Morgunblaðið - 19.10.2017, Síða 38

BAKSVIÐ
Sigtryggur Sigtryggsson
sisi@mbl.is
Reykjavíkurborg er byrjuð að út-
hluta lóðum í nýju Bryggjuhverfi í
Elliðavogi sem enn er á teikniborð-
inu. Gert er ráð fyrir allt að 850 íbúð-
um í þessu nýja hverfi. Hverfið ber
vinnuheitið Bryggjuhverfi vestur og
verður þar sem athafnasvæði Björg-
unar ehf. er nú á Sævarhöfða. Björg-
un á samkvæmt samningum að rýma
svæðið eigi síðar en í maí 2019. Þau
mannvirki sem eru á lóðinni munu
víkja fyrir utan sementstankar tveir
sem eru syðst á svæðinu og setja
mikinn svip á það.
Á fundi borgarráðs 12. október sl.
var lagt fram bréf skrifstofu eigna
og atvinnuþróunar Reykjavíkur-
borgar þar sem óskað er eftir að
borgarráð samþykki að veita Bjargi
hses. (byggingarfélagi verkalýðs-
félaga) vilyrði fyrir byggingarrétti á
um 30 íbúðum í hinu nýja hverfi.
Einnig var óskað eftir að borgarráð
samþykkti að veita Búseta húsnæð-
issamvinnufélagi vilyrði fyrir bygg-
ingarrétti á markaðsverði á um 35
íbúðum í tveimur húsum í hverfinu.
Lóðavilyrðin eru veitt með nokkrum
skilyrðum, m.a. að deiliskipulag um
lóðina fáist samþykkt og samninga-
viðræðum Faxaflóahafna og Reykja-
víkurborgar um kaup borgarinnar á
landinu ljúki með samkomulagi.
Borgarráð samþykkti tillögurnar.
Landfylling út í sjó
Nýlega voru kynnt drög að tillögu
umhverfis- og skipulagssviðs, dags.
10. október 2017, sem unnin er af
Arkís, Verkís og Landslagi, vegna
gerðar deiliskipulags fyrir Bryggju-
hverfi vestur. Svæðið er að mestu á
núverandi landfyllingu og afmarkast
af núverandi Bryggjuhverfi til aust-
urs, Ártúnshöfða til suðurs og sjó til
norðurs og vesturs. Til norðurs snýr
deiliskipulagssvæðið til sjávar, en
gert er ráð fyrir að núverandi land-
fylling stækki út í sjó. Til vesturs er
fyrirhuguð frekari landfylling í
rammaskipulagi Elliðaárvogs og Ár-
túnshöfða. Landfyllingin verður
25.000 fermetrar og hefur verið sam-
ið við Björgun um að sjá um gerð
hennar. Þegar því verki lýkur verð-
ur ný íbúðarbyggð skipulögð á
henni.
Bryggjuhverfi vestur er fyrsti
deiliskipulagsáfanginn sem unninn
er á grunni rammaskipulags Elliða-
árvogs og Ártúnshöfða, sem byggist
á áherslum aðalskipulags Reykja-
víkur. Aðalskipulagið gerir ráð fyrir
að 90% allra nýrra íbúða, sem reist-
ar verða á skipulagstímabilinu, rísi
innan núverandi þéttbýlismarka.
Landslag við voginn og Ártúns-
höfða hefur tekið verulegum breyt-
ingum af mannavöldum síðustu 50 ár
að því er fram kemur í kynningu á
hinu nýja deiliskipulagi. Geirsnef
fyllti nánast út í voginn þegar um-
framefni og úrgangi var komið þar
fyrir og ós Elliðaánna færðist um
einn kílómetra til norðurs. Einnig
var fyllt upp vestan og norðan með
Ártúnshöfða til aðstöðusköpunar
fyrir iðnfyrirtæki og vinnslu jarð-
efna.
Byggðamynstur Bryggjuhverfis
II verður þriggja til fimm hæða
randbyggð þar sem samfelld húsa-
röð í jaðri lóðar upp við götu umlyk-
ur húsagarð. Inngarðar verða að
mestu leyti ofan á bílgeymslum og
skulu að mestu vera bílastæðafríir.
Bryggjutorg verður helsti sam-
komustaður hverfisins, en umhverfis
torgið er gert ráð fyrir að blöndun
verslunar, þjónustu, skóla og íbúðar-
húsnæðis skapi vettvang mannlífs
og menningar innan hverfisins.
Bryggjutorg tengist fyrirhuguðu
Krossmýrartorgi um Breiðhöfða og
almenningsrýmum við strönd til
norðurs.
„Elliðaárvogur er einn veðursæl-
asti staðurinn í Reykjavík. Þar gætir
ekki norðanstrengs og Ártúnshöfð-
inn skýlir fyrir suðaustanátt. Á land-
fyllingum neðan höfðans felast tæki-
færi í nálægð við sjóinn og sundin
blá auk greiðra tenginga við útivist-
arleiðir og ríka náttúru í Grafarvogi
og Elliðaárdal,“ segir í kynningu.
Núverandi Bryggjuhverfi er
byggt á deiliskipulagi frá 1997, með
síðari breytingum. Hverfið er að
mestu á landfyllingu í mynni Graf-
arvogs norðanundir Ártúnshöfða.
