Morgunblaðið - 14.12.2017, Side 89

MINNINGAR 89
MORGUNBLAÐIÐ FIMMTUDAGUR 14. DESEMBER 2017
✝ Jón Hjaltasonfæddist í Hól-
um í Hornafirði 27.
maí 1924. Hann lést
í Reykjavík 7. des-
ember 2017.
Foreldrar hans
voru Hjalti Jóns-
son, bóndi og
hreppstjóri, f. 6.8.
1884, d. 21.7. 1971,
og kona hans Anna
Þórunn Vilborg
Þorleifsdóttir, f. 13.11. 1893, d.
7.6. 1971. Systkini Jóns: Sig-
urður, f. 192, d. 2008, Sig-
urborg, f. 1926, d. 2011, Þorleif-
ur, f. 1927, d. 1927, Halldóra, f.
1929, d. 2017, Þorleifur, f.
23.10. 1930, andvana stúlka, f.
1934, og Eiríkur, f. 1935, d.
1943. Uppeldisbróðir var Hjálm-
ar Kristinsson, f. 1945, d. 2013.
Jón kvæntist 31.12. 1954 Guð-
finnu Steinunni Bjarneyju Sig-
urðardóttur, f. 10.4. 1929 í
Rauðseyjum á Breiðafirði. For-
eldrar hennar voru Sigurður
Sveinbjörnsson bóndi í Rauðs-
eyjum og síðar í Efri-Langey, f.
20.12. 1894, d. 28.11. 1975, og
kona hans Þorbjörg Lilja Jó-
hannsdóttir, f. 21.10. 1903, d.
25.8. 1987.
Sonur Jóns er Þorleifur, f.
14.5. 1948. Móðir hans var
Klara Þorleifsdóttir, f. 25.7.
1926, d. 30.1. 2011. Eiginkona
hans er Halldóra Andrésdóttir,
f. 1952. Synir þeirra eru Andr-
és, f. 1985, og Hjalti, f. 1989.
Sambýliskona Andrésar er Ása
Bryndís Gunnarsdóttir, f. 1986.
Garðarsson, f. 1955. 3) Þorberg-
ur Hjalti, f. 20.6. 1959. Synir
hans og Önnu Elínar Bjarka-
dóttur, f. 1958, eru Jón Hjalti, f.
1983, Þór Steinn, f. 1985, og Ás-
geir, f. 1990. Unnusta Ásgeirs
er Virág Percze, f. 1992. Þor-
bergur er kvæntur Helgu
Skúladóttur, f. 1960. Dóttir
hennar er Berglaug Ásmund-
ardóttir, f. 1981 gift Rebeccu M.
Chambers, f. 1985.
Jón ólst upp í Hólum en fór
ellefu ára til náms hjá móð-
urbróður sínum séra Páli á
Skinnastað. Vorið eftir tók hann
próf upp í 2. bekk MA, lauk
stúdentsprófi 1943 og varð
Cand juris frá Háskóla Íslands
1949. Hann varð fulltrúi hjá
bæjarfógetanum í Vest-
mannaeyjum sama haust og
bæjarlögmaður 1950. Öðlaðist
málflutningsréttindi fyrir hér-
aðsdómi 1953 og hæstarétti
1963. Opnaði málflutningsstofu
í Eyjum 1961 og í Reykjavík
fáum árum síðar. Jón tók að sér
ýmis verk utan lögmennsku.
Hann var einn af stofnendum
Húseigendafélagsins í Vest-
mannaeyjum og í forsvari fyrir
það. Gosárið voru þau hjónin
sjálfboðaliðar í Eyjum. Hann
bar hag Eyjamanna fyrir brjósti
og kom að undirbúningi og
samningum um mörg framfara-
og hagsmunamál þeirra. Hann
var lengi prófdómari í íslensku
við Gagnfræðaskólann enda ís-
lenskumaður.
Minningarathöfn verður í
Grensáskirkju í dag, 14. desem-
ber 2017, klukkan 13. Útför
verður frá Bjarnaneskirkju í
Hornafirði laugardaginn 16.
desember, klukkan 14.
