Ársrit um starfsendurhæfingu - 2013, Síða 82

82 www.virk.is
U
PP
LÝ
SI
N
G
A
R
UPPLÝSINGAR
Útgáfa VIRK
VIRK hefur gefið út kynningar- og fræðsluefni fyrir
starfsmenn og stjórnendur í atvinnulífinu. Hægt er að
nálgast efnið á heimasíðu VIRK (www.virk.is) en einnig
er hægt að hafa samband við skrifstofu VIRK og fá senda
bæklinga og fræðsluefni eftir þörfum.
Hér er stutt kynning á helsta útgáfuefni VIRK.
Dagbók
VIRK hefur gefið út sérstaka dagbók fyrir einstaklinga
sem eru í þjónustu hjá ráðgjöfum VIRK. Henni er ætlað að
aðstoða einstaklinga við að efla starfsgetu sína og lífsgæði
með skipulegri markmiðssetningu og skráningu. Dag-
bókin er með vikuyfirliti á hverri opnu ásamt fjölbreyttum
möguleikum til skráningar á markmiðum, líðan, virkni
og árangri bæði fyrir árið í heild sinni, hvern mánuð og
hverja viku ársins.
Úr veikindum í vinnu
Bæklingurinn „Úr veikindum í vinnu“ er ætlaður
einstaklingum sem eru með skerta starfsgetu og
inniheldur hann ýmis góð ráð og fróðleik um mikilvægi
vinnunnar í bataferlinu. Einnig er að finna í honum ýmsar
upplýsingar um þjónustu VIRK og þjónustu ráðgjafa í
starfsendurhæfingu. Allir sem koma til ráðgjafa fá þennan
bækling afhentan.
Vinnum saman
Fræðslubæklingurinn „Vinnum saman“ er ætlaður
stjórnendum og starfsmönnum í atvinnulífinu. Í honum
er fjallað um leiðir sem stuðla að farsælli endurkomu til
vinnu eftir veikindi eða slys. Í bæklingnum eru einnig
leiðbeiningar um samskipti fyrir starfsmenn, stjórnendur
og atvinnurekendur og fjallað er um hlutverk ráðgjafa í
starfsendurhæfingu ásamt fróðleik um tengsl veikinda
og vinnu.
Heimasíða
Heimasíða VIRK (www.virk.is) inniheldur margskonar
fróðleik um starfsemi VIRK og um starfsendurhæfingu
bæði hérlendis og erlendis. Þar er til dæmis að finna
yfirlit um þjónustu úrræðaaðila í starfsendurhæfingu
eftir landshlutum og ýmsar fræðigreinar sem fjalla um
starfsendurhæfingu.
Guðrúnartúni 1 / 105 Reykjavík
Sími: 5355700 / virk@virk.is / www.virk.is