Ársrit um starfsendurhæfingu - 2017, Blaðsíða 63
VIÐTAL
UNNUR ST. ALFREÐSDÓTTIR
aðstoðarframkvæmdastjóri Janus endurhæfingar
R. HELGA GUÐBRANDSDÓTTIR
verkefnastjóri og ráðgjafi hjá Samvinnu
starfsendurhæfingardeild MSS
SAMTAL LEIÐIR TIL
BETRA SAMSTARFS
MJÖG GOTT AÐ TAKA
UMRÆÐUNA
Hver er reynsla ykkar af sameiginlegri
rýni?
Reynsla okkar er góð af sameiginlegu
rýninni. Mun skilvirkara form en áður.
Eykur gæði, mikill tímasparnaður og
minnkar skriffinnsku. Einnig jákvætt að
þeir sem eru að vinna að sameiginlegu
markmiði hittist og kynnist starfsháttum
hvers annars. Eykur traust og skilning.
Felst í þessu aukinn ávinningur fyrir
einstaklinginn í þjónustu?
Tvímælalaust. Oft eru þetta þung og erfið
mál. Á rýnifundum eru teknar m.a. ákvarð-
anir um hvort þjónusta sé að mæta þörfum
einstaklingsins, hvort halda á þjónustu
áfram eða hvort hætta skal þjónustu.Það
er æskilegt að það gerist í samtali en sé
ekki ákveðið samkvæmt greinargerðum.
Á fundunum hittast þeir sem þekkja
einstaklinginn og eru að vinna með honum
í starfsendurhæfingunni. Þetta eru aðilar
úr teymi hans í Janusi endurhæfingu og
ráðgjafi hans hjá VIRK sem eiga þarna
samtal með sérfræðiteymi VIRK sem hefur
e.t.v. ekki hitt einstaklinginn.
Hvernig er samstarfið almennt við VIRK?
Samstarfið almennt við VIRK er gott.
Rýnifundirnir hafa aukið gagnkvæman
skilning á störfum hvers annars. Samtal
leiðir til betra samstarfs.
Hver er reynsla ykkar af sameiginlegri
rýni?
Áður gerðum við greinargerðir sem ráð-
gjafar VIRK notuðu til hliðsjónar í rýni. Nú
sitjum einnig í rýni og hefur reynsla okkar
af henni verið ágæt. Misjafnar skoðanir eru
á meðal ráðgjafa Samvinnu um hvort þeim
finnst betra að sitja rýnina eða senda inn
greinargerðir eins og áður var gert.
Felst í þessu aukinn ávinningur fyrir
einstaklinginn í þjónustu?
Það er mjög gott að taka umræðuna með
sérfræðingunum í rýni þegar um er að
ræða flóknari og þyngri mál. Í þeim tilfellum
sem allt gengur samkvæmt áætlun er mat
okkar að greinargerðir gætu dugað en
mjög mikilvægt er að geta farið á dýptina
í mál sem þurfa frekari skoðunar við. Við
sjáum ávinninginn felast í því að við getum
útskýrt mál þátttakanda okkar betur með
samræðum í stað þess að setja upplýsingar
frá okkur í formi greinargerðar, enda koma
þátttakendur í starfsendurhæfinguna
daglega og kynnumst við þeim því vel.
Hvernig er samstarfið almennt við VIRK?
Samstarf okkar við ráðgjafa VIRK er
til fyrirmyndar. Við fundum með þeim
mánaðarlega auk þess að vera í reglulegum
samskiptum vegna sameiginlegra mála.
Boðleiðir okkar eru stuttar enda erum við í
sama húsi og Verkalýðs- og sjómannafélag
Keflavíkur þar sem ráðgjafar VIRK eru
staðsettir, því er oft hægt að leysa mál
einstaklinga í þjónustu vel hér innanhúss
með því að skjótast á milli hæða. Auk þess
eru hér í sama húsi önnur stéttarfélög,
Vinnumálastofnun og Festa lífeyrissjóður
sem við erum einnig í samstarfi við.
63virk.is