Morgunblaðið - 26.04.2018, Page 56

MORGUNBLAÐIÐ FIMMTUDAGUR 26. APRÍL 2018
Illuminate colour
Illuminate colour línan er byggð á lífrænni Acai olíu og hörfræ olíu.
Þessar nærandi olíur eru notaðar til að byggja upp mýkt
og hjálpar við viðgerð á hárinu.
Næringaríka olían er full af omega 3, omega 6 og
öðrum fjölbreyttum vítamínum. Eins og t.d. B1,B2, B3
og Vítamín C+D. Ávinningur þessara efna bjóða
upp á fullkomna blöndu af auknum gljáa og ljóma.
Modus Hár og Snyrtistofa - Smáralind | harvorur.is
REF Stockholm er 12 ára gamalt
Professional haircare merki
REF Stockholm er 100 % Vegan ,
sulfate, Paraben, glúten
og Cruelity free
Sjá nánar á harvorur.is
 Barnið mitt þverneitar að fara í
leikskólann á morgnana og berst á
hæl og hnakka. Þegar það er kom-
ið í leikskólann virðist það þó una
sér vel, hvernig get ég tæklað
þetta vandamál?
Takk fyrir spurninguna. Þetta
eru algengar aðstæður á heimilum
ungra barna og geta verið ýmsar
ástæður fyrir hegðun af þessu tagi.
Gott er að hafa í huga að þegar
breyta á einhverju í hegðun er
mikilvægt að skoða fleira en bara
hegðunina sjálfa. Þá getur verið
gagnlegt að kortleggja hvað gerist
áður en barnið sýnir erfiðu hegð-
unina og hvað gerist í kjölfarið.
Hegðun gerist nefnilega ekki í
tómarúmi, ýmist er eitthvað sem
kemur henni af stað (til dæmis að
barnið vill halda áfram í leik) eða
eitthvað sem viðheldur henni (til
dæmis að barnið fær auka athygli
og tíma foreldris).
Það getur oft verið
eitthvað sem maður
sér ekki fyrr en farið
er að skoða þetta
kerfisbundið.
Gott er einnig að
huga að því að rútína
sé í föstum skorðum
og að börnum sé gef-
inn góður tími til að
ljúka þeim verk-
efnum sem ætlast er
til af þeim, svo sem
að borða, klæða sig og fara í útiföt-
in. Mörgum foreldrum hefur þótt
gott að setja morgunrútínuna upp í
sjónrænt skipulag (þá má ann-
aðhvort teikna myndir sjálfur, með
barninu eða finna myndir á net-
inu). Flest leikskólabörn þekkja
sjónrænt skipulag vel úr leik-
skólaumhverfinu og þetta getur
dregið úr neikvæðum samskiptum
sem leiðinlegt er að hefja daginn á.
Það getur líka verið gott að kveikja
áhuga barnsins á að fara í leikskól-
ann, minna á að þar séu leikfélagar
og/eða búa til stutta en skemmti-
lega kveðjurútínu þegar foreldri
fer, s.s. að knúsa, „klessann“, snúa
hring, hoppa, kveðja og svo yf-
irgefur foreldrið strax leikskólann.
Einfalt hvatningarkerfi getur líka
verið góð leið til að auka jákvæða
hegðun, til dæmis að barnið fái
stimpil á handarbak eða límmiða
þegar það sýnir jákvæðu hegð-
unina (barnið fer í útifötin án þess
að gráta). Þarna þyrfti að vera
skýrt hvaða hegðun barnið þarf að
sýna til að fá umbunina. Þegar
ákveðið er að taka á hegðun er gott
að hafa í huga að foreldrar þurfa
að vera tilbúnir að fylgja því eftir
og vera samkvæmir sjálfum sér.
Gangi ykkur vel!
