Tímarit hjúkrunarfræðinga - 01.05.2001, Qupperneq 44

Vilt þú losna víð ruslpóst?
Af og til berast félaginu óskir um afnot af félagataiinu. Þessar óskir berast frá ýmsum aðilum, s.s. félagasamtökum
og fyrirtækjum.
í lok árs 1997 var félagsmönnum gefinn kostur á bannmerkingu, þ.e. að láta merkja við nafn sitt í félagaskrá ef þeir
vildu ekki að nöfn þeirra væru notuð í markaðssetningarstarfsemi, sbr. 28. gr. laga nr. 77/2000 um persónuvernd og
meðferð persónuupplýsinga. í samræmi við ákvörðun stjórnar og samkvæmt upplýsingum frá Persónuvernd er
félaginu heimilt að afhenda félagaskrána til nota við dreifingu markpósts ef félagsmönnum hefur verið gefinn kostur á
að andmæla því að nafn viðkomandi verði á hinni afhentu skrá.
Félag íslenskra hjúkrunarfræðinga mun framvegis verða við óskum allra félagasamtaka, fyrirtækja og annarra, er
þess óska, um aðgang að félagaskrá og vill því gefa félagsmönnum kost á bannmerkingu á félagatali Félags
íslenskra hjúkrunarfræðinga. Þá vill félagið hvetja hjúkrunarfræðinga, sem hafa fengið bannmerkingu í þjóðskrá, að
hafa samband við skrifstofu félagsins og láta einnig merkja við nafn sitt í félagaskránni.
Flér fylgir eyðublað sem þeir sem vilja fá bannmerkingu eru beðnir að fylla út og senda til skrifstofu félagsins,
Suðurlandsbraut 22, 108 Reykjavík, fyrir 10. maí 2001. Einnig má nálgast eyðublaðið á heimasíðu félagsins.
Ég undirrituð óska eftir að nafn mitt verði bannmerkt í félagatali Félags íslenskra hjúkrunarfræðinga
Nafn:_______________________________________________Kennitala:_____________
Heimilisfang:______________________________
Póstnúmer:__________________Sveitarfélag:
Vinnustaður:_______________________________
Heimasími:_____________Vinnusími:_____________Netfang:
Umsóknin berist fyrir 10. maí 2001
Nýr starfsmaður á skrifstofu
Steinunn Helga Björnsdóttir hefur veriö ráðin til starfa á skrifstofu Félags íslenskra
hjúkrunarfræðinga. Steinunn er fædd og uppalin á Siglufirði og útskrifaðist frá
Lyfjatækniskóla íslands 1983. Hún vann um tíma á Elliheimilinu Grund og síðan
sem ritari á lögmannsstofu í 10 ár. Fram að síðastliðnu hausti rak hún verslunina
Stíl á Skólavörðustíg. Maki hennar er Sigurður I. Halldórsson lögmaður og eiga
þau 3 börn á aldrinum 14-25 ára og eitt barnabarn. Steinunn hefur mikinn áhuga
á allri útivist og byrjar flesta daga með sundferð. Þá segist hún vera nýbyrjuð að
spila golf. „Mér líst mjög vel á þetta starf, verkefni mín eru fjölbreytt og skemmti-
leg,“ segir hún og bætir við að hún hafi ekki gert sér grein fyrir því hvað mikil starfsemi fer fram á
vegum félagsins þegar hún sótti um starfið. „Það er líka ánægjulegt að vinna hér með hressum og
skemmtilegum konum."
124
Tímarit hjúkrunarfræðinga • 2. tbl. 77. árg. 2001