Morgunblaðið - 14.12.2017, Qupperneq 46

46 FRÉTTIRInnlent
MORGUNBLAÐIÐ FIMMTUDAGUR 14. DESEMBER 2017
ÚR BÆJARLÍFINU
Skapti Hallgrímsson
Eyjafjörður
Gert er ráð fyrir batnandi afkomu
í rekstri Akureyrarbæjar næstu
þrjú ár, skv. fjárhagsáætlun bæj-
arins, fyrir árin 2018 til 2021, sem
samþykkt var í bæjarstjórn í gær-
kvöldi. Á næsta ári eiga rúmar 2,2
milljarðar að vera afgangs fyrir fjár-
magnsliði og að rekstrarniðurstaðan
verði jákvæð um 877 milljónir króna.
  
Tekjur samstæðunnar eru áætl-
aðar rúmir 24,6 milljarðar árið 2018
en gjöld tæplega 22,5 milljarðar.
  
Nokkuð er um gjaldskrárbreyt-
ingar; ýmislegt hækkar, stakur
sundmiði fyrir fullorðna t.d. um 50
kr. og kostar 950 kr. frá áramótum.
Stakur miði fyrir barn hækkar um
sömu upphæð og kostar 250 kr. eftir
breytinguna.
  
Þær breytingar verða á gjaldskrá
fyrir vistun í leik- og grunnskólum
að afsláttur foreldra fyrir annað
barn í vistun verður 50% af fullu
gjaldi en afslátturinn var áður 30%.
Gjaldið sjálft, fyrir að hafa barn á
leikskóla, hækkar um 2,5% – til þess
að hlutfall þess sem foreldrar greiða
haldist óbreytt, 18%. Fullt fæði á
leikskólum hækkar um 210 kr. á
mánuði.
  
Hækkun sem ætti að gleðja fólk
er hins vegar sú að frístundastyrkur
vegna barna hækkar um 50% á milli
ára, fer úr 20 þúsund krónum á ári í
30 þúsund.
  
Fasteignaskattur lækkar á
milli ára. Álagningarprósenta er
lækkuð um 8 af hundraði; úr 0,38% í
0,35% auk þess sem afsláttur til elli-
og örorkulífeyrisþega eykst.
  
Miklar breytingar eiga sér nú
stað á Listasafninu á Akureyri og er
það stærsta, einstaka framkvæmd
A-hluta bæjarsjóðs. Verkinu á að
ljúka næsta sumar og stefnt er að
því að safnið verði opnað á ný 17.
júní með nokkrum sýningum.
  
Stærstu framkvæmdir sveitar-
félagsins eru hins vegar á vegum
fyrirtækja og stofnana bæjarins, í
svokölluðum B-hluta bæjarjóðs. Til
dæmis verður um 2 milljörðum
króna varið í framkvæmdir við
heita- og kaldavatnskerfi, og fráveit-
umál, á vegum Norðurorku. Rúmum
300 milljónum verður varið í kaup á
hafnsögubát og bryggjufram-
kvæmdir á vegum Hafnasamlags
Norðurlands.
  
Formaður bæjarráðs, framsókn-
armaðurinn Guðmundur Baldvin
Guðmundsson, segir stöðu bæjar-
sjóðs fara mjög batnandi. „Rekst-
urinn er á réttri leið. Við sáum fram
á erfiðan rekstur A-hluta bæjarsjóðs
árið 2015, þá stofnuðum við aðgerða-
hóp sem tók til hendinni og það skil-
aði sér bæði til okkar bæjarfulltrú-
anna og inn í kerfið í heild. Síðan
hefur orðið verulegur viðsnún-
ingur.“
  
Guðmundur segir bæinn njóta
góðs af þeim hagvexti sem sé í land-
inu. „Umsvif í samfélaginu hafa auk-
ist og það hefur áhrif á tekjurnar.
Við látum bæjarbúa njóta þess af-
komubata sem orðið hefur en verð-
um þó að taka stutt skref því stutt er
á milli hláturs og gráts í rekstrinum.
Hann hefur verið í járnum en nú
sjáum við fram á betri tíð.“
  
Fulltrúar Sjálfstæðisflokks í
bæjarstjórn sátu hjá við afgreiðslu
fjárhagsáætlunar árin 2018-2021.
„Helstu ástæður voru þær að þótt
samráð og samstarf milli minni- og
meirihluta hafi batnað mikið síðustu
tvö ár má gera mun betur, sér-
staklega á frumstigum vinnunnar og
í lokin þegar ákvarðanir eru teknar
um útgjöld sem við höfum ekki verið
með í ráðum um,“ segir Gunnar
Gíslason, oddviti sjálfstæðismanna
við Morgunblaðið.
  