 Sonur minn er með afskaplega
lítið sjálfstraust þrátt fyrir að við
foreldrar hans reynum að peppa
hann stöðugt og segja að hann sé
frábær. Litli bróðir hans, sem fær
sama uppeldi, er uppfullur af
sjálfstrausti og ætlar þvílíkt að
sigra heiminn í framtíðinni sem
forseti Bandaríkjanna, frægur
leikari og rokkstjarna. Þó eldri
drengurinn hafi stóra drauma um
framtíðina líka þá er hann ótrúlega
oft í kleinu með sjálfan sig og sína
hæfni til allra hluta. Getum við
eitthvað gert?
Takk fyrir spurninguna. Hún
kemur inn á málefni sem hafa ver-
ið umræðuefni um langa tíð en það
varðar áhrif umhverfis á mann-
eskjuna á móti því hversu mikið
hægt er að skýra manneskjuna út
frá líffræðinni. Það sem er mik-
ilvægt að hafa fyrst í huga er að líf-
fræðilega eru systkini ekki eins þó
þau eigi sömu foreldra. Þetta þýðir
meðal annars að börn fæðast mis-
munandi næm fyrir tilfinningum.
Börn sem alast upp á sama heimili
og við sambærilegar aðstæður
mótast á mismunandi hátt. Eldri
drengurinn ykkar gæti verið næm-
ari og tekið betur eftir því sem
honum finnst hann gera rangt. Það
er með börn eins og okkur sjálf að
tilfinningin um eigið ágæti þarf að
koma frá eigin brjósti og þó að það
sé gott að fá hrós frá foreldrum, er
mikilvægara að kunna að meta eig-
ið ágæti. Það getur skilað sér í
meira sjálfstrausti að fá hrós fyrir
það sem vel er gert í stað þess að
segja stöðugt að þau séu frábær. Í
vissum tilfellum getur stöðugt hrós
hreinlega gert börnin óörugg og þá
jafnvel virkað öfugt. Hegðun lýtur
ákveðnum lögmálum, fái hún at-
hygli eykst hún og slokknar ef eng-
in svörun fæst. Ef til vill væri gott
að taka tímabil þar sem hann fær
sérstaka athygli fyrir að segja frá
því sem gekk vel þann daginn.
Gætuð jafnvel haldið „jákvæðni-
dagbók“. Foreldrar eru líka besta
fyrirmyndin svo þið gætuð mark-
visst sett orð á hvað þið eruð stolt
af einhverju sem þið gerðuð í
vinnunni til dæmis. Hvetjið dreng-
inn ykkar til þess að setja orð á
eigin líðan og bendið honum á þeg-
ar hann er glaður og ánægður með
eigin frammistöðu. Eitt það mik-
ilvægasta sem foreldrar geta gert
er að leyfa tilfinningar og líka þær
sem við flokkum sem neikvæðar,
svo sem kvíða. Ef barn er kvíðið
fyrir einhverju og treystir sér ekki
í það þá er mikilvægt að hlusta á
það og segja að það sé eðlilegt að
treysta sér ekki í allt. Mistök eru
líka nauðsynleg, enginn er góður í
öllu. Landsliðið okkar í fótbolta er
líklega ekki eins gott í að dansa
ballett og gerir það nokkuð til?
Stundum eiga börn sem eru ekki
með mikið sjálfstraust erfitt með
að taka hrósi og eigna sér það.
Draumar um framtíðina eru gríð-
arlega mikilvægir og því eitthvað
sem þarf að hlúa að og hjálpa börn-
um að stefna að.
Spurt og svarað
um málefni
fjölskyldunnar
Spurningum sem berast í Spurt og svarað hjá Fjölskyld-
unni á mbl.is svarar SÓL sálfræði- og læknisþjónusta en
þar starfar hópur fagfólks sem leggur metnað sinn í að
veita börnum, ungmennum og fjölskyldum þeirra góða
þjónustu. Nánari upplýsingar á www.sol.is.
