Morgunblaðið - 12.05.2016, Qupperneq 4

4 FRÉTTIRInnlent
MORGUNBLAÐIÐ FIMMTUDAGUR 12. MAÍ 2016
SÉRHÆFING Í VIÐHALDI GÓLFA
Við sérhæfum okkur í slípun og olíuburði á
sólpöllum, gerum gamla pallinn flottari en nýjan.
Fjalirnar verða rennisléttar og timbrið nær aftur
sínum náttúrulega lit.
GERUM SÓLPALLINN
EINS OG NÝJAN
info@golfthjonustan.is | golfthjonustan.is
S: 897 2225
Anna Lilja Þórisdóttir
annalilja@mbl.is
Að meðaltali er auglýst eftir þremur
hundum dag hvern á ýmsum sam-
skiptamiðlum og vefsíðum fyrir
hundaeigendur og áhugafólk um
hundahald. Í síðasta mánuði var
auglýst eftir 115 týndum hundum á
þennan hátt og fyrstu vikuna í maí
var auglýst eftir 25 hundum. Þetta
sýnir samantekt Guðfinnu Kristins-
dóttur, sem m.a. situr í stjórn Fé-
lags ábyrgra
hundaeigenda og
hefur umsjón
með vef- og Fa-
cebook-síðunni
Hundasamfélag-
ið, sem er eitt
stærsta samfélag
hundaeigenda
hér á landi.
„Ég tók eftir
því í nóvember að
þeim auglýsing-
um hafði fjölgað mikið þar sem verið
var að lýsa eftir hundum eða þar
sem fólk hafði fundið hunda. Ég fór
síðan að taka þessar auglýsingar
saman af ýmsum vef- og samskipta-
síðum fyrir hundaeigendur,“ segir
Guðfinna og leggur áherslu á að
þessi samantekt hennar sé ekki
tæmandi listi.
Við samantekt hennar kemur
ýmislegt í ljós. Til dæmis er laug-
ardagur sá dagur vikunnar sem
hundar eru líklegastir til að týnast
og næstlíklegast er að þeir týnist á
fimmtudögum eða föstudögum.
Fæstir hundar týnast aftur á móti á
þriðjudögum.
Guðfinna segir það hafa komið sér
á óvart hversu margir hundar týnist
á degi hverjum og í kjölfarið fékk
hún hugmynd að smáforriti eða appi
sem fengið hefur nafnið Týri. Upp-
lýsingar um hundinn eru skráðar í
appið og sleppi hann laus er með því
hægt að senda skilaboð á alla í
hverfinu sem eru með appið. Apps-
ins er að vænta innan skamms.
Margir týnast um áramótin
Talsverður munur er á fjölda aug-
lýsinga eftir mánuðum að sögn Guð-
finnu. Hún taldi 81 auglýsingu eftir
týndum hundum í mars, í febrúar
voru þær 50, í janúar 95 og auglýst
var eftir 105 hundum í desember.
Spurð hver gæti verið skýringin á
þessum mikla mun segir hún að háar
tölur í desember og janúar megi að
miklu leyti skrifa á reikning hræðslu
við flugelda. Til dæmis hafi tíu
hundar týnst einn dag í kringum
áramótin og það hafi að sögn eig-
enda verið vegna flugelda.
Guðfinna segir mikið hafa breyst í
þessum efnum með tilkomu Face-
book. Áður hafi fólk tilkynnt um
týnda hunda til lögreglu eða hunda-
eftirlits og síðan hafi eigandinn leyst
hundinn út með tilheyrandi kostn-
aði, sem er reyndar mishár eftir
sveitarfélögum eins og sjá má af
meðfylgjandi töflu. Svokallað hand-
sömunargjald er að öllu jöfnu tekið
fyrir að handsama hundinn og ofan á
það getur lagst kostnaður vegna
dvalar eða geymslu hundsins.