Gunnar Gíslason segir gjald-
skrárhækkanir almennt hóflegar
„en við vildum ekki hækka gjaldskrá
frístundar í grunnskólunum og
sundkort fyrir 6-17 ára börn. Við
vorum einnig ósátt við að þriggja ára
áætlunin 2019-2021 skyldi ekki vera
borin undir fagráðin áður en hún var
samþykkt.“
  
„Hagur bæjarsjóðs er að batna
og samkvæmt áætluninni verður A-
hlutinn og samstæðan rekin með
ágætum afgangi. Þess vegna er ver-
ið að auka talsvert í reksturinn en
þarf að gæta hófs og ígrunda betur
tilgang og markmið. Almennt erum
við nokkuð sátt við framkvæmda-
áætlunina og hún er nú raunhæfari
en undangengin ár hvað kostnað
varðar eins og komið hefur fram ný-
lega í fréttum af kostnaði við fram-
kvæmdir í Sundlauginni og Lista-
safninu,“ segir Gunnar Gíslason.
  
Fram kom í máli Guðmundar
Baldvins á fundi bæjarstjórnar í vik-
unni, þar sem fjárhagsáætlunin var
til umræðu, að í upphafi næsta árs
fari af stað vinna við drög að fjár-
hagsáætlunum fyrir næstu tíu ár.
„Við teljum að slíkt plagg gæti nýst
vel sem gott handrit fyrir leikendur
á næsta kjörtímabili. Við vonumst til
að það verði snilldarverk!“
  
Í máli Guðmundar Baldvins kom
m.a. fram að útgjöld til félagsþjón-
ustu aukast um 191 milljón króna á
næsta ári, um 5,5%.
  
„Umönnun og þjónusta við fatl-
aða verður aukin sem og heimaþjón-
usta og þá verður aukin þjónusta í
skammtíma- og skólavistun fyrir
fatlaða. Barnavernd verður efld með
því að ráða löglærðan starfsmann til
fjölskyldusviðs, fjölga á félagslegum
íbúðum og veita stofnstyrki vegna
almennra leiguíbúða. Þá verður lögð
áhersla á að fjölga íbúðum fyrir fatl-
að fólk með mikla stuðningsþörf á
næstu árum og hafin bygging þjón-
ustukjarna með sex íbúðum á árinu
2018,“ sagði formaður bæjarráðs á
fundi bæjarstjórnar.
  
Útgjöld til fræðslu- og uppeldis-
mála aukast um 218 milljónir eða um
3,2% að sögn formanns bæjarráðs.
Nefna má að 20 milljónir króna
verða veittar á ári, næstu þrjú ár, til
„nútímavæðingar í grunnskólum“,
sem formaður bæjarráðs segir að
skólayfirvöld muni ákveða hvernig
verði varið, en reikna má með að féð
fari í einhvers konar tæknivæðingu.
Unnið verður að viðbyggingu Hlíð-
arskóla, frágangi lóðar við Nausta-
skóla og hönnun á leikskóla við Gler-
árskóla.
  
Útgjöld til æskulýðs- og íþrótta-
mála aukast um 55 milljónir á milli
ára eða um 2,8%. Þar ber hæst
hækkun frístundastyrks sem áður
var nefnd. Þá verður hafin uppbygg-
ing á athafnasvæði siglingaklúbbs-
ins Nökkva og lokið við frágang við
heita potta og lóð við Sundlaug Ak-
ureyrar. Einnig verður ráðist í end-
urnýjun á gúmmíkurli á sparkvöll-
um við grunnskóla bæjarins.
  
Útgjöld til menningarmála
aukast um 50 milljónir króna á milli
ára eða um 6,8%. Framlög til Menn-
ingarfélags Akureyrar verða aukin í
tengslum við endurnýjun á menn-
ingarsamningi við ríkið og lögð verð-
ur áhersla á að ljúka uppbyggingu
við Listasafnið.
  
