Tímarit Máls og menningar - 01.02.2005, Page 8

Linda Vilhjálmsdóttir
Linda Vilhjálmsdóttir hlaut Ljóðstaf Jóns úr Vör fyrir ljóðið „niður“ þann 21.
janúar sl. og er hún fyrsta konan sem hlýtur þessi virðulegu ljóðaverðlaun. Hún
hlaut einnig viðurkenningu fyrir seinna ljóðið hér að framan, „Sónata fyrir for-
ynju og fylgirödd".
Örsögusamkeppni MENOR
og Tímarits Máls og menningar
Menningarsamtök Norðlendinga, MENOR, efna til samkeppni
um örsögur í vetur í samstarfi við Tímarit Máls og menning-
ar. Örsögur eru nefndar örstuttar smásögur, oft með ljóðrænu
ívafi. Þátttaka er heimil fólki á öllum aldri og alls staðar á land-
inu. Skilafrestur er til 1. maí næstkomandi. Þriggja manna dóm-
nefnd velur þá þrjár bestu sögurnar sem hljóta vegleg bókaverð-
laun.
Sögurnar á að senda undir dulnefni til: MENOR / Pósthólf
384 / 602 Akureyri merktar „Örsögukeppni MENOR og Tímarits
Máls og menningar 2005“. í lokuðu umslagi með sögunni skal
fylgja nafn höfundar, heimilisfang og símanúmer. Umslagið skal
merkt með dulnefni höfundar. Aðeins verða opnuð umslög verð-
launahöfunda.
MENOR stóð í fyrsta skipti fyrir keppni á sviði ritaðs máls vet-
urinn 1986-87 þegar félagið og RÚVAK efndu til samkeppni um
ljóð og smásögur. Valin voru fimm ljóð og jafnmargar smásögur
til flutnings í svæðisútvarpinu. 1989 hófst samstarf milli MENOR
og dagblaðsins Dags á Akureyri um Ijóða- og smásagnasam-
keppni, og hefur slík keppni verið árviss viðburður síðan. Úrval
þessara ljóða og sagna var gefið út á bók á 20 ára afmæli
MENOR árið 2002. MENOR hefur líka verið í samstarfi við DV
og tímaritið Heima er best, og samkeppni um ritun einþáttunga
fór fram árin 1998-2000 í samstarfi við Leikfélag Akureyrar. Voru
verðlaunaþættirnir settir á svið á Akureyri árið 2003.
6
TMM 2005 • 1