Byggðin hefur sterkan heildarsvip
bryggjuhverfis. Björgun ehf. fékk
Björn Ólafs, arkitekt í París, til að
annast deiliskipulag og að hluta til
hönnun húsa í hverfinu. Fyrstu hús-
in í Bryggjuhverfinu risu árið 1998.
Hverfið hefur liðið fyrir það að hlé
varð á uppbyggingu þess þar til á
allra síðustu árum. Að auki var það
einangrað frá nágrannahverfum og
fulllítið til að vera sjálfbært hvað
varðar verslun og þjónustu. Með
stækkun Bryggjuhverfisins á næstu
árum verður breyting hér á.
Bryggjuhverfi á teikniborðinu
 Allt að 850 íbúðir verða byggðar í Bryggjuhverfi vestur  Hið nýja hverfi verður byggt á athafna-
svæði Björgunar, við hlið núverandi Bryggjuhverfis  Bjargi og Búseta úthlutað lóðum í hverfinu
Tölvumynd/Arkís
Hið nýja hverfi Bryggjuhverfi vestur er hér sýnt með grænum lit fyrir miðju. Sementstankarnir verða áberandi í hverfinu. Hægra megin er vestasti hluti
núverandi Bryggjuhverfis og vinstra megin má sjá útlínur að nýjum áfanga Bryggjuhverfisins, sem rísa mun á landfyllingum þegar tímar líða.
Svæði Björgunar Fallegt útsýni yfir Sundin verður frá nýja hverfinu.
38 FRÉTTIRInnlent
MORGUNBLAÐIÐ FIMMTUDAGUR 19. OKTÓBER 2017
Vöruhús veitingamannsins
allt á einum stað
Höfðabakka 9 | 110 Reykjavík | Sími 595 6200 | bakoisberg.is
Opið virka daga kl. 8.30-16.30
Mikið vatn hefur runnið til
sjávar í Elliðaárvog síðan
landnámsmaðurinn Ketil-
björn gamli frá Noregi tók
þar land á skipi sínu Elliða.
Eru Elliðaárnar og vogurinn
talin draga nafn sitt af skipi
Ketilbjörns. Vogurinn var
víður milli Háubakka og Ár-
túnshöfða og ós Elliðaánna
var rétt norðan við þann
stað þar sem nú eru Elliða-
árbrýrnar. Leirurnar iðuðu af
fuglalífi og kræklingur var
þar um allar fjörur. Elliðaár
hafa ætíð verið gjöfular lax-
veiðiár og eru það enn þrátt
fyrir ýmis inngrip. Ketilbjörn
nam Grímsnes allt, Laugar-
dal og hluta af Biskups-
tungum. Hann bjó á Mosfelli
í Grímsnesi og lifði nógu
lengi til að fá viðurnefnið
„gamli“, segir í alfræðiritum.
Ketilbjörn
kom þar að
ELLIÐAÁRVOGUR
Sveitarfélagið Norðurþing hefur
skrifað undir samstarfssamning við
PCC Bakki Silicon. Hann felur í sér
að PCC mun nýta þá fjármuni, sem að
óbreyttu hefðu farið í stofnfjárfest-
ingu á búnaði fyrir eigin brunavarnir
á Bakka og þjálfun tilheyrandi mann-
skaps, til að styrkja starfsemi og
starfsgetu slökkviliðsins á Húsavík.
Samningurinn er til þriggja ára með
mögulegri framlengingu um tvö ár.
Með samningnum eru slökkviliðinu
tryggðar rúmar 17 milljónir króna ár-
lega á samningstímabilinu.
Þá mun samningurinn gera
Norðurþingi auðveldara fyrir að ráða
slökkviliðsmenn í fullt starf til viðbót-
ar þeim sem fyrir eru hjá liðinu. Núna
eru tveir menn í fullu starfi, auk eins
stöðugildis á bakvakt. Í þessum mán-
uði verður þriðji maðurinn ráðinn í
fullt starf.
Að auki gefur PCC slökkviliðinu
nýja Mercedes Benz-bifreið í samvinu
við Öskju, umboðsaðila Mercedes
Benz á Ísandi. Sveitarfélagið mun
taka við bílnum og hanna og smíða til
samræmis við þarfir slökkviliðsins
um nýja neyðarbifreið. Hlutur PPC í
því verkefni er yfir sex milljónir
króna.
Hafsteinn Viktorsson, forstjóri
PCC Bakki Silicon, segir að samning-
urinn leiði til þess að starfsemi
slökkviliðsins á Húsavík eflist, en það
þjóni ekki bara þéttbýlinu á staðnum
heldur einnig dreifbýlinu í kring.
Kristján Þór Magnússon, sveitar-
stjóri Norðurþings, segir þetta
ánægjulega niðurstöðu sem geri
mögulegt að bæta þjónustu slökkvi-
liðsins í sveitarfélaginu.
Norðurþing hyggur á byggingu
nýrrar slökkvistöðvar á Húsavík sem
tekin verður í gagnið haustið 2018.
Nýja stöðin verður að Norðurgarði 5
og verður hún 1.000 fermetrar að
stærð. sisi@mbl.is
Sjá um brunavarnir á Bakka
 PCC Bakki
Silicon semur
við Norðurþing
Samið Kristín Anna Hreinsdóttir
PCC og Kristján Þór Magnússon.