Breiðfirðingur - 01.04.1989, Page 70

68
BREIÐFIRÐINGUR
Kona Jónasar var Halldóra Guðbrandsdóttir frá Porgeirs-
staðahlíð. Þau Jónas og Halldóra eignuðust tvö börn: 1.
Guðrúnu sem réðist sambýliskona Gísla Jóhannssonar í
Pálsseli og síðar á Lambastöðum. Þau eignuðust eina dóttur,
Ásu Guðbjörgu. 2. Jóhannes Bjarna. Hann tók upp rithöf-
undarnafnið Jóhannes úr Kötlum og er kunnur öllum Islend-
ingum fyrir ritstörf sín bæði í bundnu og óbundnu máli.
Jónas hóf búskap á Lambastöðum, Fjósum og Godda-
stöðum. Síðan flutti hann í Ljárskógasel árið 1900 og bjó þar
til 1924. Þá fluttist hann að Sámsstöðum og bjó þar átta ár.
Eftir að Guðrún dóttir þeirra flutti að Pálsseli áttu þau Jónas
og Halldóra heima hjá henni til æviloka. Jónas bjó fremur
litlu en snotru búi og komst allvel af. Hann barði sér aldrei
en var ætíð hress og kátur á hverju sem gekk. Vil ég vísa til
kvæðis Jóhannesar sonar hans Karl faðir minn. Það finnst
mér vera svo nákvæmt og óhlutdrægt sem kostur er og
treysti mér allsekki til að bæta þar nokkru við.
Jónas stundaði ýmsa vinnu eftir að hann hætti búskap
bæði heima og hjá öðrum. Meðal annars var hann í vinnu í
Reykjavík hjá Bretum og Bandaríkjamönnum í síðari
heimsstyrjöldinni. Fram á efri ár var hann í vegavinnu á
sumrum og seinast hliðvörður við sauðfjárveikigirðingu yfir
þjóðveginn í Laxárdalshreppi.