski að
skerpa á meðal samtíðarinnar til
þess að samhengið þarna á milli
rofni ekki, því samfélagið er stöðugt
að breytast og við viljum sjá fram-
farir, framþróun og umbætur,“ segir
Ragnhildur.
Hún bætir því við að miklar fram-
farir hafi orðið á högum okkar á síð-
ustu 100 árum, sem hafi kannski
óbeint leitt til þess að okkur þyki við
vera mun fremri en forfeður okkar,
upplýstari og fróðari. „Okkur hættir
stundum til að gleyma visku og
þekkingu undangenginna kynslóða,“
segir Ragnhildur.
„Breytingar gera kröfur til þeirra
sem þær reyna og fela í sér ábyrgð
og ögrun, þær fela í sér tækifæri til
aukins þroska. Þess vegna er það
ábyrgð okkar að kasta ekki öllu því
sem við höfum lært, góðum gildum,
út í buskann heldur varðveita, meta
og þakka,“ segir Ragnhildur að lok-
um.
Afmælisár Frú Agnes Sigurðardóttir, biskup Íslands, afhjúpar minningarskjöld um stofnun Bibl-
íufélagsins í Austurstræti 10 en þar var félagið stofnað fyrir 200 árum.
Áhrif Biblíunnar umtalsverð
 Komið að lokum viðburðaríks afmælisárs Hins íslenska biblíufélags  Fjöldi viðburða haldinn á
árinu  Mörg spennandi verkefni framundan hjá félaginu  Reynt að gera Biblíuna aðgengilegri
Morgunblaðið/Árni Sæberg
Áhrif Biblíunnar á tónlist Mikið var um dýrðir á afmælishátíð Biblíufélagsins hinn 29. ágúst
síðastliðinn. Þau Gunnar Kvaran og Elísabet Waage voru á meðal þeirra sem komu fram.
Ljósmynd/Biblíufélagið
Tónleikar Afmælisárinu lauk með tónleikum þar sem þær Margrét Hann-
esdóttir sópran og Hólmfríður Sigurðardóttir píanóleikari komu fram.
Ólafur Ragnar Grímsson, forseti Íslands, flutti ávarp í
Hallgrímskirkju á afmælishátíð Hins íslenska biblíu-
félags. Þar vísaði hann til þeirrar tengingar sem ríkti á
milli kristni og íslensks samfélags og sagði meðal ann-
ars: „Það gleymist oft í orðræðu okkar tíma, þegar kraf-
ist er að kristnum textum sé ýtt til hliðar í skólum
landsins og við uppeldi æskunnar, að menning og veg-
ferð Íslendinga frá landnámstíð til þessarar nýju aldar,
rösk þúsund ár í sögu þjóðar, verða ekki skilin til hlítar
án þekkingar á kristnum fræðum; frásagnir Biblíunnar,
sess og þróun kirkjunnar, störf presta í byggðum lands-
ins séu öllum kunn og að verðleikum metin; að viðurkennt sé af heilum
huga að hin helga bók og trúarskáldskapur Íslendinga sjálfra eru burðar-
stoðir í sjálfsvitund þjóðarinnar, í samfelldri sögu okkar og í nýsköpun
bókmennta, lista og samfélags á okkar tímum.“
Burðarstoð í vitund þjóðar
ÚR ÁVARPI FORSETA ÍSLANDS 29. ÁGÚST 2015
Ólafur Ragnar
Grímsson
Ragnhildur
Ásgeirsdóttir