Samkvæmt vefsíðum nokkurra
sveitarfélaga er gjaldið frá rúmum
8.500 krónum upp í 28.700. Þá er sá
háttur hafður hjá nokkrum sveitar-
félögum að innheimta hærra gjald
fyrir „síbrotahunda“ sem eru ítrek-
að handsamaðir og sums staðar er
sú regla að sé hundurinn óskráður
þarf einnig að greiða skráningar-
gjald til að fá hann lausan.
Ævintýraþrá ræður för
Guðfinna segir að sjaldgæft sé að
hundar séu lengi týndir. Oftast finn-
ist þeir eftir 3-4 tíma og þeir fari oft-
ast ekki lengra en einn kílómetra frá
heimili sínu. „Þeir eru nú yfirleitt
ekki að hugsa um að strjúka að
heiman, heldur snýst þetta oftast
um ævintýraþrá eða jafnvel að hitta
einhvern annan hund,“ segir hún.
„Annars er það alveg ótrúlegt hvað
fólk er tilbúið að fara út að leita að
týndum hundum fyrir fólk sem það
þekkir ekki neitt,“ bætir hún við og
nefnir nýlegt dæmi um að þegar
auglýst var eftir hundi á Facebook-
síðu Hundasamfélagsins hafi um 50
manns farið að leita hundsins; all-
flestir ókunnugt fólk.
Morgunblaðið/Rósa Braga
Hundar Óvíst er hvort þessi fallegi íslenski fjárhundur sé í hópi síbrota-
hunda. Að meðaltali er auglýst eftir þremur hundum á netinu á dag.
Það er dýrara að
leysa út síbrotahund
 Að meðaltali auglýst eftir þremur hundum á dag á netinu
Handsömunargjald
fyrir hunda*
*Miðað við fyrstu handsömun skráðs hunds.
Í sumum sveitarfélögum er greitt hærra gjald ef
hundurinn er handsamaður ítrekað
Reykjavík 28.700
Stykkishólmur 8.595
Fljótsdalshérað 16.000
Skagafjörður 10.350
Hafnarfjörður,
Garðabær og Kópavogur 13.000
Árborg 14.512
Snæfellsbær 12.938
Bolungarvík 9.100
Guðfinna
Kristinsdóttir
Guðni Einarsson
gudni@mbl.is
Fiskistofa ætlar framvegis að birta
ársfjórðungslega upplýsingar um
hlutfall íss í lönduðum afla hjá nafn-
greindum vigtunarleyfishöfum og
veiðiskipum. Búast má við að þetta
verði gert strax í lok sumars, að
sögn Eyþórs Björnssonar fiskistofu-
stjóra. Jafnframt verða birtar upp-
lýsingar um íshlutfall þegar vigtun
afla og íss fer fram að viðstöddum
eftirlitsmanni Fiskistofu.
Nýlega birti Fiskistofa frétt um
hlutfall kælimiðils (íss) í afla við
endurvigtun. Henni fylgdu nokkur
dæmi um hlutfall íss í endurvigt-
uðum afla hjá nokkrum ónafn-
greindum vigtunarleyfishöfum og
bátum á 1. fjórðungi þessa árs. Yfir-
leitt var verið að vigta þorsk nema í
tveimur tilvikum. Dagarnir sem eft-
irlit var haft með vigtun eru merktir
sérstaklega á skýringarmyndunum.
Eftirlitsmaður fylgdist þá með vigt-
un frá upphafi til enda. Samkvæmt
niðurstöðum sem Fiskistofa birti
lækkaði íshlutfallið í 22 tilvikum af
31 þegar eftirlitsmaður var við-
staddur miðað við það sem var dag-
ana á undan og eftir. Íshlutfallið
hækkaði í átta tilvikum og í einu til-
viki var vigtun að viðstöddum eftir-
litsmanni fremst í rununni. Í einu til-
viki var uppgefin ísprósenta t.d. tæp
18% daginn áður en eftirlitsmaður
var viðstaddur. Hún var 5,5% við
vigtun að eftirlitsmanni viðstöddum
og stökk svo upp í tæp 14% daginn
eftir, þegar eftirlitsmaðurinn var
farinn.
