Morgunblaðið - 19.10.2017, Síða 86

86 MENNING
MORGUNBLAÐIÐ FIMMTUDAGUR 19. OKTÓBER 2017
Eldborg 21. nóv. kl. 19:30
Miðasala í síma 528 5050 og á harpa.is
harpa.is/stmartin #harpa Myn
d:
Al
an
Ke
rr
Br
an
de
nb
ur
g
|s
ía
Fiðluvirtúósinn
Joshua Bell leiðir
sígilda snilld,
barokk og eldheitanargentínskan tangó
Academy
of St Martinin the Fields
Tónlistarstjóri Joshua Bell
Listahátíð í Reykjavík er aftur orðin tvíær-
ingur, eftir að hafa verið haldin árlega um
nokkurra ára skeið, og í gær kynnti listræni
stjórnandinn Vigdís Jakobsdóttir sex viða-
mestu viðburðina á hátíðinni sem verður hald-
in dagana 1. til 17. júní næsta sumar.
Þema Listahátíðar verður „Heima“ og sagði
Vigdís það vera nálgast á víðan hátt – í sam-
félagslegum, pólitískum, heimspekilegum og
listrænum skilningi – „og einnig sögulega og
það tengist fallega hundrað ára fullveld-
isafmælinu á næsta ári,“ sagði hún. Verkefni
hátíðarinnar kallast flest á við þetta þema.
„Fyrsta verkefni Listahátíðar er 1. júní,
flutningur Sinfóníuhljómsveitar Íslands á
Upprisusinfóníu Mahlers, þeirri númer 2. Þar
verður hljómsveitin sérstaklega fjölmenn og
einnig Mótettukór Hallgrímskirkju sem tekur
þátt í flutnignum. Einsöngvarar verða Chris-
tiane Karg og Sasha Cooke og Osmo Vänskä
stjórnar,“ sagði Vigdís.
„Við erum í samstarfi við Íslenska dans-
flokkinn um barnadanssýningu um vinina Óð
og Flexu. Áður hefur verið gerð sýningin Óður
og Flexa halda afmæli en nú mæta þau hinu
ókunna í dansverki fyrir alla fjölskylduna sem
verður sýnt í Borgarleikhúsinu.
Í Listasafni Reykjavíkur verður sett upp
stór samsýning, Þar ríkir fegurðin ein. Við-
fangsefnið er íslenskir listamenn sem mótað
hafa íslenska listasögu, eldri verk verða á
Kjarvalsstöðum en nýrri verk í Hafnarhúsi.“
Í því samhengi nefndi Vigdís að Klúbbur
listahátíðar, sem oft var rekinn með blómleg-
um hætti á fyrri hátíðum, verður endurvakinn
og nú í fjölnotarými Hafnarhússins. Listamað-
ur verður fenginn til að hanna þar inn bar og
auk veitinga verður boðið upp á ýmsa viðburði
tengda dagskrárliðum hátíðarinnar. Klúbb-
urinn verður opinn til miðnættis öll kvöld og
einnig sýningarnar í safninu.
„Þá fáum við Hollywood-leikarann Bill
Murray til landsins ásamt þremur vinum og
verða þau með tvö skemmtikvöld í Eldborg,“
sagði Vigdís. „Murray er mikið ólíkindatól og
þegar hann eignaðist nýjan vin í flugél, þýska
sellóleikarann Jan Volker, þá datt þeim í hug
að gera eitthvað saman. Murray er að upp-
götva klassíska tónlist og á sviðinu ásamt hon-
um eru þau Volker, Mira Wang sem er frábær
fiðluleikari og píanóleikarinn Vanessa Perez.
Murray les dásamlega bandaríska bókmennta-
texta og tekur mögulega lagið.“
Ólík öllu sem sést hefur hér
Íslenska óperan setur upp fyrstu óperu
Daníels Bjarnasonar, Bræður, í samstarfi við
Sinfóníuhljómsveit Íslands og Den Jyske
Opera sem frumflutti verkið í Danmörku við
einróma lof gagnrýnenda en óperan er byggð á
kvikmyndinni Brothers eftir Susanne Bier.
Ein sýning fer nú í sölu, 9. júlí, og mögulega
verður önnur sýning.
Loks nefndi Vigdís umfangsmesta verkefni
Listahátíðar að þessu sinni, sýningu Roberts
Wilson, eins kunnasta og dáðasta leikstjóra
samtímans, á Eddu í uppsetningu Det Norske
Teatret og lofaði að hún væri ólík öllu öðru
sem sést hefur á íslensku leiksviði. Tónlistar-
stjóri sýningarinar er Valgeir Sigurðsson en
tónlistin eftir Arvo Pärt og Coco Rosie.
„Í verkinu eru norrænu guðirnir okkar í að-
alhlutverki en sýningin er mikið sjónarspil og
skarar öll mörk, líka hönnun og myndlist. Oft
hefur verið reynt að fá sýningar eftir Wilson til
landisns en það hefur ekki tekist til þessa, þær
eru svo umfangsmiklar,“ sagði Vigdís. 50
manns koma til landsins að setja sýninguna
upp á sviði Borgarleikhússins og verða sýn-
ingar 16. og 17. júní. Edda Wilson var sýnd á
listahátíðinni í Árósum í liðinni viku og fékk
frábæra dóma gagnrýnenda. efi@mbl.is
Edda, Murray, Mahler, Brothers…
 Viðamestu verkefni Listahátíðar í Reykjavík næsta sumar voru kynnt í gær  Sýning stjörnuleik-
stjórans Roberts Wilson á Eddu verður sett upp í Borgarleikhúsinu  Skemmtikvöld Bills Murray
Morgunblaðið/Eggert
Stjórnandinn Vigdís Jakobsdóttir, listrænn stjórnandi Listahátíðar, kynnti viðamestu atriðin á
hátíðinni næsta sumar og um leið þema hennar, „Heima“, en það er nálgast á margskonar hátt.
Morgunblaðið/Halldór Kolbeins
Leikarinn Bill Murray kemur
fram ásamt tónlistarfólki.
Morgunblaðið/Styrmir Kári
Tónskáld Ópera Daníels
Bjarnasonar verður sýnd.
Ljósmynd/Lesley Leslie-Spinks
Edda Viðamesta verkefnið er
sýning eftir Robert Wilson.