Dóttir þeirra er
Klara Björt, f.
2017.
Sonur Stein-
unnar er Ómar
Arnarson, f. 31.8.
1950. Eiginkona
hans var Gróa
Elma Sigurð-
ardóttir, f. 1953.
Þau skildu. Synir
þeirra eru Sig-
urður Almar, f.
1975, og Örn Arnar, f. 1980.
Kona Sigurðar Almars er Erla
Ingvarsdóttir, f. 1981. Börn
þeirra eru Jón Róbert, f. 2007,
og Marikó Mist, f. 2009. Dóttir
Arnar Arnars og Theresu Fri-
dell er Sabina Disa Loella Fri-
dell, f. 2007.
Börn Jóns og Steinunnar eru:
1) Guðbjörg Ósk, f. 26.12.
1952, gift Hermanni Einarssyni,
f. 1942. Dætur þeirra eru Sig-
urborg Pálína, f. 1972, og Stein-
unn Ásta, f. 1975. Sambýlis-
maður Sigurborgar er
Guðmundur Páll Friðbertsson,
f. 1974. Synir þeirra eru Sævar
Snær, f. 2007, og Egill Arnar, f.
2009. Börn Steinunnar Ástu og
Halldórs D. Sigurðssonar, f.
1971, eru Thelma Lind, f. 1996,
og Jón Þór, f. 1999. Steinunn
Ásta er gift Ágústi Inga Jóns-
syni, f. 1973. Þeirra synir eru
Hermann Ingi, f. 2008, og
Hrannar, f. 2009. Ágúst Ingi átti
fyrir börnin Gunnar Rafn, f.
1994, og Sigrúnu Evu, f. 1999.
2) Anna Lilja, f. 16.2. 1954. Eig-
inmaður hennar er Brynjólfur
Afi, ég veit alveg af hverju
langafi er orðinn svona gamall,
sagði ungur dóttursonur minn
við mig fyrir nokkrum misser-
um. Jæja vinur, hvers vegna?
Langafi hlær svo mikið og er
alltaf svo glaður þegar ég hitti
hann. Þetta eru orð að sönnu um
tengdaföður minn og sannar
orðatiltækið „Hláturinn lengir
lífið“. Hláturmildara og lífsglað-
ara fólki hef ég ekki kynnst eins
og systkinunum frá Hólum í
Hornafirði.
Ungur var Jón sendur til
náms og varð hann stúdent að-
eins 19 ára frá MA. Lagði hann
síðan stund á lögfræði og nýút-
skrifaður réð hann sig sem full-
trúa hjá bæjarfógetanum í Vest-
mannaeyjum.
Hann kynntist eftirlifandi
eiginkonu Steinunni Sigurðar-
dóttur fljótlega eftir að hún
flutti til Eyja sem kennari. Hófu
þau búskap í Bæ, einnar hæðar
steinhúsi við Heimagötu 22.
Sem dæmi um vinnusemi og
atorku Jóns má nefna að hann
hlóð sjálfur heila hæð og hátt
íbúðarris á þetta hús þeirra.
Jón var farsæll og viður-
kenndur lögmaður og eftir að
hann hlaut réttindi hæstaréttar-
lögmanns flutti hann fjölda mála
fyrir réttinum og það síðasta
þar á áttugasta og öðru aldurs-
ári.
Segja má að ferill Jóns hafi
risið sem hæst 1973 er hann var
helsti talsmaður Eyjamanna í
glímu þeirra við stjórnvöld og
Viðlagasjóð í kjölfar jarðeld-
anna á Heimaey. Til marks um
vinsældir Jóns má nefna að
fjöldi manna sem hann hafði sótt
mál á hendur valdi hann sem
sinn lögmann er þeir þurftu þá
þjónustu.
