Morgunblaðið - 12.05.2016, Blaðsíða 30

30 FRÉTTIRInnlent
MORGUNBLAÐIÐ FIMMTUDAGUR 12. MAÍ 2016
Á VELLINUM
Benedikt Bóas
benedikt@mbl.is
Fjögur lið eru efst eftir tvær um-
ferðir í Pepsi-deild karla í fótbolta
og eitt þeirra eru nýliðar Víkings frá
Ólafsvík. Víkingar hafa unnið bæði
Breiðablik og Val, lið sem spáð var
góðu gengi en nýliðunum var spáð
falli af flestum spámönnum.
„Mér líst vel á liðið í ár,“ segir
Björn Arnalds hafnarstjóri í Snæ-
fellsbæ sem hefur lengi mætt á völl-
inn í Ólafsvík og var meðal 712
áhorfenda sem hvöttu Ólafsvíkinga
áfram í fyrsta heimaleik ársins gegn
Val sem heimamenn unnu 2:1. Alls
búa um 1.800 manns í Snæfellsbæ
en um 1.100 í Ólafsvík. Uppgangur
Víkinga hefur verið magnaður og
eftir að hafa verið yfirleitt í neðri
deildum fóru þeir upp í efstu deild
árið 2014 sem þótti mikið afrek. Þeir
féllu með sæmd og í fyrra settu þeir
stigamet í 1. deildinni og ruku beint
aftur upp í efstu deild.
„Ég nennti ekkert á leiki í gamla
daga. Svo smitaðist maður af þess-
um köllum Jónasi Gesti og félögum
sem hífðu starfið upp, þá fékk mað-
ur aftur áhuga á að fara á völlinn.
Ég hef alltaf haft áhuga á fótbolta
alla mína ævi og held með Liverpool
í enska fótboltanum. Ég átti heima á
Akureyri í gamla daga og var Þórs-
ari en eftir að ég varð sjómaður þá
hætti ég að sparka sjálfur,“ segir
Björn.
Hátíðarstemning
Krafturinn er mikill í Ólafsvík og
það var hátíðarstemning í bænum
þegar fyrsti heimaleikur sumarsins
fór fram. En krafturinn er einnig á
öðrum leikvöllum því töluverður
fjöldi fer á útileiki. „Mér fannst vel
mætt á sunnudag því það voru ekki
margir Valsarar á leiknum. Það er
svakaleg stemning hjá okkur á úti-
leikjum. Það kemur fullt af brott
fluttum Ólsurum á útileikina. Það er
ekkert endilega fólk sem var á leikj-
um hér í Ólafsvík enda var þá ekki
þessi uppgangur. Ég fór í fyrra á
fjóra eða fimm útileiki og mér er svo
minnisstætt þegar við spiluðum við
Hauka að þar voru engir stuðnings-
menn heimaliðsins, það voru bara
Ólsarar. Í Grindavík sömuleiðis átt-
um við stúkuna enda unnum við
þann leik stórt.“
Björn hefur farið á marga útileiki
í gegnum tíðina en einn stendur upp
úr. „Það var bikarleikur gegn FH.
Ég er viss um að það voru um þús-
und manns í bláu þann dag. Ég sá
mynd og þar voru tveir þriðju í stúk-
unni í bláu og einn þriðji var hvítur.
Það var haldin svakaleg grillveisla á
trésmíðaverkstæði í Hafnarfirði hjá
manni sem er ættaður úr Ólafsvík.
Það var yfirfullt á planinu og brjáluð
stemning. Svo fóru menn á leikinn
og við töpuðum honum eins og við
var búist en þetta var alveg ofboðs-
lega skemmtilegur dagur. Það er
magnað hvað það er flottur hópur
sem styður liðið á höfuðborgarsvæð-
inu. Það gerir mikið fyrir liðið.“
Aðeins þrjú lið eru af landsbyggð-
inni í efstu deild og segir Björn að
það sé oft styttra fyrir stuðnings-
menn Víkinga að sjá sitt lið í
Reykjavík en fyrir stuðningsmenn
Reykjavíkur liðanna að koma í
Ólafsvík. „Það er ekki minni stemn-
ing á útileikjunum. Okkur finnst
ekkert mál að keyra til Reykjavíkur.
