Tímarit Máls og menningar - 01.02.2005, Síða 101

Bókmenntir
sérlundaðir einstaklingar á borð við
Jóhannes Geir, Einar G. Baldvins-
son, Veturliða Gunnarsson, Hring
Jóhannesson að ógleymdum Svav-
ari Guðnasyni, sem stóð nokkuð á
skjön við Septembermennina þótt
myndlist hans væri sprottin af svip-
uðum rótum og þeirra.
Þá er einnig athyglisvert hvar þá
félaga ber niður í myndlistinni á
árunum 1959-65. Þeir sem voru
málarar að upplagi, segjum Tryggvi,
Eyjólfur, Vilhjálmur og Steinþór,
sniðganga bæði frönskættuðu geó-
metríuna og ljóðrænu afstraktlist-
ina, og leita þess í stað fanga í efnis-
mikilli og náttúrutengdri afstrakt-
myndlist De Staels og Poliakoffs, en
einnig koma einhverjir bandarískir
afstraktlistamenn við sögu þeirra.
Nokkrar myndir frá þessu skeiði er
að finna í bók Tryggva, sem í heild
sinni er verðugt rannsóknarefni
fyrir glöggan listfræðing.
Út úr afstraktveseninu
Síðasta hluta bókar sinnar helgar Tryggvi frumbýlingsárum sínum og konu
sinnar í Kaupmannahöfn, þar sem hann „losaði sig út úr afstraktveseninu" með
því að láta undan ágengum veruleikanum; þetta var enda tímabil Víetnam-
stríðsins sem lét engan ósnortinn. Það er síðan ádeilumálarinn Tryggvi sem fyrst
kemur fyrir sjónir íslenskra áhorfenda á Súm-sýningunum 1969-71.1 dag gerir
hann fremur lítið úr þessum elstu verkum sínum, segir að málverk sé ekki „rétta
tækið fyrir pólitískan áróður“. Engu að síður vill hann umfram allt eiga „skoð-
anaskipti við samfélagið" með myndum sínum.
Til þessa hefur Tryggvi vikið sér undan því að svara spurningum um áfram-
hald þessarar frásagnar. Hér með er hann hvattur til að teygja lopann fram yfir
Súm tímabilið, en þar hafa allt of fáir þátttakendur verið til frásagnar. Og fáir
þeirra jafn skemmtilegir og Tryggvi Ólafsson.
Tryggvi Ólafsson lét ekki nœgja að hlusta
á djass, hann hefur teiknað og málað
marga helstu djassleikarana, m.a. sjálfan
Louis Armstrong sem hann hitti í
Kaupmannahöfn.
TMM 2005 • 1
99