Þáttaskil urðu í lífi hans og
fjölskyldunnar 1973 þegar þau
hjón stofnuðu annað heimili í
Reykjavík, en hann hélt áfram
að sinna Eyjamönnum. Til
margra ára átti hann bókuð
vikuleg flugsæti til og frá
Eyjum. Í fyrsta flug á þriðju-
dögum til Eyja og fyrsta flug
„suður“ á laugardögum. Nú, ef
ekki gaf til flugs var siglt með
Herjólfi. Steinunn segir hann
hafa eitt árið farið í 51 viku til
Eyja, vikan sem datt út var þeg-
ar hann tók sér sumarfrí.
Jón var mikill fjölskyldumað-
ur og áttu afkomendur og ætt-
ingjar hug hans allan. Höfðingi
heim að sækja, veisluglaður og
veitti vel. Hvert fimmtudags-
kvöld mættum við litla fjöl-
skyldan í Eyjum til hans á
Heimagötuna og hafði hann
ekki slegið í vöfflur, þá var opn-
uð heil dós af blönduðum ávöxt-
um með rjóma.
Áhugamál átti Jón nokkur ut-
an lögfræðinnar, eitt þeirra var
ræktun og bar trjágarður
þeirra hjóna við húsið í Eyjum
þess glöggt vitni. Há tré margra
tegunda og fjölbreytilegir berj-
arunnar. Glaðari mann og stolt-
ari var vart að finna þegar
berjaspretta var góð. Á hverju
hausti tíndi hann í kílóavís rifs,
sólber og stikilsber, sem Stein-
unn sauð til sultu eða í saft. Þá
skemmdi það ekki ánægjuna
þegar fuglarnir, þrestir og
starrar, flykktust í garðinn í
hundraðavís til að belgja sig út
af berjum og til nætursvefns.
Óljósan grun hef ég um að Jón
hafi talað til fuglanna á hverju
kvöldi og óskað þeim góðrar
nætur.
Þegar þróttur þvarr fækkaði
komum hans til Eyja og fer nú
senn Heimagötuhúsið og garð-
urinn í annarra eigu, en við sem
eftir lifum eigum ljúfar minn-
ingar um liðna tíð og þökkum
samfylgd við einstakan mannvin
og velgjörðarmann.
Ljúft er hans að minnast.
Hermann Einarsson.
Elsku afi minn.
Eitt af fyrstu orðum mínum
var „amminæja“, en það orð not-
aði ég yfir það sem gott var. Þú
varst einmitt „amminæja“ því
ég dýrkaði þig og leitaði mikið í
félagsskap þinn, átti það jafnvel
til að hverfa og fannst þá á leið-
inni til þín eða komin á skrifstof-
una þína. Þegar ég ákvað að fara
í menntaskóla í Reykjavík var
ég svo lánsöm að fá að búa hjá
þér og ömmu. Við héldum áfram
að styrkja samband okkar og
fannst okkur öllum eins og ég
væri litla örverpið í fjölskyld-
unni. Ég naut aðstoðar ykkar
beggja við námið og síðan áttum
við sameiginlegt áhugamál,
hestamennsku. Þaðan á ég
margar góðar minningar en ljós-
lifandi eru ferðir okkar á reið-
völlinn, þú á Merru þinni og ég á
Borða mínum, sem við lukum
alltaf á því að við hleyptum og
hlógum og hlógum allan tímann.
Þú varst mikill höfðingi heim
að sækja, alltaf í góðu skapi og
stutt í hláturinn. Ég og synir
mínir eigum einmitt eftir að
sakna þess mikið að hlæja ekki
lengur með þér.
Eitt af því sem þú hjálpaðir
mér með á námsárunum var lat-
ína og ætla ég að rifja upp beyg-
ingu sagnarinnar að elska.
Amo, amas, amat, amamus,
amatis, amant.
Ég er svo þakklát fyrir að
hafa fengið að vera afastelpan
þín, elsku afi minn.
Takk fyrir allar góðu
minningarnar, þín
Sigurborg (SiboPá).
Jón Hjaltason
✝ ÞorleifurBenediktsson
fæddist á Við-
borðseli á Mýrum í
Austur- Skaftafells-
sýslu 19. maí 1922.
Hann lést á Hjúkr-
unarheimilinu
Skjólgarði á
Hornafirði 2.
desember 2017.
