Tímarit hjúkrunarfræðinga - 01.05.2001, Qupperneq 67

og sjúkraþjálfun í 25 ár. Víðtækar breytingar fara nú fram í
læknanáminu til að mæta nýjum tímum og nýjum atvinnu-
tækifærum fyrir lækna. Hann taldi að hlutverk sjúkraþjálf-
ara yrði veigameira í heilbrigðiskerfinu með aukinni áherslu
á forvarnir, heilsueflingu og endurhæfingu.
Marga Thome, forseti hjúkrunarfræðideildar Háskóla
íslands, fjallaði um framtíðarsýn varðandi menntun hjúkr-
unarfræðinga og Ijósmæðra. Hún sagði m.a. að ísland
væri fyrsta Evrópulandið sem færði hjúkrunarfræði-
menntun alfarið í háskóla og um 1400 íslenskir hjúkrunar-
fræðingar hefðu lokið háskólamenntun eða um 60%
stéttarinnar. Um 15% íslenskra hjúkrunarfræðinga hefðu
lokið framhaldsnámi við erlenda háskóla.
Að loknu kaffihléi fjallaði Vilborg Ingólfsdóttir, yfirhjúkr-
unarfræðingur á landlæknisembættinu um mannaflaspár
sjúkraliða og sagði m.a. að hlutfall sjúkraliða af heildarfjölda
heilbrigðisstarfsmanna væri um 20% og Ijóst sé að fjölga
þurfi í heilbrigðisþjónustunni um 300 einstaklinga með
sjúkraliðaréttindi á ári á næstu fimm árum og síðan trúlega
um 100 sjúkraliða á ári. Sveinn Magnússon, skrifstofustjóri
heilbrigðis- og tryggingamálaráðuneytis fjallaði um
mannaflaspár lækna og Herdís Sveinsdóttir fjallaði um
mannaflaspár hjúkrunarfræðinga. Herdís fjallaði um athug-
anir og kannanir sem gerðar hafa verið á skorti á hjúkrunar-
fræðingum, greindi frá hver mannafli hjúkrunarstéttarinnar
er nú, hver þörfin er fram til ársins 2015 og hvaða
afleiðingar skortur á hjúkrunarfræðingum til starfa getur
haft. Samkvæmt forsendum mannaflaspár vantar 319
stöðugildi hjúkrunarfræfðinga í dag til að fullnægja þörfinni
en afleiðingar skorts á hjúkrunarfræðingum geta verið
margvíslegar eins og komið hefur fram í könnun á vinnu-
álagi og starfsánægju hjúkrunarfræðinga en niðurstöðurnar
voru birtar í desemberhefti Tímarits hjúkrunarfræðinga.
Anna Birna Jensdóttir, fjallaði um breyttar áherslur við
mönnun öldrunarþjónustu og sagði m.a. að innan
heilbrigðisþjónustunnar stefndi öldrunarþjónustan í að
verða stærsti málaflokkurinn í takt við fjölgun aldraðra þar
sem háöldruðum mun fjölga mest og tryggja þyrfti sam-
keppnisstöðu öldrunarþjónustunnar hvað launakjör varðar
og afnema fjöldatakmarkanir í hjúkrunarfræði og efla
fjarkennslumöguleika.
í lok ráðstefnunnar voru pallborðsumræður með þátt-
töku fyrirlesara og fleiri aðila og var stjórnandi Ragnheiður
Haraldsdóttir. Ráðstefnustjórar voru Ingimar Einarsson,
skrifstofustjóri, og Margrét Björnsdóttir, skrifstofustjóri, en
fundarstjórar voru Helgi Már Arthúrsson, upplýsingafulltrúi,
og Ragnheiður Haraldsdóttir, skrifstofustjóri.
-vkj
Þegar andlát
ber að höndum
Önnumst alla þætti útfararinnar.
Vesturhlíð 2
Fossvogi
Sími 551 1266
www.utfor.is
Við Útfararstofu kirkjugarð-
anna starfa nú 14 manns
með áratuga reynslu við
útfaraþjónustu. Stærsta
útfararþjónusta landsins
með þjónustu allan
sólarhringinn.
Prestur
Kistulagning
Kirkja
Legstaður
Kistur og krossar
Sálmaskrá
Val á tónlistafólki
Kistuskreytingar
Dánarvottorð
Erfidrykkja

UTFARARSTOFA
KIRKJUGARÐANNA EHF.
Tímarit hjúkrunarfræðinga • 2. tbl. 77. árg. 2001
147