Morgunblaðið - 31.03.2016, Blaðsíða 66

66
MORGUNBLAÐIÐ FIMMTUDAGUR 31. MARS 2016
REIÐHJÓL Í SUMAR
Ásgeir Ingvarsson
ai@mbl.is
Það var árið 2007. Rúnar Ólafur
Emilsson og Jón Páll Grétarsson
keyptu rekstur reiðhjólaverslunar-
innar Hjólaspretts við Dalshraun í
Hafnarfirði. Rúnar segir að á há-
tindi góðærisins hefði enginn getað
séð fyrir þá þróun sem var fram-
undan í reiðhjólamenningu Íslend-
inga. „Þegar hrunið skall á gripu
margir til þess ráðs að selja bílinn
og nota hjólið í staðinn sem sitt að-
alsamgöngutæki. Nú er efnahagur
flestra búinn að skána töluvert en
fólk hjólar samt enn á fullu.“
Tvær flugur í einu höggi
Ekki ætti að hafa farið fram hjá
neinum hversu áberandi hjólreiða-
fólk er orðið á götum og göngustíg-
um höfuðborgarsvæðisins. Rúnar
segir bæjarfélögin hafa staðið sig
vel við að greiða leið þessa sam-
göngumáta og auðveldara en
nokkru sinni áður að hjóla á milli
staða innanbæjar. „Allstór hópur
fólks hjólar t.d. reglulega á milli
heimilis og vinnustaðar alla leið frá
Hafnarfirði yfir til Reykjavíkur. Æ
fleiri uppgötva að með hjólreiðunum
má slá tvær flugur í einu höggi;
komast greitt og ódýrt á milli staða
og fá holla hreyfingu í leiðinni. Hef-
ur líka orðið mikill vöxtur í hjóla-
sportinu, og margt í boði fyrir þá
sem vilja stunda hjólreiðar sem
keppnisíþrótt.“
Til marks um þá breytingu sem
orðið hefur nefnir Rúnar að virkasta
sölutímabilið hjá Hjólaspretti færist
æ framar á árinu. Sú var tíð að lífið í
reiðhjólabúðunum var með róleg-
asta móti langt fram á vor en núna
byrjar salan að glæðast strax í
kringum páska. „Margir hjóla líka
allan veturinn og þeir sem taka hjól-
reiðarnar mjög alvarlega eiga oft
nokkur hjól til ólíkra nota; eitt létt
og hraðskreitt kepnnishjól, eitt
fjallahjól og svo gott innanbæjarhjól
með öflugum ljósum, bögglabera,
tösku og körfu undir matarinn-
kaupin. Til að mæta ólíkum hópi við-
skiptavina og aldri býður Hjóla-
sprettur upp á reiðhjól frá nokkrum
framleiðendum eins og Focus, Kalk-
hoff og Cervélo ásamt því að reka
öflugt þjónustuverkstæði,“ segir
Rúnar.
Rafmagn og koltrefjar
Af áhugaverðum reiðhjólum í
versluninni nefnir Rúnar rafmagns-
hjólin frá þýska framleiðandanum
Kalkhoff. „Rafmagnshjól eru fram-
tíðin,“ segir hann og kveðst þess
fullviss að notkun þeirra muni
aukast mjög á næstu árum. „Þetta
eru mjög góð farartæki og raf-
magnsmótorinn léttir hjólatúrinn
verulega svo að mun auðveldara
verður að takast á við brekkur og
hjóla lengri vegalengdir.“
Þá má einnig finna í búðinni
lauflétt Cervélo-keppnishjól úr kol-
trefjaefni, gerð fyrir þá allra kröfu-
hörðustu sem vilja skafa nokkrar
sekúndur eða mínútur af hringnum
kringnum Þingvallavatn eða spreyta
sig á þríþraut. Færist í aukana að
fólk fjárfesti í mjög vönduðum og
dýrum hjólum og segir Rúnar að þá
sé vissara að kaupa líka sterkan lás
svo hjólið freisti síður óprúttinna að-
ila. „Öruggast er að taka hjólið ein-
faldlega inn í hús en það má líka
kaupa hjólalása sem gerðir eru úr
hertu stáli og þarf þá skurðartæki
til að fara í gegnum lásinn. Ef hjól-
inu er alltaf lagt á sama stað hafa
margir þann háttinn á að skilja lás-
inn einfaldlega þar eftir, læstan yfir
daginn, frekar en að taka hann með
í hverja hjólaferð.“
Biðlisti myndast á vorin
Talandi um öryggismál, þá þarf
líka að fara vandlega yfir hjólið í
byrjun sumars og muna að end-
urnýja hjálma reglulega. „Þótt allir
viti að sumarið kemur ár hvert er
eins og fáir hugi að viðhaldi á hjól-
inu fyrr en fyrstu góðu sumardag-
arnir renna upp, og er þá óðara
kominn þriggja vikna biðlisti á verk-
stæðinu okkar. Til að komast hjá
biðinni er upplagt að standsetja
hjólið fyrr en seinna. Er ágætt að
láta fagmenn sjá um viðhaldið því ef
reynt er að dytta að, lagfæra og
stilla án þess að hafa til þess rétta
þekkingu eða réttu verkfærin getur
það leitt til enn dýrari og leiðinlegri
viðgerða,“ segir Rúnar. „Almenna
reglan með reiðhjólahjálma er að
nota þá ekki mikið lengur en í þrjú
ár. Eftir þann tíma minnkar sú vörn
sem hjálmurinn veitir og ef hann
verður fyrir hnjaski ætti strax að
kaupa nýjan. Foreldrar ættu líka að
muna að fylgjast með hjálmnotkun
barna sinna og gæta að því að
hjálmurinn sitji rétt og hæfi stærð
barnsins.“
„Rafmagnshjól eru framtíðin“
 Fólk sem byrjaði að hjóla til að spara hjólar enn þótt efnahagurinn hafi skánað  Ódýr samgöngumáti og holl
hreyfing  Gott að heimsækja reiðhjólaverkstæðið tímanlega, áður en langir biðlistarnir myndast á vorin
Morgunblaðið/Golli
Tíðarandinn „Nú er efnahagur flestra búinn að skána töluvert en fólk hjólar
samt enn á fullu,“ segir Rúnar um menningarbreytinguna.
Úrval Sumir vilja helst eiga mörg reiðhjól, til ólíkra nota.
Fyrning Plastið í reiðhjólahjálminum endist í takmarkaðan tíma.