Foreldrar hans
voru Benedikt Þór-
arinsson, f. 1889, d. 1986, og
Ljótunn Jónsdóttir,
f. 1884, d. 1986.
Systkini Þorleifs
voru Björg, f. 1918,
d. 2010, Jón, f.
1919, d. 2008, og
Ragna Guðrún, f.
1924, d. 2009.́
Útför Þorleifs
fer fram frá
Hafnarkirkju í dag,
14. desember 2017,
og hefst athöfnin
klukkan 11.
Okkur langar að minnast
frænda og góðs vinar, Þorleifs,
eða Leifs eins og hann var allt-
af kallaður. Það sem upp kem-
ur er þakklæti er við kveðjum
góðan vin.
Leifur bjó með foreldrum
sínum og systkinum í Sætúni
hérna á Höfn. Sætún var annað
heimili okkar systkinanna og
alltaf var vel tekið á móti okkur
þar sem Benedikt afi spilaði
eða tefldi við okkur og fór oft í
langa göngutúra. Leifur starf-
aði lengst af við smíðar, rak
trésmíðaverkstæði og byggði
mörg hús hér á Höfn. Samhlíða
smíðunum rak hann vörubíl í
mörg ár. Honum féll sjaldan
verk úr hendi, verklaginn og
duglegur. Við Laufey byrjuðum
okkar búskap á neðri hæðinni í
Sætúni 1977. Árið 1979 byrj-
uðum við að byggja húsið okkar
á Austurbrautinni, þar var
frændi yfirsmiður, og eftir að
við fluttum inn og eitthvað átti
að gera, þá birtist Leifur óbeð-
inn í smíðavestinu, tilbúinn að
hjálpa okkur. Leifur var tíður
gestur á heimili okkar og
fylgdist vel með uppvexti
dætra okkar og barnabarna, og
var þeim góður. Gaman er að
minnast þess að Stefanía var
ekki nema tæplega ársgömul
þegar hún var farin að skríða
upp á aðra hæðina til þeirra
systkina, þeim til mikillar
ánægju. Var það venja mín að
fara í Sætún sunnudagsmorgna
með stelpurnar okkar, var þar
kakó og lummur á borðum.
Mikið var hann búinn að
strjúka henni Skvísu okkar,
sem hændist vel að honum.
Við fjölskyldan minnumst
Leifs með hlýju og væntum-
þykju.
Hvíl í friði, elsku frændi og
vinur.
Sigurjón og Laufey.
Elsku frændi.
Það fyrsta sem mér dettur í
hug er hvað þú varst mér og
öllum í kringum í þig alltaf
góður. Þú hafðir alltaf svo mik-
inn áhuga á að heyra hvað
maður væri að gera. Minningin
byrjar í Sætúni, en þangað fór-
um við pabbi flestar helgar í
heimsókn, enda var alltaf svo
gaman og gott að koma til
ykkar. Þar spiluðum við oft
saman, þú kenndir mér að
tefla og var Björg alltaf búin
að gera heitt kakó og pönnu-
kökur. Ekki má gleyma þeim
ófáu sveitarúntum sem þú
tókst okkur Elvu systir á Mýr-
arnar og upp í Lón og sagðir
okkur sögur frá því hvernig líf-
ið var þegar þið bjugguð á
Mýrunum. Á haustin fylgdu
líka oftast berjatínur, stór fata
og nesti með. Eftir að ég fékk
bílpróf snerist þetta við, þá tók
ég þig á sveitarúnta og þú vild-
ir alltaf við færum á Litla
Rauð. Í seinni tíð einkenndust
heimsóknirnar af spila-
mennsku, göngutúrum, rúnt-
um, dýralífsfræðslu í boði Dav-
id Attenborough og almennri
tæknikennslu. Þegar jólin
nálgast er erfitt að hugsa til
þess að þú verður ekki með
okkur á jólunum. En margs er
að minnast og ég get ekki ver-
ið annað en þakklát fyrir þær
minningar sem við eigum. Þú
átt sérstakan stað í hjarta
mínu, elsku frændi. Ég veit að
Björg, Nonni og Ragna taka
vel á móti þér og þú fylgist vel
með okkur fjölskyldunni.
