Morgunblaðið - 14.12.2017, Side 68

Marta María
mm@mbl.is
„Okkur hefur lengi dreymt um
að smíða meira úr gulli og nota
meira af demöntum og okkur
fannst afmælið tilvalið tilefni til að
láta þann draum rætast.
Við völdum uppáhaldshálsmenin
okkar og -hringa og höfum und-
anfarnar vikur verið á fullu að
smíða viðhafnarútgáfur af þeim.
Við völdum að nota hvorki meira
né minna en 18 karata gull.
Venjulega nota íslenskir gull-
smiðir 14 karöt en við hugsuðum
að nú væri tækifærið til að fara
alla leið. Svo hrúgum við demönt-
um í gripina, það er ekkert til
sparað,“ segir Helga Guðrún, sem
er í óðaönn að skipuleggja sýningu
á gripunum sem verður í dag milli
17 og 20 í verslun þeirra við
Skólavörðustíg 17a.
Þegar þau Orri og Helga Guð-
rún, sem eru hjón, eru spurð hvað
drífi þau áfram í sköpuninni segja
þau að það sé gleðin við að vinna
við það sem þeim þyki gaman.
„Það eru einfaldlega svo mikil
forréttindi að hafa náð að skapa
sér þann farveg að geta unnið við
það sem maður hefur gaman af.
Það er drífandi að vera starfs-
maður hjá sjálfum sér og aldrei
skemmtilegra en þegar maður er
að skapa nýtt og vinna úr hug-
myndum. Að hanna og vinna með
höndunum er á einhvern hátt heil-
andi; það fylgir því jákvæð orka
að fara í gegnum ferlið að vinna
úr hugmynd yfir í fullgerðan
grip.“
Orri flutti ungur til New York
og gerði þar samning við fyrirtæki
sem sá um demantaísetningar fyr-
ir stærstu úra- og skartgripa-
merkin þar í landi.
„Samningurinn var að hann
myndi byrja sinn feril hjá þeim
sem demantahlaupari, sem þýðir
að flytja demanta og afhenda
vörur alsettar demöntum. Þetta
var vægast sagt áhættusamt starf
sem fylgdi mikil ábyrgð og bók-
staflega hræðsla um líf sitt þar
sem ofbeldisfull rán voru framin
til að ná góssinu af hlaupurum.
Orri slapp sem betur fer vel frá
starfinu og eftir tvö ár fékk hann
að byrja að nema ísetningu dem-
anta. Hann vann við demantaís-
etningu í átta ár, setti demanta í
Tiffanys-skart og Rolex-úr svo
eitthvað sé nefnt,“ segir Helga.
Finnið þið fyrir auknum áhuga
á dýrari skartgripum?
„Við finnum vissulega fyrir
áhuga á gulli og demöntum al-
mennt, við erum ekkert svo viss
um að það sé meira eða minna
núna en áður. Málið er að gull er
klassískt, það er alltaf fallegt og
endist að eilífu. Það sama gildir
um demanta; gripir úr svona efn-
um sem gerðir eru í höndunum
eru sérstakir og hafa mikið gildi
sem gerir það að verkum að fólk á
þá alla ævi og lætur þá ganga í
erfðir, sem er mjög fallegt og
rómantískt.“
Vinna með demanta
og 18 karata gull
Skartgripafyrirtækið Orrifinn skartgripir fagnar fimm ára afmæli í ár og af því til-
efni hafa þau Helga Guðrún Friðriksdóttir og Orri Finnbogason hannað sérstaka
viðhafnarlínu sem er úr 18 karata gulli og hlaðin demöntum. Þar er Orri á heima-
velli en hann vann við demantaísetningar fyrir Rolex og Tiffany & Co. í New York.
Morgunblaðið/Eggert
Glóandi gull Hér er búið að
demantaskreyta lykilinn og
setja menið í 18 karata gull.
Vann í New York Orri Finnbogason
vann við demantaísetningar hjá Tiffany
og Co. í New York.
Samstíga hjón Orri Finn-
bogason og Helga Guðrún
Friðriksdóttir reka fyrirtækið
Orrifinn Skartgripir.
Sjómannslíf Allar sjómannsdætur og
áhugamenn um sjávarútveg ættu að
eiga eitt svona gullakkeri. Akkerið er
líka táknrænt, stundum er nefnilega
betra að hafa akkerið niðri.
Hjarta úr gulli
Perluskreytt festi
með gullhjarta
prýðir nýju línuna.
Heillandi Þetta
hálsmen er
ákaflega fallegt.
MORGUNBLAÐIÐ FIMMTUDAGUR 14. DESEMBER 2017
Spring Copenhagen hnotubrjótur
Verð 9.900 kr.
laugavegi 47 www.kokka.is kokka@kokka.is