Saga - 2007, Side 254

skrifuðust 2006. Þar mættu 25 og voru mjög ánægðir með framtakið. Sumir
voru félagsmenn en aðeins einn eða tveir bættust við. Þessi aðferð var
kostnaðarsöm en bar ekki tilætlaðan árangur og þar af leiðandi er óvíst að
hún verði endurtekin.
Fjárhagsáhyggjur okkar á síðastliðnu ári voru slíkar að stjórnin lét meta
hús félagsins. Stjórnin er þó mjög treg að selja það og hefur því lagt mikið
kapp á að sækja um styrki. Það hefur gengið nokkuð vel. Aðalstyrkinn
fáum við af fjárlögum frá menntamálaráðuneytinu og Menningarsjóður
sýnir félaginu ávallt skilning. Glitnir styrkir útgáfu smáritanna og Baugur
styður myndarlega við útgáfuna á Brevis Commentarius. Næsta hugmynd
okkar er að bjóða banka að gerast styrktaraðili Sögu.
Af öðru má nefna að Sögufélag er stundum beðið um bókagjafir og hafa
tvær verið sendar á liðnu ári, ein til Kína og önnur til Moskvu. Sögufélagi
berast alltaf nokkur handrit á ári til útgáfu. Ef engir peningar fylgja þeim er
nánast ómögulegt að gefa þau út.
Í tengslum við rekstur félagsins má segja að það sem háir Sögufélagi
mest sé tvennt: ótryggur fjárhagsgrundvöllur, sem þegar hefur verið lýst,
og annir þeirra fræðimanna sem vinna útgáfuverkin. Rit tefjast í útgáfu
vegna þess að félagið hefur ekki efni á að vera með fræðimenn í fullri vinnu
við að skrifa, þýða og ganga frá ritverkum.
Samvinna Sagnfræðingafélags Íslands og Sögufélags hefur aukist. Við
höfum staðið saman að bókafundinum vinsæla undanfarin ár og hefur
núverandi formaður félagsins, dr. Hrefna Karlsdóttir, óskað eftir því að
félögin tvö standi fyrir einum kvöldfundi á misseri um eitthvert spennandi
sagnfræðilegt efni og hefur stjórnin að sjálfsögðu fallist á það.
Daglegur rekstur er í höndum Ragnheiðar Þorláksdóttur, starfsmanns
félagsins. Heimir Þorleifsson, fyrrverandi forseti félagsins, sem hefur séð
um bókhald félagsins mörg undanfarin ár, hefur samþykkt að gera það
áfram og kann stjórnin þeim báðum bestu þakkir fyrir ómetanleg störf í
þágu félagsins.
Frá sjónarmiði stjórnar Sögufélags er ánægjulegt að þrátt fyrir þröngan
fjárhag koma þrjú rit út haustið 2007, bæði fræðirit og útgáfa á frum heim -
ildum, sem er höfuðmarkmið félagsins, auk tveggja hefta Sögu. Við munum
ekki slá slöku við heldur halda áfram að gefa út vönduð rit sem stuðla að
dýpri þekkingu á sögu Íslands.
Anna Agnarsdóttir
af aðalfundi sögufélags 2007254
B
Í bókinni
manns og
fróðleg og
Íslending
skipting v
heimildar
ritara (f. 1
Saga haust 2007 nota:Saga haust 2004 - NOTA 11/19/07 4:33 PM Page 254