Það eru ekki nema tveir klukku-
tímar hvora leið. Ég gæti þess vegna
farið í bíó og heim aftur, þetta er svo
lítið mál. Eftir að göngin komu er
lítið mál að skutlast. Það er alltaf
þannig að það er lengra úr Reykja-
vík út á land en frá landsbyggðinni
til Reykjavíkur.“
Draumabyrjun
Björn segir að fótboltinn skipti
bæjarfélagið máli og sé góð auglýs-
ing fyrir Ólafsvík. „Alveg eins og
körfuboltinn er góð auglýsing fyrir
Stykkishólm. Það er stemning hér,
grill fyrir leik, fólk er að koma
klukkutíma fyrir leik til að fanga
stemninguna og hér er haldin hátíð
fyrir hvern leik.“
Sama stuðið á heima- og útivelli
 Lengra frá Reykjavík út á land en frá landsbyggðinni til Reykjavíkur  Margir styðja Víking
Ólafsvík  Brottfluttir mæta á leiki á höfuðborgarsvæðinu  Mikilvægt fyrir bæjarfélagið
Spekingar spjalla Björn hér í miðjunni á leiknum gegn Val á sunnudaginn. Hann hefur mætt á völlinn frá því krafturinn í starfinu var efldur. Krafturinn
hefur smitað marga aðra Ólafsvíkinga sem mæta jafnvel klukkutíma fyrir leik til að fanga stemninguna og láta vel í sér heyra á meðan á leik stendur.
„Það skiptir máli að byrja vel. Þegar við vorum síðast í úrvalsdeildinni
gekk okkur illa í byrjun og við féllum eiginlega út af henni. En núna erum
við reynslunni ríkari. Þetta er draumabyrjun og það væri algjör draumur
að taka ÍA annan í hvítasunnu,“ segir Björn. Spurður um minnisstæðasta
leikinn í Ólafsvík nefnir hann án þess að hika bikarleikinn gegn Stjörn-
unni fyrir nokkrum árum. „Það var magnaður leikur. Fór fram við frábær-
ar aðstæður. Það var logn, kvöldsól, rosalegur fjöldi á vellinum og við
unnum í vítakeppni. Ég get svarið það að ég missti röddina eftir leikinn.
Þetta var eitt af þessum ógleymanlegu kvöldum.“
Yrði draumur að vinna ÍA
DRAUMABYRJUN Í DEILDINNI EN 20 LEIKIR EFTIR
Taplausir Víkingur frá Ólafsvík er taplaust eftir tvo leiki. Hefur spila við
Val og Breiðablik. Í dag mæta þeir ÍBV og svo er grannaslagur gegn ÍA.
Morgunblaðið/ Alfons Finnsson
Reykjavíkurborg og BSRB standa
fyrir málþingi í Ráðhúsi Reykjavík-
ur í dag, fimmtudaginn 12. maí, frá
klukkan 14-16, þar sem kynntar
verða niðurstöður tilraunaverkefnis
um styttri vinnuviku. Flutt verða
sex erindi.
Reykjavíkurborg fór af stað með
tilraunaverkefni um styttri vinnu-
viku án þess að skerða laun í mars í
fyrra. Skipaður var starfshópur til
að útfæra verkefnið og voru valdir
heppilegir vinnustaðir í tilraunina.
25 starfsmenn Þjónustu-
miðstöðvar Árbæjar og Grafarholts
og 40 starfsmenn á skrifstofu
Barnaverndar unnu í 35 stundir á
viku í stað 40 stunda og urðu þessir
vinnustaðir fyrir valinu því þar er
oftar en ekki unnið undir miklu
álagi.
„Nú er tilraunaverkefninu lokið
og niðurstöður liggja fyrir. Þar kem-
ur meðal annars fram að með styttri
vinnuviku er andleg og líkamleg líð-
an starfsmanna betri, starfsánægja
eykst og tíðni skammtímaveikinda
lækkar. Að mati stýrihópsins er
mikilvægt að halda áfram og afla
fleiri gagna og niðurstaðna,“ segir í
tilkynningu. Nánar verður fjallað
um niðurstöður á málþinginu í dag.
Málþingið er öllum opið og er að-
gangur ókeypis.
Málþing um styttri vinnu-
viku hjá Reykjavíkurborg
GARÐAR OG GRILL
PÖNTUN AUGLÝSINGA:
Fyrir kl. 16, föstud. 13. maí.
NÁNARI UPPLÝSINGAR: Katrín Theódórsdóttir
kata@mbl.is | Sími: 569-1105
SÉRBLAÐ
–– Meira fyrir lesendur
20. maí gefurMorgunblaðið út glæsilegt sérblað um
Garða og grill. Blaðið verður með góðum upplýsingum um garðinn, pallinn, heita
potta, sumarblómin, sumarhúsgögn og grill ásamt girnilegum uppskriftum.