Heimsmynd - 01.03.1988, Síða 50

LÍFSHÆTTIR
EFTIR ÖNNU ÓLAFSDÖTTUR BJÖRNSSON
ÓFRJÓSEMI
GETULEYSI
En hvað veldur ófrjósemi? Körlum stafar hætta af kynsjúkdómum, hormónalyfjum, hettusótt. . .
w
trúlega fá ár eru liðin síðan ég heyrði ungan mann
úthúða konu sinni fyrir að vera óbyrja. Orð sem maður
skyldi ætla að þekktist ekki í mæltu máli lengur nema
kannski á sviði í Yermu García Lorca. Það hlálega var að
þau skildu skömmu eftir reiðikast mannsins. Hún á núna
tvö börn með seinni manni sínum. En lífið er alls ekki
alltaf svona einfalt.
Barnleysi í hjónabandi er viðkvæmt mál og margslungið.
Fljótlega eftir að karl og kona ganga í hjónaband fara þau
að heyra spurningar, í bestu meiningu auðvitað, um hvort
það sé nú ekki eitt lítið á leiðinni. Móðurhlutverkið er hafið
á stall, stundum má heyra því haldið fram af nokkrum
tilfinningaþunga að kona verði ekki fullkomin kona fyrr en
hún sé orðin móðir. Og svo er maginn á henni mældur út
og hún verður sífellt vandræðalegri ef barnið lætur bíða
eftir sér. Karlmenn þurfa að vísu ekki að sæta því að mag-
inn á þeim sé rannsakaður í fjölskylduboðum, en vissulega
velta þeir barnleysinu fyrir sér líka.
50 HEIMSMYND