Dagblaðið Vísir - DV - 26.01.2018, Side 32

32 fólk - viðtal Helgarblað 26. janúar 2018
„Framsókn
gekk í gegnum
hreinsunareld“
„Ég hef varla komið í Austurstræti síðan ég var 17
eða 18 ára, það er frekar undarlegt að vera byrjuð
að vinna hérna,“ segir Halla Signý Kristjánsdóttir,
nýr þingmaður Framsóknarflokksins. Halla Signý
kemur að vestan og brennur fyrir byggðamálum.
Blaðamaður DV settist niður með Höllu og ræddi
við hana um stjórnmálin, landsbyggðina og
breytingarnar sem eru að verða á samfélaginu.
Þ
etta er draumaríkisstjórnin
mín. Við keyrum á sam-
hljóm, sátt og samvinnu.
Katrín Jakobsdóttir er sam-
nefnari fyrir samvinnu og traustið
sem stjórnmálin þurfa á að halda.
Minn flokkur er í ríkisstjórn af
heilindum og ég efast ekki um að
hinir séu það líka. Það var einhver
kergja í Vinstri grænum en ég get
ekki séð að þau hafi unnið af heil-
indum í sínu starfi. Auðvitað er
maður ekki alveg sammála þess-
um flokkum í einu og öllu en mið-
að við stöðuna í dag þá er ég viss
um að þessi stjórn geti setið lengi,“
segir Halla Signý.
Framsóknarflokkurinn klofn-
aði í fyrrahaust og hlaut sína
verstu útkomu í kosningum frá
stofnun með aðeins 10,7 pró-
senta fylgi. Halla hefur verið í
Framsóknarflokknum frá því að
hún var 15 ára gömul, hún kveðst
þó ekki fylgja flokknum í einu
og öllu. „Framsókn hefur ekk-
ert alltaf fylgt mínum skoðun-
um. Okkar stefna snýst ekki um
persónur, Framsókn gekk í gegn-
um hreinsunareld og ég er mjög
ánægð með flokkinn núna.“
Miðflokkur Sigmundar Davíðs
Gunnlaugssonar tók til sín marga
fyrrverandi Framsóknarmenn og
mikið fylgi. Halla hafnar því að
Framsókn sé í sárum: „Sigmund-
ur fór úr flokknum og það fóru
nokkrir með honum, ég segi bara,
komi bara þeir sem koma vilja og
öllum er frjálst að fara. Við erum
ekki í neinum sárum. Við vor-
um í miklu meiri sárum á meðan
hann var í flokknum. Við sáum
vissulega á bak mörgu góðu fólki
yfir í Miðflokkinn, en ég veit um
marga sem eru að horfa til okkar
aftur. Ef það eru sárindi þá myndi
ég frekar segja að það sé hinum
megin, þau sakna okkar,“ segir
Halla og hlær.
Byggðastefna er ekki ölmusa
Halla Signý býr enn fyrir vestan þar
sem hún sinnir börnum, barna-
börnum og öðrum börnum. „Ég
segi líka að ég eigi uppkominn eig-
inmann,“ segir hún og hlær. „Við
fljúgumst á og reynum að hittast
eins oft og við getum.“ Halla hefur
verið búsett fyrir vestan alla sína
ævi og því tekur tíma að venjast
höfuðborginni. Þess má geta að
fyrir ofan skrifborð Höllu er gatna-
kort af höfuðborgarsvæðinu sem
skilið var eftir af fyrrverandi þing-
manni. „Það er náttúrlega að rata,
ég er nú alveg komin með helstu
leiðirnar á hreint núna. Það er
ýmislegt sem kona sem er „Made
in Sveitin“ þarf að taka inn, það
er ekkert mál að moka bílinn út
úr skafli en að vera föst í umferð-
aröngþveiti … það er nýtt, en ég er
að læra.“
Þótt hún sé óvön höfuð-
borginni vill Halla alls ekki að
höfuð borginni sé stillt upp á móti
landsbyggðinni. „Við eigum ekki
að tala hvort annað niður því við
þurfum á hvort öðru að halda. Í
þessu nútímaþjóðfélagi þá skiptir
það ekki máli hvar á landinu fólk
er staðsett, landsbyggðin er að
taka jafn mikinn þátt í fjórðu iðn-
byltingunni og aðrir.“ Halla hefur
hins vegar áhyggjur af því að erfitt
sé að manna stöður og lítur hún
sérstaklega til þess að laða aðflutta
aftur í heimabyggð. Sem dæmi var
hún fjármálastjóri Bolungarvík-
ur en ekki hefur tekist að manna
stöðuna eftir að hún náði kjöri á
þing. „Það er erfitt að fá til okkar
skurðlækna, það er ekki hægt að
