Breiðfirðingur - 01.04.1989, Page 64

62
BREIÐFIRÐINGUR
annars byggði hann íbúðarhús úr steinsteypu. Neðst var
kjallari, þá ein hæð og rúmgott port. Portið var þó aldrei
innréttað en notað til geymslu. Á hæðinni var forstofa,
gestastofa og fimm önnur herbergi. Útveggir hússins fyrir
ofan kjallara voru tvöfaldir og rúmið milli þeirra stoppað
með mómylsnu. Jón ritaði allmargar greinar sem birtar voru
í blöðum og tímaritum bæði um landsmál og önnur efni.
Jón var ráðinn grenjaskytta í Laxárdalshreppi í mörg ár.
Pótti honum takast mjög vel að vinna greni og var mikils
metinn í því starfi. Hann var einnig oft beðinn að liggja á
grenjum í öðrum hreppum, einkum ef um dýrbít var að ræða
eða menn höfðu áður legið á þeim grenjum án árangurs. Jón
bjó yfir mikilli þekkingu á atferli og háttum refa. Hennar
hafði hann eingöngu aflað sér með eigin athugun og reynslu.
Jón stundaði einnig refaveiðar að vetrinum. Hann byggði
hús í túnfæti lengst frá bænum og mátti hafa þar tvo hesta
sem hlýjuðu húsið ofurlítið upp. Pað var kallað skothús.
Hann bar svo hrossakjötsstykki líklega 3-4 km frá skothús-
inu, dró það á eftir sér til baka en skildi nokkra smábita eftir
í slóðinni heim að skothúsinu. Þar dreifði hann mörgum
kjötbitum á lítið svæði svo að refurinn þyrfti nokkurn tíma
til að tína þá upp ef hann kæmi. Pví næst fór hann að kvöldi
dags til skothússins og lagðist þar fyrir í jötu. Par var ofur-
lítið gat neðst á þakinu og út um það gott sýni yfir skotvöll-
inn. Og kæmi refur þar þurfti ekki að efast um að dagar hans
voru taldir. Margar nætur munu þó hafa liðið svo að enginn
refur kom heim á skotvöllinn.
Jón var einu sinni fenginn til að flytja erindi um refi og
lifnaðarhætti þeirra á búnaðarmálanámskeiði sem haldið var
í Hjarðarholti. Pótti það mjög gott og lærdómsríkt. Ég man
nú fátt úr erindi þessu. Pó minnist ég þess að hann skipti
refum í tvo flokka. Annars vegar flokk sem hann kallaði
„veiðidýr“ og lifðu eingöngu á lifandi dýrum er þau veiddu
sér til matar hverju sinni, hinsvegar flokk er hann kallaði
„hrædýr“ en þau mundu eingöngu Iifa á hræjum dýra og
fugla.