Gríma - 01.09.1933, Page 57

SKATAN í HVITÁ
5S
23.
Skatan i Hvítá.
(Handrit skólastjóra séra Magnúsar Helgasonar).
Pétur Einarsson, er kunnur er frá »mannskaöan-
um á Mosfellsheiði« og síðar var bóndi í Áhrauni
og að Felli, bjó fyrst í Auðsholti í Biskupstungum.
Þar bjó þá og Eyjólfur tengdafaðir hans, faðir
Helgu fyrri konu hans. Auðsholtsbændur hafa löng-
um stundaö laxveiði í Hvítá með ádrætti og haft
bát til veiða. Einu sinni sem oftar voru þeir Eyjólf-
ur og Pétur að veiðum. Þeir voru staddir neðanvert
við Tunguey, nálægt því er Tungufljót kemur í
Hvítá. Kemur þá upp rétt fyrir framan netið og
syndir hægt á undan því grátt bak allbreitt og
langt, líkt og þar færi gríðarstór skata; kvaðst
Pétur, sem sjálfur sagði mér þessa sögu, glöggt
hafa séð, hvernig hún bærði börðin. Pétur varð
allur á lofti og vildi róa bátnum að þessari skepnu
og fá af henni nánari kynni, en Eyjólfur tók því
fjarri að glettast neitt við hana, og kvað það ekki
vera í fyrsta sinn að hann sæi hana á þessum slóð-
um. Hlaut hann að ráða, en Pétur undi illa við.
Ekki sá hann skepnu þessa síðary enda varð eigi
vist hans löng í Auðsholti eftir þetta. Svo glöggt
kvaðst hann hafa séð þetta, að um enga missýningu
gæti verið að ræða; fjarlægðin hefði eigi verið
nema fáar álnir. Skatan fór hægt undan netinu
lítinn spotta og stakk sér þá á kaf. Þetta var um
sumar og gat ekki verið um sandjaka að ræða, sern
oft geta orðið til blekkingar í leysingum vetur og
vor.