Tímarit Máls og menningar - 01.02.2006, Blaðsíða 15

List, sannleikur og stjórnmál
Hershöfðingjar
svikarar:
Lítið á dautt hús mitt,
lítið á brotinn Spán.
En úr hverju dauðu húsi kemur logandi málmur
í stað blóma,
og úr hverju Spánarbroti
kemur Spánn,
og úr hverju dauðu barni kemur riffill með augu
og hver glæpur fæðir byssukúlur
sem með tíð og tíma hæfa ykkur
í hjartastað.
Þið munuð spyrja: Hví fjalla ekki ljóð hans
um drauminn, um laufið,
um eldfjöllin miklu í landi hans?
Komið og sjáið blóðið á götunum
komið og sjáið
blóðið á götunum
komið og sjáið blóðið
á götunum!
Leyfið mér að gera alveg ljóst að þegar ég vitna í ljóð Neruda þá er ég alls
ekki að bera saman lýðveldið Spán og frak undir stjórn Saddams Huss-
eins. Ég vitna í Neruda af því ég hef hvergi lesið eins magnaða mynd-
ræna lýsingu á því þegar sprengjum er kastað á almenna borgara.
Ég sagði áðan að Bandaríkin séu nú órög við að leggja spil sín á borð-
ið. Það er satt. Yfirlýst stefna þeirra nú er ‘alger yfirráð’ - ‘full spectrum
dominance'. Það eru ekki mín orð heldur þeirra. ‘Alger yfirráð’ þýðir
yfirráð yfir landi, sjó, lofti og himingeimi, gögnum öllum og gæðum.
Bandaríkin halda nú úti 702 hernaðarlegum stöðvum í 132 löndum
um allan heim, með Svíþjóð sem virðulega undantekningu, að sjálf-
sögðu. Við vitum ekki hvernig þeir fóru að þessu en þeim tókst það.
Bandaríkin eiga 8000 virka kjarnaodda. Tvö þúsund þeirra eru í við-
bragðsstöðu, þeim má skjóta með 15 mínútna fyrirvara. Bandaríkin eru
að þróa nýtt kerfi kjarnavopna sem gengur undir nafninu ‘bunker bus-
ters’ af því þau komast að skotmörkum ofan í jörðinni og springa þar.
Bretar, ævinlega samvinnuþýðir, ætla að skipta út sínum eigin kjarna-
vopnum, Trident. Hvern skyldu þeir hafa í sigti? Osama bin Laden? Þig?
Mig? Jóa Jóns? Kína? París? Hver veit? Það sem við vitum er að þessi
barnaskapur og brjálsemi - að ráða yfir kjarnavopnum og hóta að nota
TMM 2006 • 1
13