starfrækja fæðingardeild án skurð-
læknis.“
Byggðastefna byggir ekki á því
að láta höfuðborgarbúa niður-
greiða búsetu á landsbyggðinni,
segir Halla Signý. Þvert á móti
á að nota fjármagn sem verð-
ur til á svæðinu til uppbyggingar
þar. Horfir hún sérstaklega til
Noregs eftir fyrirmynd. „Þetta er
ekki ölmusa. Við erum að leggja
mikið til. Ef laxeldi á Vestfjörð-
um færi upp í 30 þúsund tonn þá
væri það að leggja 25 milljarða inn
í þjóðarbúið. Með því væri hægt
að borga allar helstu samgöngu-
úrbætur sem þarf á svæðinu. Það
væri hægt að borga uppbyggingu
á Dynjandisheiði, veg um Teigs-
skóg, Dýrafjarðagöng kosta svo
átta milljarða.“
Ekki eftirherma
Halla Signý er sannkölluð
sveitakona, hún var alin upp á
Ingjaldssandi og var bóndi í 10 ár
í Önundarfirði. „Ég er yngst tólf
systkina, tíu komust á legg.“ Bróðir
hennar er Jóhannes Kristjánsson
eftirherma, en Halla er sjálf ekki
eftirherma. „Ég er alveg laus við
það. Við deilum þeim hæfileikum
að taka fljótt eftir ýmsu í fari fólks,
en ég læt það vera að hafa það eftir
eins og hann gerir,“ segir Halla og
brosir.
Hún er með ákveðna skýringu
á hvaðan þessir hæfileiki kemur.
„Sagnahefðin er mjög rík í móð-
urættinni. Amma var mikil sagna-
kona og var með eftirhermur,
þegar hún sagði frá þá lék hún
fólkið sem hún talaði um. Mamma
gerði þetta líka, hún var fædd 1923
og það var ekki útvarp á heimil-
inu, þá var hún send til að hlusta
á fréttirnar og svo endursagði hún
fréttatímann fyrir fjölskylduna.“
„Svona var bara þessi hugsun“
Þú hefur verið virk í félagsstörfum í
áratugi, tengir þú reynslu þína við
#metoo-byltinguna?
„Maður verður vitni að ýmsu.
Fyrir nokkrum árum var þetta
bardagi, ég var kosin á stéttar-
sambandsþing bænda. Þar sat ég
ásamt þremur konum. Þá voru
örfá ár frá því að fyrsta konan var
kjörin á búnaðarþing í 150 ára
sögu Búnaðarfélags Íslands. Þú
getur ímyndað þér hvernig þetta
var. Þetta var bara önnur kyn-
slóð.“
Halla segir að sem ungur bóndi
hafi hún mætt andstöðu ekki
bara karla heldur einnig kvenna.
„Oft kom harðasta gagnrýnin frá
öðrum konum. Það er búin að
vera bylting síðustu ár, nú er for-
maður sauðfjárbænda kona.“
Halla rifjar upp að fyrir nokkrum
árum þá átti að skipta um hrepp-
stjóra í sveitinni, þegar þeir voru
enn við lýði. „Ég lagði það til að
kona myndi gegna því embætti,
það þótti fáránlegt því konan var
sjö barna móðir og hefði ekki tíma
til þess. Svo var maðurinn henn-
ar settur í starfið. Svona var bara
þessi hugsun.“
Hún lítur svo á að samfélagið
sé að ganga í gegnum tjald þar
sem ójafnrétti fortíðar er skilið
eftir. „Við erum allt of gjörn á að
draga einhvern til ábyrgðar og
hengja. Ég er mjög ánægð að í
þessari byltingu séum við ekki að
fara þangað, þetta er samfélags-
mein sem við þurfum að vinna á
öll saman. Við erum ekki að fara
að hengja einhvern eða breyta for-
tíðinni. Þetta er eins og að ganga í
gegnum tjald, við berum öll ein-
hverja ábyrgð og skiljum þetta öll
eftir í fortíðinni.“ n
„Það er ekkert mál
að moka bílinn út
úr skafli en að vera föst í
umferðaröngþveiti … það
er nýtt.
„Við erum allt of
gjörn á að draga
einhvern til ábyrgðar og
hengja.
Kjarnakona að vestan Halla Signý segir að
sem ungur bóndi hafi hún mætt andstöðu bæði
karla og kvenna, nú loksins sé andrúmsloftið að
breytast.
Hreinsunareldur Framsóknar Halla Signý segir að Framsókn sé ekki í sárum eftir að
flokkurinn klofnaði, flokkurinn hafi verið í meiri sárum áður en Sigmundur Davíð Gunnlaugs-
son stofnaði Miðflokkinn.
Ari Brynjólfsson
ari@pressan.is