Morgunblaðið/Eggert
Dóra Magnúsdóttir
dora@mbl.is
Það verður vonandi skemmtilegt í
sumar hjá íslenskum börnum á
öllum aldri en þeim börnum sem
búa á höfuðborgarsvæðinu og eru
á „sumarnámskeiðaaldrinum“, oft-
ast frá um það bil sex til fjórtán
ára, býðst gríðarlegur fjöldi nám-
skeiða í öllu mögulegu í sumar. Á
frístundavef Reykjavíkur,
www.fristund.is, bjóða 250 aðilar á
öllu höfuðborgarsvæðinu upp á
alls kyns námskeið; frístunda-
námskeið sveitarfélaga, bolta-
námskeið íþróttafélaga, útilífs-
námskeið skátanna, siglingar,
myndlist, reiðmennsku, forritun,
leiklist, sjálfstyrkingarnámskeið,
klifur og mörg fleiri. Það fer svo
eftir stærð sveitarfélaga hversu
mörg og hvort sumarnámskeið eru
í boði á landsbyggðinni en fjöl-
skyldum utan höfuðborgarsvæð-
isins er bent á vefsíður sveitarfé-
laganna fyrir nánari upplýsingar.
Ekki bara sumarnámskeið
Jóhanna Garðarsdóttir hjá ÍTR
og umsjónarmaður frístundavefs-
ins bendir á að allir sem halda
sumarnámskeið fyrir börn geti
fengið aðgang að vefnum til að
kynna námskeið sér að kostn-
aðarlausu, nú þegar eru yfir 60 fé-
lög með aðgang og vonandi bætast
fleiri við. Hún segir það algengan
misskilning að vefurinn sé ein-
göngu fyrir sumarnámskeið. Svo
er ekki, námskeið eru einnig í boði
fyrir börn á veturna en þau eru að
detta út um þessar mundir og
sumarnámskeiðin flest komin inn.
„Undanfarin ár hefur úrval
námskeiða aukist mjög mikið og
það getur því verið hálfgerður
höfuðverkur að finna réttu nám-
skeiðin fyrir börnin. Bæði er mik-
ið framboð af ólíkum námskeiðum
og oft nokkrir námskeiðshaldarar
með svipuð námskeið,“ segir Jó-
hanna.
Kostnaðurinn við námskeiðin er
eins misjafn og þau eru mörg. Jó-
hanna segist ekki fá gögn af frí-
stundavefnum um hvernig nám-
skeið foreldrar velji fyrir börnin
eða samsetningu þeirra fyrir sum-
arið. Hinsvegar eru námskeiðin á
ólíku verði og í sumar hafi hún í
fyrsta sinn séð námskeið á vegum
Hjálpræðishersins sem verður
ókeypis.
„Önnur breyting sem við sjáum
núna er að fólk er almennt að
skrá börnin sín töluvert fyrr en
áður. Fyrir ekki svo mörgum ár-
um var fólk að skoða þetta í lok
maí eða jafnvel síðar en fólk sýnir
almennt meiri fyrirhyggju nú en
áður,“ segir Jóhanna að lokum.
Almennt má segja að frístunda-
námskeið á vegum sveitarfélag-
anna, ýmiskonar námskeið á veg-
um íþróttafélaganna og
útilífsnámskeið á vegum skátanna
séu í ódýrari kantinum, svo séu
önnur sem eru dýrari og fjölmörg
í einskonar milliflokki hvað verð
varðar. Þannig getur verið skyn-
samlegt, ef fjármunir foreldra
gefa tilefni til, að leyfa barninu að
velja sér eitt draumanámskeið og
velja önnur ódýrari samhliða ef
fjölskyldan hefur þörf fyrir að
hafa barnið á fleiri en einu nám-
skeiði í sumar.
Fjör á frístunda-
námskeiðum í sumar
Morgunblaðið/Ómar
Frístundanámskeið Börnum á höfuðborgarsvæðinu stendur mikið úrval
frístundanámskeiða í sumar til boða, m.a. siglinganámskeið í Nauthólsvík.