Freistingin er til staðar
Veiðar, endurvigtun og verkun
eru víða á sömu hendi. Ísaður fiskur
er fyrst brúttóvigtaður á hafnarvog
og svo er hann
endurvigtaður
hjá fiskvinnslunni
þar sem ísinn er
skilinn frá aflan-
um. Nettóvigtin,
þ.e. aflinn án íss,
er það sem dregst
frá kvóta bátsins.
Þetta kerfi býður
heim þeirri hættu
að fiski sé komið
framhjá vigt með því að segja hann
vera ís. Með því móti gengur hægar
á kvóta bátsins.
Eyþór sagði að Fiskistofa vildi
vekja athygli á þessum vanda. Stofn-
unin hefði fá úrræði til að bregðast
við öðruvísi en að birta niðurstöður
endurvigtana hjá nafngreindum
vigtunarleyfishöfum og veiðibátum.
„Þetta er ekki sönnun þess að
menn séu að hafa rangt við, en hver
og einn getur dregið sínar ályktanir
af því sem þarna birtist,“ sagði Ey-
þór. Hann sagði að ákveðið hefði
verið að fara hægt af stað og birta
ekki nöfn vigtunarleyfishafanna og
bátanna að þessu sinni. „Eftirleiðis
munum við gera það. Það verður þá
hægt að sjá hvaða vigtunarleyfishafi
á í hlut og hvaða veiðiskip.“
Eyþór sagði ljóst að mikill breyti-
leiki væri í íshlutfallinu. Það kynni í
einhverjum tilfellum og jafnvel
mörgum að skýra útkomuna þegar
eftirlitið hefði verið til staðar. „Von-
andi er það þannig en við erum ekki
sannfærð um að svo sé,“ sagði Ey-
þór. Hann sagði mikilvægt að geta
sýnt þá sem stæðu sig mjög vel og
hefðu augljóslega ekki rangt við.
Þeir fengju þá notið þess í um-
ræðunni. Á hinn bóginn væri einnig
ljóst að fylgjast þyrfti betur með
þeim vigtarleyfishöfum og bátum
sem ekki kæmu vel út við eftirlit.
Ætlar að birta
nöfn viðkomandi
 Fiskistofa mun upplýsa um íshlutfall
hjá vigtarleyfishöfum og bátum í haust
Morgunblaðið/Helgi Bjarnason
Ísfiskur Við endurvigtun er ís dreginn frá fiskaflanum. Nettóvigtin dregst
frá kvóta bátsins. Ef ísinn er ofmetinn gæti fiskur sloppið framhjá vigt.
Eyþór
Björnsson
Lilja Alfreðsdóttir utanríkisráð-
herra ávarpaði í gær öryggisráð
Sameinuðu þjóðanna, en haldinn var
opinn fundur í ráðinu um öfga-
hyggju og hryðjuverk. Í máli sínu
lagði ráðherra áherslu á samvinnu
og heildstæða nálgun í baráttunni
gegn öfgaöflum. Sagði hún engar
einfaldar lausnir í boði en mikilvægt
væri að ráðast að rótum vandans. Þá
benti hún sérstaklega á samfélags-
miðla sem hryðjuverkasamtök á
borð við Ríki íslams notuðust við, en
Youtube hefur t.a.m. lokað 14 millj-
ónum myndskeiða sem rekja má til
samtakanna.
Lilja átti einnig fund með Jan
Eliasson, varaframkvæmdastjóra
SÞ, og flutti lokaorð á málþingi um
mikilvægi þátttöku kvenna í friðar-
viðræðum og sáttaumleitun.
Engar einfaldar lausnir
 Lilja Alfreðsdóttir ávarpaði öryggisráð SÞ á fundi í gær
Samvinna Lilja Alfreðsdóttir utanríkisráðherra lagði áherslu á samvinnu
og heildstæða nálgun í baráttunni gegn öfgaöflum í ávarpi í öryggisráðinu.