Morgunblaðið - 14.12.2017, Blaðsíða 124

FIMMTUDAGUR 14. DESEMBER 348. DAGUR ÁRSINS 2017
VEÐUR » 8 www.mbl.is
5 6 9 1 1 0 0
Ritstjórn: ritstjorn@mbl.is
Auglýsingar: augl@mbl.is
Áskrift: askrift@mbl.is | sími 5691100
mbl.is: netfrett@mbl.is
Í LAUSASÖLU 581 KR. ÁSKRIFT 6.307 KR. HELGARÁSKRIFT 3.938 KR. PDF Á MBL.IS 5.594 KR. I-PAD ÁSKRIFT 5.594 KR.
1. Óhugnanleg árás í Garðabæ óupplýst
2. Lokuð inni og hótað
3. Skúli mætti með Grímu
4. „Meirihluti íslenskra kvenna hórur“
»MEST LESIÐ Á mbl.is
 Jólasöngvar Kórs Langholtskirkju
verða haldnir í Langholtskirkju í 40.
sinn um helgina. Kór Langholtskirkju,
Gradualekór Langholtskirkju og
Nobili syngja undir stjórn Magnúsar
Ragnarssonar og Þorvaldar Arnar
Davíðssonar. Einsöngvarar eru Þóra
Einarsdóttir og Kristinn Sigmunds-
son. Fyrstu tónleikarnir verða annað
kvöld kl. 22, en síðan á laugardag kl.
21 og sunnudag kl. 17.
Jólasöngvar í 40. sinn
 Söngkeppni
framhaldsskól-
anna verður end-
urvakin á næsta
ári en keppnin var
ekki haldin í ár, í
fyrsta skipti síðan
árið 1990. Keppn-
in verður haldin á
Akureyri en Sam-
band íslenskra framhaldsskólanema,
SÍF, hefur fengið utanaðkomandi að-
ila til að halda hana. Stefnan er að
vekja keppnina aftur til lífs en síð-
ustu ár hefur áhugi á henni verið lít-
ill. Gert er ráð fyrir að erlendir aðilar
úr tónlistarheiminum verði við-
staddir keppnina, m.a. fulltrúi frá út-
gáfufyrirtæki Simons Cowells. »76
Fulltrúi Simons
Cowells á söngkeppni
 Boðið er upp á jólabókaupplestur í
Bíó Paradís í kvöld kl. 20 og er að-
gangur ókeypis. Þar lesa úr verkum
sínum þau Bergþóra
Snæbjörnsdóttir,
Adolf Smári Unn-
arsson, Hallgrímur
Helgason, Fríða Ís-
berg, Yrsa Þöll, Valur
Gunnarsson og Oddný
Eir Ævarsdóttir.
Jólastemning hjá Bíó
Paradís í kvöld
Á föstudag Hæg norðlæg eða breytileg átt og bjartviðri, en skýjað
með köflum og él við norður- og austurströndina. Frost 5 til 15 stig,
kaldast inn til landsins.
SPÁ KL. 12.00 Í DAG Norðlæg átt, víða 4-10 m/s, og éljagangur
með norðurströndinni og austanlands en yfirleitt bjartviðri sunn-
an- og vestanlands. Hiti um og undir frostmarki.
VEÐUR
„Ég er greinilega búin að
stimpla mig inn með þeim
bestu,“ sagði Hrafnhildur
Lúthersdóttir, Íslands-
methafi í sundi, eftir að hún
hafnaði í fimmta sæti í 50
m bringusundi á Evr-
ópumeistaramótinu í
sundi í 25 m laug í
Kaupmannahöfn í gær.
Hrafnhildur tvíbætti Ís-
landsmet sitt í keppninni,
um nærri 40 hundraðshluta
út sekúndu. »1
Fimmta sæti á EM
og tvíbætti metið
Staða Hauka í dag minnir mjög mikið
á stöðu liðsins fyrir 30 árum, þegar
Íslandsmeistarabikarinn í körfu-
knattleik karla
fór í fyrsta og
eina sinn hing-
að til í Hafn-
arfjörðinn. Í
dag er
fjallað ítar-
lega um
karlalið
Hauka, en það
er í toppbar-
áttu Dominos-
deildarinnar og
er komið í
undanúrslitin í
bikarkeppninni.