Þín frænka,
Bryndís Rós.
Þorleifur
Benediktsson
Elskuleg móðir okkar, tengdamóðir, amma
og langamma,
HALLDÓRA M. SÆMUNDSDÓTTIR,
áður til heimilis að Hjallabraut 33,
Hafnarfiði,
lést á Sólvangi laugardaginn 2. desember.
Útför hennar fer fram frá Hafnarfjarðarkirkju föstudaginn
15. desember klukkan 13.
Pálmey Ottósdóttir Jón Pálsson
Fanney Ottósdóttir
barnabörn og langömmubörn
Ástkær eiginmaður minn, faðir okkar,
tengdafaðir og afi,
ÞORSTEINN RAGNARSSON,
Fornasandi 6,
Hellu,
lést á Heilbrigðisstofnun Suðurlands,
Selfossi, mánudaginn 4. desember.
Útför fer fram frá Oddakirkju laugardaginn 16. desember
klukkan 14.
Ástvinir afþakka blóm og kransa en þeim sem vilja minnast
hans er bent á Oddakirkju.
Sigríður Hannesdóttir
Halldóra Þorsteinsdóttir Gils Jóhannssson
Viðar Már Þorsteinsson Sigdís Hrund Oddsdóttir
og barnabörn
Ástkær móðir okkar, tengdamóðir, amma
og langamma,
NANNA LÁRA PEDERSEN,
hjúkrunarheimilinu Eiri,
lést á hjúkrunarheimilinu Eiri 5. desember.
Útförin fer fram frá Grafarvogskirkju
mánudaginn 18. desember klukkan 13.
Reynir Olgeirsson Karlína Friðgeirsdóttir
Níels Sigurður Olgeirsson Ragnheiður Valdimarsdóttir
Sigrún Olgeirsdóttir Ásgeir Árnason
Bryndís Olgeirsdóttir Þorvaldur Hermannsson
Salvör Lára Olgeirsdóttir Þorsteinn Hilmarsson
barnabörn, barnabarnabörn
Ástkær móðir okkar, tengdamóðir, amma
og langamma,
GUÐRÚN MAGNÚSDÓTTIR,
Mörkinni, áður Álfheimum 32,
lést á líknardeild Landspítalans, Kópavogi,
laugardaginn 2. desember 2017.
Útförin hefur farið fram í kyrrþey að ósk hinnar látnu.
Halla Guðmundsdóttir Svanur H. Guðmundsson
Magnús Guðmundsson Snjólaug Sigurbjörnsdóttir
Elísabet Ruth Guðmundsd. Gunnar Andersen
barnabörn og barnabarnabörn
Ástkær eiginkona mín, móðir okkar,
tengdamóðir og amma,
GUÐRÚN BJÖRNSDÓTTIR,
Giljalandi 15
Reykjavík,
verður jarðsungin frá Bústaðakirkju
föstudaginn 29. desember klukkan 13.
Árni Gunnarsson
Sigríður Árnadóttir
Auður Þóra Árnadóttir Höskuldur Björnsson
og barnabörn
Morgunblaðið birtir minningargreinar endurgjaldslaust alla út-
gáfudaga.
Skilafrestur | Ef óskað er eftir birtingu á útfarardegi verður greinin að
hafa borist eigi síðar en á hádegi tveimur virkum dögum fyrr (á föstu-
degi ef útför er á mánudegi eða þriðjudegi).
Þar sem pláss er takmarkað getur birting dregist, enda þótt grein berist
áður en skilafrestur rennur út.
Lengd | Minningargreinar sem birtast í Morgunblaðinu séu ekki lengri
en 3.000 slög. Ekki er unnt að senda lengri grein. Lengri greinar eru ein-
göngu birtar á vefnum. Hægt er að senda örstutta kveðju, HINSTU
KVEÐJU, 5-15 línur. Ekki er unnt að tengja viðhengi við síðuna.
Minningargreinar