Tímarit Máls og menningar - 01.06.2015, Qupperneq 116

Tr y g v i D a n i e l s e n
116 TMM 2015 · 2
skemmtan. Því næst ætluðu þær að kenna Vonbjarti að tálga. Það furðulega
var að þær tálguðu eld. Með venjulegum hnífum úr ryðfríu stáli mótuðu þær
eldsloga í verur og hluti. Ein vætturin bjó til pinkulítinn pissuling, önnur
þyrlu í raunstærð og hin þriðja mótaði bókstafinn U og töluna 6.
———————————————— ————————————————
U
* 6 *
———————————————— ————————————————
Vonbjartur tálgaði framandi andlit úr eldsloganum en þegar vættirnar sáu
það gerðu þær hróp að honum. Munnarnir duttu niður á gólf og breytt-
ust í risastórar holur sem gáfu frá sér hljóð af þessum heimi. Nú fengu
vættaraugun á sig ókunnugan svip hins tálgaða andlits og tóku í ofboði á
rás í kring um sjálfar sig. Brátt datt ein þeirra á afturendann og brast í grát.
Hinar tvær stóðu sorgmæddar og horfðu á hana í stundarkorn áður en þær
fóru að syngja
Feathers
eftir
Man Man
Vætturin lét huggast, þerraði tárin og hlustaði en gleðibros færðist á vör. Í
draumnum varð pabbi svo hrærður af því að sjá vættirnar sefa hina grátandi
með söng að hann fór sjálfur að gráta.
Hann liggur á gólfinu með Líf í faðmi sér og starir upp í loft. Hann lítur á
stofuklukkuna sem amma hans átti og stendur upp við vegginn í hinum
enda herbergisins. Hún dansar línudans milli nætur og morguns.
Hann kyssir mömmu gætilega á ennið. Hún brosir upp úr svefni. Hann
stendur hægt og hljóðlaust á fætur án þess að vekja hana, fer í það sem
fyrst verður fyrir honum á gólfinu og stefnir í átt að útidyrunum. Hungrið
hefur lagst á hann og hann afræður að rölta niður í nætursjoppuna (100%
þjónusta 24/7) þar skammt frá. Óveðrið er orðið að blankalogni. Göngu-
göturnar eru mannlausar og algjörlega kyrrar. Dagrenning í fjarska sendir
dimmuborginni andvökuskímu sem virðist
bera með sér fyrirheit um bjartari daga.
Hann kann að meta værð hinna venjuspenntu gatna.
Higgs Boson Blues
@ Nick Cave and the Bad Seeds
og lagið ómar innan í honum.
Svo kennir hann þungs höggs í hnakka og hnígur niður.
Ungur maður barði hann með hafnaboltakylfu. Út úr myrkrinu stíga fjórir