Ársrit um starfsendurhæfingu - 2017, Blaðsíða 27

VIRK
STYRKIR VIRK
SÉRSTAKLEGA VERÐUR HORFT TIL UNGS FÓLKS 2017
VIRK veitti í fyrsta
sinn haustið 2016
styrki til virkniúrræða
sem styðja við og
auka árangur í
starfsendurhæfingu.
Markmið styrkjanna til virkniúrræðanna er að stuðla að samstarfi
við aðila sem veita opið og gjaldfrjálst aðgengi að þjónustu
fyrir einstaklinga sem glíma við heilsubrest sem hefur áhrif á
atvinnuþátttöku þeirra.
Styrkirnir til virkniúræðanna eru viðbót við styrki sem VIRK hefur
veitt undanfarin ár til rannsóknarverkefna og uppbyggingar- og
þróunarverkefna en VIRK er heimilt samkvæmt lögum 60/2012
að styrkja og stuðla með öðrum hætti að rannsóknum, þróun
og uppbyggingu í atvinnutengdri starfsendurhæfingu m.a. með
styrkveitingum.
Sérstaklega verður horft til virkniúrræða miðuðum að ungu
fólki og til rannsóknar- og þróunarverkefna tengdu ungu fólki í
styrkveitingum VIRK árið 2017 m.a. vegna þess að hlutfall yngra
fólks meðal einstaklinga í starfsendurhæfingu hjá VIRK hefur farið
vaxandi undanfarin ár.
Framkvæmdastjórn VIRK úthlutar styrkjum tvisvar á ári í þessu
skyni í samræmi við rannsóknarstefnu VIRK og þurfa umsóknir
um styrki að hafa borist sjóðnum fyrir 15. janúar eða 15. ágúst
ár hvert. Ákvarðanir um styrkveitingar eru teknar í framhaldinu af
framkvæmdastjórn að fenginni umsögn frá sérfræðingum VIRK og
liggja fyrir í mars og október.
Á vefsíðu VIRK má finna rannsóknarstefnu starfsendurhæfingar-
sjóðsins, reglur um úthlutun styrkja og umsóknareyðublöð.
27virk.is