Morgunblaðið - 14.12.2017, Qupperneq 66

66
MORGUNBLAÐIÐ FIMMTUDAGUR 14. DESEMBER 2017
Skúli Halldórsson
sh@mbl.is
Landssamband smábátaeigenda hef-
ur sent atvinnuvega- og nýsköp-
unarráðuneytinu bréf með at-
hugasemdum við tillögu starfshóps
ráðuneytisins, sem er á þá leið að allar
núgildandi stærðar- og vélarafls-
takmarkanir skipa við veiðar verði
felldar úr gildi.
Í bréfinu segir að þessi niðurstaða
hópsins sé sambandinu mikil von-
brigði. Telur sambandið tillöguna
vega að framtíð smábátaútgerðar á
landinu og veiðirétti þeirra.
„Hópurinn hefur með tillögu sinni
ákveðið að skeyta engu um þær regl-
ur sem í gildi eru og verið einn af
hornsteinum að útgerð smábáta. Að
skýrar reglur gildi um veiðar á grunn-
slóð, hvers konar skip geti sótt á hefð-
bundin veiðisvæði smábáta. Sátt hef-
ur ríkt um lög um veiðar í
fiskveiðilandhelgi Íslands þar sem
haft er til hliðsjónar að stærð báta
takmarki sókn þeirra á veiðislóðir
fjær landi.“
„Verið að skjóta okkur niður“
Axel Helgason, formaður LS, segir
tillöguna ekki í samræmi við markmið
núgildandi laga.
„Það helsta sem við hnjótum um er
að starfshópurinn leggur til að allar
núgildandi stærðar- og vélartakmark-
anir verði felldar úr gildi. Í því felst
ekkert annað en meiri háttar breyting
á okkar umhverfi, og er í raun á skjön
við markmið fyrstu greinar laga um
stjórn fiskveiða,“ segir Axel í samtali
við 200 mílur. Samkvæmt umræddri
grein er markmið laganna að verndun
og hagkvæmri nýtingu nytjastofna
„og tryggja með því trausta atvinnu
og byggð í landinu.“
„Það að halda þessu útgerðarformi
við lýði er í hag byggðanna. Að þetta
sé ekki allt á hendi stærstu aðilanna,“
bætir hann við.
„Og síðan segir Fiskistofa að það
að heimila stærri bátum að koma að
veiðum muni „að mati Fiskistofu leiða
af sér bætta umgengni um auðlindina
og bætta aflameðferð.“ Það eru engin
rök fyrir þessu og það er bara verið
að skjóta okkur niður.“
Atvinna nokkurra þúsunda
Aðspurður segir hann Lands-
sambandið munu kalla eftir svörum
frá Fiskistofu vegna þessa.
„Við munum krefjast þess að fá að
vita til hvers þeir eru að vísa þarna.
Hvernig umgengni um auðlindina er
sjáum við á stóru skipunum?
Hvaða samhengi er þar við stærð
skipsins og fjarlægð frá landi? Þetta
er náttúrlega sorglegt.“
Þá bendir hann á að Hafrann-
sóknastofnun nefni að á nokkrum
stöðum sé ljóst að engin fiskifræðileg
rök séu fyrir stærðartakmörkunum.
„Það má vel vera en fiskveiði-
stjórnunarkerfið snýst ekki bara um
fiskifræðileg rök. Þetta er atvinna
nokkurra þúsunda manna og verið er
að viðhalda henni til að stuðla að
byggð úti um landið.“
Þá segir hann takmarkanirnar
ekki heldur vera aðeins til að vernda
ungviði fiska og sjávarbotninn.
„Þetta snýst um að það farsvið sem
smábátar hafa sé að hluta til verndað
fyrir þessum stórvirku veiðarfærum.
Dragnótabátar geta núna komið inn í
botninn á Skagafirði og hreinsað upp
fiskinn á einni og hálfri viku. Eftir
það er engin línuveiði í Skagafirði, all-
an veturinn. Í staðinn fyrir að heima-
menn gætu veitt þar jafnt og þétt á
sama tíma með valkvæðara veið-
arfæri sem hróflar ekki við botn-
inum.“
„Þetta er náttúrlega sorglegt“
Morgunblaðið/Ófeigur
Formaður „Þetta er atvinna nokkurra þúsunda manna og verið er að viðhalda henni til að stuðla að byggð úti um landið,“ segir Axel um smábátaútgerðina.
Tillaga starfshóps um
niðurfellingu stærðar-
og vélaraflstakmarkana
skipa við veiðar hefur
vakið hörð viðbrögð.
Landssamband smá-
bátaeigenda segir að
vegið sé að framtíð
smábátaútgerðar.
Sjávarútvegsráðherra setti á fót
haustið 2015 starfshóp um heild-
arskoðun á regluverki er varðar
notkun veiðarfæra, veiðisvæði og
verndunarsvæði á Íslandsmiðum.
Í bréfinu til ráðuneytisins upp-
lýsir sambandið að það íhugi að
óska eftir því við Kristján Þór
Júlíusson, sjávarútvegs- og land-
búnaðarráðherra, að hann leggi
starfshópinn niður.
Segir þar að það sé álit sam-
bandsins á hópurinn hafi sýnt af
sér ábyrgðarleysi við verkefnið.
„Þröng órökstudd sjónarmið
hafa orðið ofan á í hópnum og
framkallað tillögur sem eiga fátt
skylt við markmið laga um stjórn
fiskveiða, að stuðla að verndun
og hagkvæmri nýtingu nytja-
stofna og tryggja með því trausta
atvinnu og byggð í landinu.“
„Þröng, órökstudd sjónarmið“