Á sviði umferðar- og samgöngu-
mála aukast útgjöld um 85 milljónir
króna eða um 11%. Þar er höf-
uðáhersla lögð á aukið viðhald gatna
og stíga, aukið fjármagn til götulýs-
ingar, metanvæðingar strætisvagna
bæjarins og að farið verði í úttekt og
hönnunarvinnu vegna fyrirhugaðrar
samgöngumiðstöðvar, að sögn Guð-
mundar Baldvins.
  
Útgjöld til umhverfismála aukast
um 61 milljón á milli ára eða um
27%. „Framlag til fegrunar og hirð-
ingar opinna svæða verður aukið og
samstarf við Vistorku á sviði um-
hverfismála eflt. Þá verður nýja brú-
in á göngustígnum austan Drottn-
ingarbrautar kláruð.“
  
Átta stéttarfélög í Eyjafirði af-
hentu í vikunni Mæðrastyrksnefnd
Akureyrar, Hjálparstarfi kirkj-
unnar, Hjálpræðishernum og Rauða
krossinum tvær og hálfa milljóna
króna í styrk.
  
Styrkurinn verður notaður í
samstarfsverkefni þessara fjögurra
samtaka sem var sett á laggirnar til
að einfalda það að sækja um aðstoð
fyrir jólin. Nú þarf einungis að
sækja um á einum stað. Rétt er að
vekja athygli á því að þessir aðilar
aðstoða fólk um allan Eyjafjörð, frá
Fjallabyggð að Grenivík.
  
Sunnudagskaffi með skapandi
fólki verður hjá Aðalheiði S. Ey-
steinsdóttur í Alþýðuhúsinu á Siglu-
firði á sunnudaginn og hefst kl.
14.30. Rithöfundarnir Ármann
Jakobsson og Halldór Friðrik Þor-
steinsson lesa upp úr nýútkomnum
bókum sínum; Ármann úr skáldsög-
unni, Brotamynd og Halldór Friðrik
úr ferðasögunni, Rétt undir sólinni.
Þá verða umræður um skáldskap,
ferðalög og fleira sem Kristján B.
Jónasson útgefandi stýrir.
  
Annar fundur Akureyrarbæjar í
röð slíkra um tillögu að nýju að-
alskipulagi bæjarins, fyrir árin 2018-
2030, verður í Ketilhúsinu í dag kl.
17 til 18.30. Að þessu sinni verður
fjallað um útivistarsvæði, græna
trefilinn svonefnda, Glerárdal, Hlíð-
arfjall og grafreiti í Naustaborgum
svo eitthvað sé nefnt.
  
Þrír harðir árekstrar urðu með
stuttu millibili á Akureyri í fyrra-
kvöld, þegar mikil hálka myndaðist á
götum bæjarins eftir að snögghlýn-
aði. Enginn slasaðist í þessum
óhöppum en flestir bílarnir
skemmdust mikið.
  
Lið Magna frá Grenivík leikur í
næstefstu deild Íslandsmóts karla
næsta sumar, í fyrsta skipti síðan
1979. Grenvíkingar, sem urðu í öðru
sæti þriðju efstu deildar í haust, eru
farnir að safna liði og athygli vakti í
vikunni að þeir sömdu við þrjá
þekkta leikmenn frá Akureyri – alla
á besta aldri; varnarmaðurinn Davíð
Rúnar Bjarnason, lengi vel fyrirliði
KA, og tveir Þórsarar, miðjumað-
urinn Sigurður Marinó Kristjánsson
og framherjinn Gunnar Örvar Stef-
ánsson verða allir með Magna næsta
sumar.
  
Þjálfari Magna er Páll Gíslason,
fyrrverandi þjálfari Þórs sem m.a.
mætir sínu gömlu félögum á Íslands-
mótinu næsta sumar.
Hagur Akureyrarbæjar vænkast
Morgunblaðið/Skapti Hallgrímsson
Listileg steypa Breytingar á Listasafninu eru stærsta framkvæmd á vegum A-hluta bæjarsjóðs á árinu. Nú er verið að tengja gamla safnhúsið og Ketilhúsið.
Loftkæling
Funahöfða 7, 110 Reykjavík, s. 577 6666
og varmadælur