»2-3
Staða Hauka svipuð og
fyrir þrjátíu árum
Þórir Hergeirsson og leikmenn hans í
norska kvennalandsliðinu í hand-
knattleik tóku Rússa í kennslusund í
handknattleik á heimsmeistara-
mótinu í gærkvöldi. Þar með tryggðu
Norðmenn sér sæti í undanúrslitum
en Rússar pakka saman í dag og
halda heim á leið. Noregur mætir
Hollandi í undanúrslitum annað
kvöld. »1
Þórir og norska lands-
liðið á siglingu á HM
ÍÞRÓTTIR
Skannaðu
kóðann með
símanum þínum
og fylgstu með
veðrinu á
Steinþór Guðbjartsson
steinthor@mbl.is
Ólafur William Hand, upplýsinga-
fulltrúi Eimskips og stjórnarmaður
í Golfklúbbi Reykjavíkur, er á leið
til Rotterdam í Hollandi, þar sem
hann mun sinna markaðs- og sam-
skiptamálum fyrir alþjóðasvið fé-
lagsins. „Þetta verður mikil breyt-
ing fyrir mig, ný ögrun og aukin
tækifæri,“ segir hann.
Sagt er um Ólaf að hann virðist
geta allt og gera allt. Hann segir
það orðum aukið. „Ég hef að vísu
komið víða við og sérstaklega tengst
hafinu en er lofthræddur og gafst
upp á flugnáminu eftir nokkra
tíma.“
Prófin gagnast vel
Ólafur er með „pungaprófið“ og
sérstakt próf í siglingum á vötnum
og ám í Evrópu. Hann segist hlakka
til að reyna siglingar á prömmum
eða skútum á síkjum Hollands og
henda sér í Garda-vatnið og önnur
slík á meginlandinu. „Það er svo
stutt til allra átta frá Rotterdam og
ekkert mál að skreppa í helgarferð
til nálægra landa án þess að þurfa
að fljúga,“ bendir hann á.
Þegar Ólafur og Kolbrún Anna
Jónsdóttir flugfreyja nutu brúð-
kaupsferðar sinnar á Jamaíku fyrir
um þremur árum notaði hann tæki-
færið og lærði köfun. Hann segir að
það komi sér nú vel. „Síðan hef ég
kafað í hvert sinn sem við höfum
farið á sólarstrendur og nú verður
styttra að fara í heitari sjó, ég verð
eiginlega á heimavelli.“
Á árum áður vann Ólafur í Hval-
stöðinni í Hvalfirði. „Þegar ég var á
14. ári byrjaði ég sem messi á Hval
9, en þegar hvalbátunum var fækk-
að missti ég plássið og fór á hval-
planið, þar sem ég vann á svoköll-
uðu rengisplani, þar sem rengi var
skorið niður fyrir íslenskan markað.
„Þetta var geggjaður tími.“
Seinna var Ólafur háseti á Pétri
Jónssyni frá Reykjavík en ákvað að
hætta sjómennsku eftir erfiða lífs-
reynslu í snjóflóðinu á Flateyri
1995. Ólafur var einn af stofnendum
og eigendum Apple-búðarinnar með
vinum sínum en fór svo til starfa
fyrir ferðamálaráð í New York í
nokkur ár.
Ólafur þakkar Ólafi Ófeigssyni,
afa sínum og uppalanda, áhugann á
öllu sem tengist hafinu. Ólafur skip-
stjóri, sem var bróðir Tryggva út-
gerðarmanns, tók dóttursynina tvo
oft niður á bryggju og út á sjó og
kenndi þeim réttu handtökin við
veiðina og ekki síst hafði hann gam-
an af því að fara með þá bræður að
veiða í vötnum og ám. „Hann vildi
samt ekki að við legðum sjó-
mennsku fyrir okkur,“ rifjar Ólafur
upp.
Handlagni er Ólafi í blóð borin.
Hann gerði til dæmis hús fjölskyld-
unnar upp að mestu sjálfur, smíðaði
um 150 fermetra pall við það. Ólafur
þykir líka afbragðskokkur og hefur
gaman af því að fá gesti í mat. „Ég
geri meira í höndunum sjálfur en
flestir vinir mínir, en það er kannski
vegna þess að ég er ör og veð í hlut-
ina. Auðvitað rek ég mig oft á en ég
læri af mistökunum og held áfram.
Þetta er spurning um að hafa gam-
an af hlutunum, hvort sem það er að
vera í veiði í ró og friði á Þingvalla-
vatni eða eltast við hreindýr á Aust-
fjörðum, sigla eða elda, kafa í heit-
um sjó eða eltast við golfkúlur.“
Á heimavelli í Hollandi
 Ólafur W. Hand
á vit nýrra ævin-
týra í Rotterdam
Morgunblaðið/RAX
Á Faxaflóa Ólafur William Hand stýrir skútunni Gullfossi, sem er í eigu starfsmannafélags Eimskips, til hafnar.
Í Karíbahafi Ólafur kafar í hlýjum sjó innan um kóralrif og skrautfiska.
FÓLK Í FRÉTTUM